تعودتم منذ زمن .. ان هذه المدونة سياسيه بحته لا غير لها الا ذلك .. نقض فى الرئيس وسياسه الحكومة .. وفضح الفساد الحاصل .. والتحدث بلغه الحماسه ونقل الوقائع والاحداث لكم ... ولكننا فى هذا البوست ( الموضوع ) اريد ان اتكلم عن بعض ما يحدث داخل بيتنا .. لأن فى الاول والاخر هذه مدونة شخصيه تتبع احد من الاشخاص يسمى بعمرو سلامة ولا تتبع اى جماعه او حزب او اناس اخرين ... بل هيا من قلبى الى قلوبكم ... ؛؛
نتحدث الان عن ما يدور فى بيتنا من فرح وقلق .. من سعادة واضطراب .. من قلق وحيره الى فرحه لم تسعها اى ام ؛ ماذا يحدث وماذا يجرى تعالوا بنا نعرف ..
أخويا نور الدين محمود .. فى الصف الاول الابتدائى الازهرى لغات (معهد مكة المكرمه بالابراهيمية الخاصه) حافظ من القران حوالى خمس اجزاء كده ..
نور ده عامل فرح فى البيت اليومين اللى فاتوا عارفين ليه .. لأنه حاصل على الترتيب الثانى على مستوى المعهد وجاب 490 من 500 .. زائد انه جاب فى الانجليزى اللغات ده ميه فى الميه ... وناقص العشر درجات دول فى الترمين الاتنين ... نور الدين محمود عامل فى البيت هيصه باناشيده اللى كل شويه يشغلها من ونجحنا السنادى لـ بكره نحرر الاقصى .. وعمال يلعب بالبلالين وامه عملاله تورته وحاجة زى كده .. المهم انا كاتب كده لأنى عايز اقول لنور اخويا ومن كل قلبى مبرووك يا نور يا اخويا .. كل شويه باسال نور اقوله يا نوره عايز تطلع ايه ؟ يقولى عايز اطلع دكتور عشان اعالج الناس .. ربنا يحققهالك يا نور يا اخويا ... قولوا معايا لنور مبروك يا نور يا هازم التتار ومحرر البلد من الاشرار ..
نورالدين .. وكوكنجراتيوليشين (يعنى مبروك بالعنجليزى)ههههه
------
------
نأتى لحالة الاضطراب الموجوده فى البيت ... نعم حاله من القلق والتوتر بسبب أخويا .. المرة دى اخويا عبدالرحمن .. عامل قلق فى البيت عشان مذاكرته اصل هو فى الاعداديه ... وبيمتحن الايام دى .. وامه قاعده بتذاكرله ومش فاضيالنا وكل شويه ابعدوا عن اخوكم اخوكم فى اعداديه .. لحد ما زهقنا من الاعداديه وسنينها ... عبده .. ربنا يوفقك وتجيب الـ 260 اللى عايز تجيبهم .. نذكركم بأن عبده حصل على 94% فى الترم الاول .. وها هو الان فى طريقه للحصول على النهائى باذن الله تعالى .. ربنا يوفقك ويذللك العقبات ويلينلك العسير ويسهلك الصعب .. يارب امين
بالتوفيق يا بطل مش انت بس ... لأ انت واصحابك كلهم ...
هناك ١٥ تعليقًا:
ربنا يبارك في الاول
ويوفق التانى
وقوم ياعمرو ذاكر ياااااااااااا
ولا بلاش
السلام عليكم ورحمه الله وبركاته
جميله الفكره
ربنا يبارك لك فى اخوانك يا عمر وفقكم الله الى مايحبه ويرضاه ومبروك للصغير نور الدين
والله بوست هادى وجميل جداااااااااا
الف مبروك لنور عريس بنتى بسمله
اما عبد الرحمن ان شاء الله هينجح ويجيب مجموع كبير
والدور والباقى على عمرو سلامه ربنا معاك فى دراستك
احبك فى الله
ربنا يوفئه يا عم
بس تلته اعدادى و يعمل طوارىء ؟
امال لو ثانوى او بكالوريوس هيعمل ايه ؟
بس يا عمور اعتقد ان مش دى اول مره تعمل بوست زى ده
انا فاكر انى باركت لك مره لان اخوك نجح صح؟
مبروووووووووووووووك لنووووووووور ويارب نشووووووووفك دكتووووووووور وفي عز الطب مشهوووووووووور
واهو كشف ببلاش بقي
وطبعا ان مع والدتك بضرورة التزام الصمت والهدووووووء من اجل عبد الرحمن
ويارب يارب تفرحوا بيه قريب هو كمان
وعقبال فرحك يابرنس
لالالا
نجاحك الاول
ربنا يخليكم لبعض
يااااارب
تحياتي لماما الحاجة
ألف ألف مبروك لنور الدين
وربنا يعين ويوفق عبد الرحمن
---
بس بلاش تلاكيك يا حبيبي
قال يعني هو ده اللي معطلك عن المذاكرة !
ربنا يوفق
عبده وينجعه ويجيب اللى هوه عاوزه
ويبارك فى نور الدين ويخليه
مليون مبروك لنور الدين
وعقبال عبد الرحمن
ولا تنسوا الدعاء لعموره
فى الإعدادية
ربنا يوفقهم كلهم إن شاء الله يا عمرو
وانت كمان عقبالك لما تفرحنا كلنا إن شاء الله .
متنساش تدخل مدونتي
ربنا يوفقهم كلهم إن شاء الله يا عمرو
وانت كمان عقبالك لما تفرحنا كلنا إن شاء الله .
متنساش تدخل مدونتي
مبروووووووووووك لنور ويخليه احسن دكتور فى العالم كله وجايزة نوبل كمان تكون من نصيبه
وربنا يوفقك عبد الرحمن وطبعا حالا طوارئ دى اعدادى عارف يعنى ايه ؟
يعنى طوارئ وهدوء تام وسكون ولو ابرة وقعت فى الارض يبقى نهارك مش فايت
نفس اللى كانت بتعمله حمساوية معانا ههههه
وربنا يوفقك انت بقى انت نسيت نفسك
وربنا يوفق وينجح كل ابناء المسلمين
الف الف الف الف مبروك
لنور
وعقبال عبدالرحمن
وايه هى الحاجه قالباك كده ليه انت مش بتمتحن برضه
هههههههههههههههههههههه
ولا الناس مقامات ههههههههههههههههه
الف مبروك لنور .. ومشاء الله عليه ربي يوفقه دائما ويطلع احسن دكتور
والله يوفق عبد الرحمن ويعين والدتك .. اكيد على اعصابها, اعيش جو الامتحانات كل مادخلت بيت خالي على طول في حاله طوارئ
الله يوفقكم كلكم ويخليكم لبعض
السلام عليكم
انا جيت اعتذر على الضيق والعياط اللي سببته لحضرتك بسبب وردة
بس مادام القصة قدرت اوصلها انتظر مزيدا من الواقع الاكثر الما
الف مبروووووووك للعكرت الصغنتت انا كمان يوسف ابني في اولى ابتدائي بس خاص عادي كان نفسي اوديه ازهري
بس السن حكم
المهم نجح وجاب مية في المية
عقبال الثانوية والجامعة وتفرحه بيه فرحة كبيرة يارب
وربنا يوفق البطل عبد الرحمن ويكرمه يارب
ويباك فيك ويهنيك
تحياتي وودي
الف مليون مبروك ياحودة .. وعقبالك ياعبد الرحمن ..
طالعين لاخوهم اكيد .. ولا انا غلطان ..؟؟
ههههه
إرسال تعليق