الثلاثاء، ٢٧ مايو ٢٠٠٨

عامين لطوارئ اخرى ..


لا للطوارئ .. هكذا كان شعار المعارضة فى مجلس الشعب أثناء تمرير القانون المشبوه المسمى بالطوارئ
--
طوارئ .. اه طوارئ مرة تانيه ... مش كانوا قالوا فيه قانون ارهاب .. لا ياعم ده بيضحكوا علينا ..اه بيضحكوا علينا .. لا فيه ارهاب ولا فيه احترام للديموقراطيه اللى الريس هبلنا بيها ... ولا فيه حتى حريه رأى ولا فى حريه فى التظاهر ولا الاحتجاجات ولا انشاء احزاب ولا فيه اشراف قضائى على انتخابات محترمه ولا فيه رئيس منتخب بطريقه ديموقراطيه حتى الرئيس اللى كنا حاطين الامل عليه حطوه فى السجن كدهوه عينى عينك ...
نظيف رئيس الحكومة ومبارك رئيس الدوله ورئيس الحزب الاوحد الفرعونى والعادلى وزير الحمايه الشخصيه للنفرين ؛
يعلنون ..؛
لمدة عامين قادمين مد قانون الطوارئ بعد 27 سنه من استخدامهم فى قهر الشعب المصرى واستخدام اسلوب الترويع للامنين وانتهاك الحقوق والاعراض واقامة الكردونات وحصار الانشطه بالجوامع واعتقال كل من يثبت انه ضد سياسه الحكومة المباركيه ...
فى العام الماضى قبل مد الطوارئ عام .. قال أحد اعضاء حزب الحكومه ( ولا داعى لذكر اسمه ) : وعليا الطلاق بالتلاته دى تبقى اخرة ... واهيه يا بتاع الحزب اتمدت تانى .. ليه بتكدبوا على الشعب المصرى بقانون واهى وواهم اسمه الارهاب ... هو انتوا فاكرينا عيال لعب تحت رجليكوا تضربوا فينا وتجيبونا يمين وشمال ... تغلوا الاسعار تضربونا على قفانا وتجيبونا من بيوتنا بقانون اسمه الطوارئ ... ايه يا حكومة ؟ .. ايه يا نظيف ؟ .. ايه يا شهاب( وزير القانون كله ) مش ده عيب فى حق دساتير العالم ان مصر تستخدم قانون الطوارئ وفرض حالة الطوارئ فى البلد لمده 27 سنه ..
نعلن انا ( وكل مدون ومواطن محترم غيور على بلده فيه ريحه الوطنيه ) المدون ( عمرو سلامة ) اللى لسه عايش بشحمه ولحمه انه ضد قوانين الطوارئ كلها اللى بتخترعها الحكومة واللى شغاله عليها ... ويتسائل انه عندما نفرض الطوارئ 27 سنه لماذا لم نصد العدوان القائم على حدودنا من قتل للبدو والاطفال من قبل اسرائيل ؟ ... عتدما استضفتم اولمرت وبوش عندكم وهما الرئيسان اللدودان فى العالم كله .. ويعتبران ان مصر بلد السلام اذن لماذا تفرضون علينا حاله الطوارئ ؟ .. يعنى بوش واولمرت مش خايفين منهم ليه بتفرضوا حالة الطوارئ ؟ ...
وفى النهايه اقول كلمة لعز ونظيف والعادلى ولرئيسهم ذو الثمانين عاما ..

احنا نستاهل .. لأننا مش عرفنا نقول لأ .. مش عرفنا
نعيش بكرامه .. عشنا تحت سيطرتكم وذلكم .. واقسملكم
أن الامر لن يدوم العامين واذكركم بذلك يللى كل اللى
سقف وهيص تحت قبة المجلس لتمرير القانون ؛
:: صور الجلسه ::

نواب الاخوان يرفضون وبشده .. لا لا لا للطوارئ

البلتاجى : نضع فى رقبتكم 50 الف اسره لا تعرف مصير ابنائها فى سجونكم ومعتقلاتكم حتى الان

حينما تصدى النواب ..

يا جماعه حرام عليكم .. الشعب ده غلبااااااااان طوارئ لا يا ريس

الغول (امين العام لنواب الحزب الوطنى فى المجلس ) : ايوة كده .. كده انام مرتاح من الاخوان

لن نترككم تضحكوا علينا بقوانيكم .. لا والف لا ياخى وعليا النعمه الراجل جاله السكر والضغط من كتر الزعيق شايفين عز الرقاص .. بيضحك ويصقف .. فرحان موت من تمرير القانون ... صقف يابيه انت نسيت مين اللى مخليك محتكر الحديد من حقك يا مهندس الاحتكار
ان الارهاب لا يترك مصر ونحن نخاف عليها ولذلك سنمرر الطوارئ .. اوعى على الارهاب
نواب الوطنى فرحين .. وكمال الشاذلى يمتعض ويقول لو حد ماتله حد فى حادثة ارهاب لهيقول انا بدى الطوارئ طول عمرى

ووقفه تاريخه لنواب عرفوا ان الجق هذا ضريبته ... وان الباطل لن يدوم طويلا

هناك ٨ تعليقات:

Hosam Yahia حسام يحيى يقول...

اول تعليق ياباشا


ربنا يكرمك يارب


ويجعل مجهودك فى ميزان حسناتك

:)

sun_of_freedom يقول...

27 سنة وبيحكمن قانون يدعى بالطوارئ .وكان ايه النتيجة ؟؟؟؟

المفروض يطرحوا سؤال ..... فشل ام نجح ؟
بس قبل ما يطرح الاجابه معروفه ....

وبيعيدوا فيه تانى ويمدوه ..شئ طبيعي لسياستهم وقهرهم للشعب

لو كنا فى دوله بتحكم بالعدل والحرية والديقراطيه مكنش فيه قانون زى دا
لكــــــــــــن للأسف .....ودا دليل على الاستبداد والظلم


وبعدين لما نطبق القانون دا يطبق على المجرمين واللصوص الي بينهبوا البلد
مش يتطبق على شرفاء البلد تحت مظله قانون الطوارئ الي بيحمى البلد بل هو الى بوظ الدنيا

خاليهم يمدوا فيه ويمد كمان ربنا فى عمره يااااااااااااااارب
ولنملى لهم ليزدادوا إثما
يعنى كان آخر حاجه هنتحكم فيها
نسوا ان هما الى هيتحكموا بس مش قانون الطوارئ
لكن حكم المالكين
والاحكام الربانيه

( ولا تحسبنا الله غافلا عما يعمل الظالمون )

دوشونا بقانون الطوارئ قانون الطوارئ ..طوارئ ايه بس .......أه يا بلد

تمام يا عمرو على البوست الرائع
بس حلوة وهما بيصقفوا دى


تسلم ........ بس ايه دا بس

فعلا تغييييييييييييير زى ما قولتلى

(ههههههههههههه)

بارك الله فيك

rtrcbh يقول...

السلام عليكم ورحمه الله وبركاته
جزاكم الله خيرا يا عمرو على هذه التغطيه المتميزة كما عودتنا بارك لله فى مجهودكم وتقبل منا ومنكم

Dr-Ahmed يقول...

طواريء طواريء طواريء..

من قبل الجسله وانا عارف انه هتوافق عليه ميه في الميه ان م يكن مليون في الميه ..

الاوضاع الحاليه ايه اللي هيحميها غير قانون بدل ما يسمي قانون الطواريء يسمي قانون .. الاستبداد .. قانون القهر..

طواريء ايه بس ... هو احنا في حرب وفي حظر تجول.. يا سبحان الله ...

لحد امته هنفضل خايفين ... هنفضل خايفين واحنا حتي علي النت ....استغفرا لله العظيم واتوب اليه ..

اشكرك علي التغطيه

فليعد للدين مجده يقول...

أخي عمرو
القانون في مصر يطبق بشكل انتقائي مزاجي
لم نصل بعد الي نعيش في ظل دولة القانون

لماذا؟

لأن الشعب لم يصل في قوته ورقيه الي أن يفرض علي حكزماتنا إنفاذ القلنون ورفض الانتقائية في تطبيقه

eman alaa eldin يقول...

جزاك الله خير على البوست الاكثر من رائع والتغطية الممتازة
واللهم ارنا فيهم ايه
خليهم يصقفوا براحتهم مهى بقت بتاعتهم
لامتى يا ربى هيفضلوا يفرضوا علينا حاجات بالقوة ربنا يهديهم او ياخدهم

عاشــــــ النقاب ـقــــة"نونو" يقول...

انسى يا عمرو
مبروك علينا طواريء عامين بس ايه دة
هموت من الفرسة
ربنا يفك اسرنا وااحنا معمول لنا طواريء ممكن تغيبنا عن الدنيا بالحيا
حسبي الله ونعم الوكيل
ربنا يجعل مجهودك في ميزان حسناتك

تحياتي

حكور الهوابرى يقول...

نشكرك ياعمرو على هذا المجهود الجبار الذى تقوم به من اجل هذا البلد ونريد منك المزيد والمزيد....اخوك /محمد عطيه(الهوابرى)