الأربعاء، 7 مايو، 2008

لسه عايش .. تكشف بالفيديو تفاصيل اكبر عملية سرقة دقيق مدعم من اكبر مخبز بمركز ديرب نجم شرقيه

----
من فرن السنترال نراسلكم بما هو خطير ...



فيديو عملية تهريب الدقيق من المخبز ... مصور يوم الاثنين الماضى 5/5/2008 فى الساعة الثانية عشر ليلا

رابط الفيديو على اليوتيوب لصورة احسن ودقه عاليه .. اضغط هنا

فى خطوة تعتبر ليست هيا الاولى ولن تكون الاخيرة فى ظل حكومه لا تعرف للمشاكل حلول ولا تعرف ان للفشل حدود ..
نعم لا تعرف للفشل حدود فقد فشلت فى حل ازمات كثيره جدا وتفرغت لضرب المعارضين السياسيين واعتقالاهم وتعديل القوانين بما يساعدها على راحه ادمغتها بينما يعيش المواطن المصرى فى اهانه يوميه امام افران العيش ... نعم افران العيش تلك الازمه الاخيرة التى وضعت مصر كلها على كف عفريت وراح منها الضحايا ما راح بسبب وقوفهم فى طوابير العيش وحصولهم على الارغفه اليوميه لكى ياكلوامنها... فعندما نكون نحن الشعب المصرى اصحاب الموارد والطقس والحضارة ووو لا نستطيع ان نحصل على رغيف خبز يكفى قوت يومنا فهذه مصيبه من مصائب حكومة تفرغت لتنهب ولتسرق ولتزور ولتلفق ولتضرب ولتعذب ولتكذب ...
الحكايه تبدا عندما كنت اسير فى احدى الطرقات الجانبيه ليلا فى شارع السنترال فى مركز ديرب نجم بمحافظة الشرقيه وكنت اسير صدفه وفجاه وجدت العجب امامى .. وجدت ما لا تتخيله عقلى ابدا .. وجدت بجانبى المخبز او الفرن الالى يخرج منه الدقيق فى شكائر ويوضع على سيارة تاخذه الى مكان يعلم الله الى اين ؟ ...
نعم وجدت الدقيق المدعم الذى وضع هذا الشعب فيه كل جهده وتعبه .. وجدت دقيق التموين المدعم من الحكومة يخرج من أكبر مخبز بالمدينه ... اى وبالمعنى الاصح يهرب ويسرق ولا تخبز حصته كامله المكونة من 68 شيكارة دقيق وهيا اعلى حصة يحصل عليها هذا الفرن فى المدينه باكملها ... نظرت بجوارى فى ذهول ولكن وجدت بلطجى او بالمعنى الاصح مؤجر من صاحب المخبز لحراسة المكان خوفا من اقبال اى احد على الشارع المتفرع ... فا انا وقفت ووجدت صاحبنا هذا يكلمنى انت واقف هنا ليه ؟ .. عملت نفسى انظر الى الموبايل وكرر لى السؤال وقولتله بتسال ليه ؟ .. قاللى بزعيق باسالك ترد عليا ... اثرت السلامه وردت: منتظر صديقى بهذه العمارة قالى اسمه ايه قولتله كذا كذا ... قالى مافيش حد بيقف هنا معلش يابابا امشى ... نرفزنى واستفزتنى كلماته وقولتله بصوت عالى شارع اهلك هو ؟ ... فا كادت ان تنشب بيننا خناقه ويمكن ان تحول الى مطاوى وسكاكين الا ان صاحب لى اخذنى منهم ... وانتظرت قلائل لم تتعد الدقائق على راس الشارع حتى وجدت سيارة تخرج من الشارع المتفرع فى اعلى سرعه لها وهيا تحمل الدقيق وتسير وعرفنا فيما بعد ان السيارة تخص صاحب المخبز نفسه والسيارة تحمل رقم 194975 نقل القاهره وحسبنت على ما رايت بام عينى دقيق يسرق ويهرب ولا يجد هذا الشعب الخبز ليكفى قوت يومه ..
السيارة التى حملت عليها الدقيق فى اول مره .. وهى لصاحب المخبز

قصة تصوير الدقيق المهرب

ووضعت هذا المخبز فى راسى ... ولازم اجيب اصله وفصله ... فى اليوم الثانى ذهبت الى المكان الموعود فى الساعه الثانية عشر ليلا بتاريخ 5\5\2008 يوم الاثنين وكانت معى كاميرتى الديجيتال التى عودتنى ان تصاحبنى فى هذه الاوقات العصيبه ... وبسرعه ومهارة عاليه طلعت العمارة المقابله الى المخبز وطلعت فوق السطوح وظللت ارصد ما يفعل من تهريب للدقيق خارج من المخبز مباشرة على سيارة النقل .. ولكن كان الغريب انه فى هذه الليلة قد تبدلت السيارة من سيارة صاحب المخبز الى سيارة لونها احمر نصف نقل واقفه مباشرة امام الباب الخلفى من المخبز ... وايضا كان البلطجيه جالسون على راس الشارع يمنعون الداخلين لهذا الشارع والخارجين ايضا ... وبعد ملاحظة منى دامت العشرين دقيقه حتى وجدت عمال المخبز يجرون فجاه الى الباب الخلفى لكى يفرغوا الشكائر داخل السياره النصف نقل وبدات فى التصوير والكل واضح امامى تهريب وسرقه لحصه دقيق مدعمه من قبل الحكومة تسرق وتباع فى السوق السوداء بـ 150 جنيه بينما ياخذها صاحب المخبز مدعمه بـ 15 جنيه ... انظروا الفارق .. المهم فجاه وانا جالس على قرفصائى وجدت خلفى فوق السطوح احد اصحاب هذه العمارة وصرخ باعلى صوت الجنزير يا محمد وكان معاه والدته .. فا التفت الى ورائى وجدت اخينا حتى هداته من روعه وذكرت له انى اصور ما يقوم به من اعمال تهريب فيسر لى الامر وكان ناقص يجيبلى كوباية الشاى ... وشكرته وبدات اصور مرة اخرى حتى انتهت السيارة من تحميل الشحنه الازمه لها من دقيق مدعم وبسرعه البرق انطلقت هيا ايضا الى مكان غير معلوم ... ولكن لاحظت شئ غريبا ايضا وجدت سيارة اخرى نصف نقل وهيا سيارة صاحب المخبز التى ذكرتها لكم فى بادئ الامر ... المهم نزلت وروحت بعد تصوير لعمليه تهريب دقيق مدعم خطيره جدا ...وفى الصباح اثرت ان انزل لكى اصور معاناة الناس امام هذا المخبز .. وبينما انا موجود فى الصف ولم اخرج الكاميرا وجدت الناس يتحدثون: ساعة ونص عشان اجيب بجنيه عيش ياخى حرام عليك ما تمشينا .. فيها ايه لما تمشينا ... والثانى جن جنونه ويحاول ان يكسر القضبان الحديديه التى تفصله عن البائع والستات من الناحيه الاخرى يبكون وبحرقة دم ويتصارعون على الوقوف فى طابور وفي واحده ضربت التانيه عشان ده مكانها وهيا خدته ستات مع بعض ... ده كله وانا واقف اسمع فقط لم اخرج الكاميرا .. حتى حانت اللحظه واخرجت الكاميرا وبدات فى التصوير والناس ابتدت تبص وتتكلم وينظرون للكاميرا واللى يقولى دى مشكله وعايزين نحلها واللى يقولى عايزين عيش يا دوله واللى واللى ... وفجاه وجدت صاحب المخبز فى سيارته البيضاء النصف نقل ينزل منها ويقولى انت بتعمل ايه ؟ قولتله صحافه ... قالى انشالله يكون ابن الريس ذات نفسه ما يهمنيش يابن الـ .. وقالى انت عارف لو جيت هنا تانى هاعمل فيك ايه هاقطع رجليك .. عارف يعنى ايه هاقطع رجليك وكان معه بلطجى ضربنى على سدرى حتى وجدت من فلاح عادى جدا يقوم وبزقه للخلف انت بتعمله ايه .. عشان بيورى الحقيقه للناس عشان مش راضين تطلعوا العيش .. بتودوه فين باقالى كتير واقف انتو ايه ... وجرا الناس حواليه صور يا استاذ صور ... وفجاه قام صاحب المخبز بمحاوله لخطف الكاميرا ومش عرف ياخدها حتى اقسم قسما غليظا مغلظا وانا امامه اضع عينى فى عينه فى تحدى واضح منى وهو لا يعرف انى قمت بتصوير الدقيق المهرب امس .. اننى اذا قربت من هنا تانى سيقوم بكسر رجلى وان هو مش مهم ياخد فيا سنه ولا اتنين ... وركب سيارته ومشى هو والبلطجى اللى معاه .. والناس واقفه فى الطابور بتقولى صور صور .. وانا فى راسى تدور الافكار ... حتى قمت بتصوير بعض الصور ومشيت فى تفكير لما حدث ليس للتراجع عما فعلت ولكن فى أخذ اى خطوة اخرى للكشف عن جرائم صاحب المخبز .. الذى اسمه محمد العدوى ذو الوجه المشقوق من اثر خناقه دخل فيها (بلطجى سابق هو ) ويعرف فى المدينه باسم اكبر مهرب دقيق فى البلد ... واكبر حرامى ... محمد العدوى صاحب فرن السنترال ...المعروف بجرائمه فى المركز ...واتمسك قبل كده فى تجارة دقيق ولكنه لم يحرم ... فا انا اذ هنا اعرض لكم الفيديو الذى صورته لتهريب الدقيق وايضا صورا للكتل البشريه المنتظرة رغيف العيش لكى تسد جوعها برغيف يسد رمقها ... سرقوا الدقيق واين الحكومة فى حل طوابير العيش ان المشكله تبدا من هنا يا سادة ولكن هل من مجيب هل من يحل هذه المشكله ؟
ومن مدونتى اعلن انا عمرو سلامة اننى لن اخاف لا عدوى ولا بدوى ولو كان مين وها هيا صورتى موجوده ومعروفه امام الناس واسمى موجود عمرو سلامة .. وساظل افضح هذا الحرامى حتى اكشف كل جرائمه ... وكل حراميه البلد ... خلاص الانتفاضه قربت .. وبكرة الحراميه دول يبوسوا رجلين الشعب عشان يرحمهم ...
دعوه الى كل صحفى ان يريد ان يحصل على صور من الفيديو حتى ينشرها .. او يحصل على الموضوع بالتفصيل
فعليه بايميلى وليكلمنى وانا تحت امره :
Amr_4online@yahoo.com

هناك 30 تعليقًا:

خبيب يقول...

ربنا يحفظك ويحميك يا رب

ويبارك فيك

وينتقم من كل مجرم لا يرقب في الناس إلا ولا ذمة ..

ولا هم له إلا بطنه

تغطية أكثر من ممتازة

بس حاول يكون معاك حد

مواطن زهقان يقول...

تغطبه جامده وممتازه
ربنا يوفقك فى اللى جاى ويعينك على العدوى

ريمان يقول...

ربنا ينتقم من كل واحد غشاش وحرامى وخاين
حسبى الله ونعم الوكيل
ربنا يحفظك يا عمرو يا رب ويبعد عنك كل شر ويحميك ويا ريت تخلى بالك من نفسك
ربنا يجعله فى ميزانك

أبا يحيى وأدم يقول...

السلام عليكم
اخى وحبيبى الصغير عمرو
ما زلت على عهدى بك بانى اتمنى ان تصبح صحفيا ان شاء الله
بجد الموضوع رائع وقراته كاملا ولا اجاملك بس التصوير كان ممكن يتظبط فى الفديو اكثر من كدا بس انا اعذرك علشان الليل والموقف
ربنا يكرمك يرب ويوفقك ويجعلك دائما سبب فى نصرة الحق وكشف الفساد والمفسدين
اخوك الغامض
هههههههههههههههههه
د/احمد جمال

إسماعيل إبراهيم eng.ees2020@yahoo.com يقول...

جزاكم الله خيرا

ربنا يجعله في ميزان حسناتك

يارب

ويوفقك ...............

اللهم انصر الإسلم وأعز المسلمين

جمعاوى روش طحن يقول...

الله ينور يا أبو سلامة

ايه الشغل الجامد ده

أنا ح أبتدى أغير منك على فكرة

بالمناسبة مبروك الشكل الجديد يا مولانا


حاول تبعت الفيديو للقنوات الفضائية يا أبو سلامة


أمى بتقولك " خد بالك من نفسك "

قلم رصاص & فارس الإخوان يقول...

الله عليك يا عم عمرو

ربنا يحفظك يارب فعلا البلد ديت من كتر الفساد الفساد عاد بيخر منها

يلا خلي البهايم تاكل وبلاش البني أدمين تاكل

حسبنا الله ونعم الوكيل

يعني ها يقطعولك رجلك خلاص طيب ابقي كلمني اجي اصور وهما بيقطعوا وماله يا سيدي يعني بعد كدة ها تبقي برجل واحدة ههههه حبيبي سيبها علي الله

ربنا هو الحافظ ولا يهمك تهديدهم

غير معرف يقول...

الناس فى الشارع والإنترنت
على الفيس بوك وخارج الفيس
اتفقوا على يوم الجمعة
http://www.facebook.com/topic.php?uid=9973986703&topic=9931

عمرو سلامة يقول...

خبيب اخويا المحترم ...
يارب امين ينتقم من كل مجرم وحرامى سرق قوت الشعب ومص دمه ..
وشكرا جزيلا عل ىتعليق حضرتك
يا دكتورنا مش تحرمنا من زياراتك

عمرو سلامة يقول...

ههههههه
يارب ياعم يعنى على العدوى ...
اخبارك ايه ياعم احمد صحيح .. لا عنت بترن ولا بتسال .. اخبارك ايه ؟

عمرو سلامة يقول...

ريمان ..
يارب امين يا ريمان .. ادعيلى يابنت الناس ...
واللهم اعنا على كشف كل حرامى ..
ومش تحرمينا يافندم من زياراتك .. ولكى منى كل الشكر والتقدير

عمرو سلامة يقول...

اخويا الكبير ودايما الغامض بالنسبالى دكتور احمد ... ههههه
والله يافندم انا سعدت جدا بزيارتك لمدونتى ومدونتى نالها الشرف والله ..
والله انا كنت باصور وربنا العالم باصور ازاى ... واهيه طلعت كده بأه .. المرة الجايه تطلع احسن باذن الله .. ولا المرة الجايه يكون اتقبض عليه هههههه
شكرا ليك يافندم على زيارتك

عمرو سلامة يقول...

المهندس اسماعيل ..
يارب يافندم يوفقنى كده ... ويعز الاسلام والمسلمين
شرفت مدونتى بزيارتها والله .. والله انا ماعارف اقول ايه ... ياريت تزورنا تانى وتالت ... مستنين

عمرو سلامة يقول...

ماشى يابوالرواشه كلها .. ههههههههههههههه
فينك يا هيثم باشا من زمان .. مش عنت باشوفك ليه يابن الناس الطيبين .. عايز اجى ازورك صحيح ..
وقول للحاجة والدتك ... ابنك عمرو بيقولك باذن الله هيخلى باله ..
اما فى حكايه القنوات الفضائيه ...
فا لسه هاشوف اهوه العاشرة وتسعين دقيقه والجرايد .. لسه يعنى
وشكرا ياعم على التعليق الروش زيك ده

عمرو سلامة يقول...

سلكه .. قلم رصاص بحاله هنا ..
هههههههههه عايز رجليا تتقطع يلا ... ولا هههههه والله لما اشوفك يابن سلكاوى ... ههههههههه
بدل ما تقولى ربنا ينصرك على مين يعاديك تقولى تتقطع رجلك .. ماشى يا سلكاوى .. ههههه
----
وربك هو الحافظ على رايك ..
وشكرا ياخالد على كومنتك الغالى عليا ده

nonoymm يقول...

ربنا يحميك ويحفظك ويبارك فيك
بس خلي بالك من نفسك بجد ربنا يرعاك يارب
سلمت يمينك
تحياتي وتقديري

محمد بن جمال الياسرجى يقول...

السرقة فى كل مكان فى مصر المسروقة

د / احمد فارما يقول...

لآ حول ولا قوه الا بالله ..

معروف ان الدقيق المدعم بيتباع في السوق السودا بضعف ضعف ضعف تمنه ...

اشكرك علي جرائتك في الموضوع ..

(( ملحوظه..تم اضافه مدونتك في مدونتي http://halitro7.blogspot.com/

إسلام يقول...

ياعيني علي الحكومه اللي حلت مشكله العيش
هو ده باين عليه الحل الامثل انه يهربو العيش وبسعر 4 اضعاف او5 كمان والحكومهشايف كله ده وسكته والله يكون في العون الناس اللي بقف في تبور وسعات لما يجي دورها يقولو العيش خلص او الفرن عطلان
واحنا مستنين تكملت الموضوع منك وكشفهم
وربنا يحفظك وتقدر علي كده
تحياتي

وومن يقول...

حسبنا الله ونعم الوكيل
مش عارفة الناس دي بيجلها نوم ازاي ولا بيخدوا بنج للضمير
ربنا يجازي اللي كان السبب
ولسة طول ما احنا ساكتين هانشوف اكتر من كدة

شمس الحرية يقول...

والله يا عمرو هما مفضوحيم من غير حاجه
بس عاملين نفسهم مش مفضوحين
دا الشعب كله عارف الى فيها
بس بجد صضحافي ميه ميه
ابقا خدنى تحت التدريب او في المخبرات


حسب الله ونعم الوكيل
لا ويقولك مشطكله رغيف العيش ومفيش دقيق
لا وبلد زراعيه
بجد حاجه تكسف والله
دا انا بكون خذلانه وانا بقول في مشكله رغيف عيش
منهم لله

شمس الحرية يقول...

والله يا عمرو هما مفضوحيم من غير حاجه
بس عاملين نفسهم مش مفضوحين
دا الشعب كله عارف الى فيها
بس بجد صضحافي ميه ميه
ابقا خدنى تحت التدريب او في المخبرات


حسب الله ونعم الوكيل
لا ويقولك مشطكله رغيف العيش ومفيش دقيق
لا وبلد زراعيه
بجد حاجه تكسف والله
دا انا بكون خذلانه وانا بقول في مشكله رغيف عيش
منهم لله

شمس الحرية يقول...

والله يا عمرو هما مفضوحيم من غير حاجه
بس عاملين نفسهم مش مفضوحين
دا الشعب كله عارف الى فيها
بس بجد صضحافي ميه ميه
ابقا خدنى تحت التدريب او في المخبرات


حسب الله ونعم الوكيل
لا ويقولك مشطكله رغيف العيش ومفيش دقيق
لا وبلد زراعيه
بجد حاجه تكسف والله
دا انا بكون خذلانه وانا بقول في مشكله رغيف عيش
منهم لله

غير معرف يقول...

جزاك الله اخى وحبيبى وصاحب العمر عمور وحماك الله من كل بلطجى غاصب وخلى بالك من نفسك ...............وربنا على كل ظالم.......ومعاك الى النهاية ولاصلاح

غير معرف يقول...

جزاك الله اخى وحبيبى وصاحب العمر عمور وحماك الله من كل بلطجى غاصب وخلى بالك من نفسك ...............وربنا على كل ظالم.......ومعاك الى النهاية ولاصلاح

غير معرف يقول...

جزاك الله اخى وحبيبى وصاحب العمر عمور وحماك الله من كل بلطجى غاصب وخلى بالك من نفسك ...............وربنا على كل ظالم.......ومعاك الى النهاية ولاصلاح اخوك ابو ثابت

محمد بن جمال الياسرجى يقول...

جزاكم الله خيرا يا عمور على هذا الجهد وربنا يجعله فى ميزان حسناتك ، وندوس على السرقة والظلم بأرجلنا

Mohamed يقول...

شكرا ليك

استمر في كشف الفساد بس تعرف لو كنت جبت الشرطة وخليت حد تاني يصور

طبعا انتا عارف صاحب المخبر هيظبط الشرطة فكنت هتبقي جبت الاتنين

HOSSAM ELMOTAIM يقول...

الله الله يا عمروووووووو
هو ده الكلام
فكرتني بمغامراتي أيام الفتونة .. والجدعنة
ربنا يحميك ويوفقك يا عمرو وان شاء الله .. بوجود شباب زيك لا يهابون سوي الله .. هنحرر بلدنا ونحرر الاقصي وأمتنا إن شاء الله
تقبل خالص حبي وتحياتي
أخيك في الله

محمد يقول...

ربنا يحميك ياعمى عمرو احنا معك يد بيد ورقم تليفونى 0185050335