السبت، 17 مايو، 2008

ستون عاما من النكبه .. شعار مؤتمر الشرقيه

ستون عاما من نكبة فلسطين ... هكذا كان شعار مؤتمر نقابة الاطباء بالشرقيه والذى اقامته جماعة الاخوان المسلمين برعاية من ادارة النقابة الدكتور عبدالله عبدالمجيد احياءا لذكرى النكبه واحياءا لذكرى احتلال فلسطين ... كان هذا المؤتمر الذى حضره رجالات الشرقيه من قيادات شعبيه واخوانيه واعضاء مجلس شعب ...

فقد حضر المؤتمر الدكتور أمير بسام الرجل الذى حول للعسكريه بأمر من حسنى مبارك ... وجلس قابعا سنه ونصف فى سجون الظلم والطغيان ... وايضا حضر الدكتور محمد مرسى فارس البرلمان ... والدكتور فريد اسماعيل عضو مجلس شعب ... وعبدالقادر ياسين المفكر الفلسطينى ..

ايضا نذكر ان النقابه كانت محاطه بعدد من مدرعات وعربات الامن المركز الذى لم تكن متخيله وصادرت ايضا البانر الذى من المفروض أن يعلق فى الواجهه .. وايضا اعتقلت عددا من الحضور ومنهم من رايتهم بعينى وحدث ان احد الحضور كان يريد الدخول الى النقابه ولكن امن الدوله كانت له بالمرصاد فعندما هم بالدخول وجد نفسه محاطا بمخبرين واخذوا من جيبه بطاقته من غير ما يحس .. وعندما ساله ظابط امن الدوله عن بطاقته فاخذ يبحث فى جيبه عنها فلم يجدها ... واخذوه بعنوه وهو راجل محترم كان لابس بدله وزقلوه فى عربيه البوكس ... وابضا لمحت عيناى ان اى موتوسيكلات كانت تعبر من امام النقابه كان الامن يوقفها ويسحبوا رخصها كده من غير اى حاجة ولو حد مش لقوا معاه رخصه ياخدوا موتوسيكله ... وكان قبل المؤتمر بتلات اربع ساعه حالة امنيه مشدده فا اى مواطن يجب ان يخرج بطاقته اذا اراد العبور فقط من الشارع ... حاله من الهوس اصابت قيادات الداخليه بالشرقيه .. حاله من الجنون والهبل ... ومن ضمن التشديدات الامنيه ايضا انهم ادخلوا الى داخل النقابه مخبر امن الدوله بيكتب اللى بيقولوه عن فلسطين هههههههههههه اه والله .. لأ وكمان ايه حاطين مخبر على الباب يعد عدد الافراد اللى داخلين واللى طالعين .. وكمان ايه فيه مخبر بره قاعد بيسمع بيقول عن النكبه ... واخوانا فى فلسطين ...

ياخى الرعب مالى قلوبهم ومعمول ليهم مسح مخ بطريقه غير عاديه ...

ناتى لصور لمؤتمر وما حدث فيه ؛

الدكتور امير بسام والذى تحدث عن دور الفرد والمجتمع لنصرة فلسطين وذكر انه يجب تدعيم مؤسسات العمل المدنى تجاه القضيه الفلسطينينه ووجه كلامه قائلا الى كل الحاضرين اذكروا فلسطين اينما كنتم ولا تنسوها

الدكتور محمد مرسى الرجل الذى ولع المؤتمر باللى فيه هههه .. عندما وجه كلامه للامن : ايه الهبل اللى انتوا فيه ده عاملين زى الفراخ كل شويه يجى واحد يبص ويشوف بنقول ايه ؟ .. انتوا كلكم مواليد الستينات ... طب جربوا كده مش تقولوا لأ ومش تعتقلوا حد جربوا بس كده والله ربنا هيكرمكم ههههه ... وتكلم عن سياسه الحكومة الرشيده فى دعم القضيه من بيع للغاز وحصار غزه .. وايضا وجه كلامه الى الجمهور قائلا حاربوا الفساد اينما كان .. ولا تتركوا حقكم .. فان تحرير فلسطين يبدا من هنا ... وان الحق قادم ليهدم الباطل ..
الدكتورة عزه حمدى .. تكلمت عن دور الاخوات والبنات فى دعم القضيه الفلسطينيه

علم فلسطين .. كان من أبرز الحضور
عبدالقادر ياسين .. الرجل الذى فتح النار على عباس فى المؤتمر حينما قال ... يكفى يا عباس انك قولت امام بوش واولمرت فى لقائك بهم الاسبوع الماضى شوفوا كلب غيرى انا مش هانفعكم .. هههه

وايضا قال كلام خطير جدا قال ان قوات سمير جعجع بتاع لبنان اللى بيحارب فى حزب الله دلوقتى وقوات عباس تدرب لدى الحرس الوطنى فى الاردن وبدعم امريكى صهوينى ..

وتابع فضح المخابرات الاسرائيليه فى قوله انها هيا التى سربت شائعه بيع اراضى الفلسطينين ارضهم ..

الحاج عبدالعزيز عبدالقادر والدكتور محى حامد والدكتور ناجى صقر والشاعر محمد جوده



جانب من الحضور





القدس فى القلب يا اشبال الامه ... رفعوا علامات النصر فى بهجه وسعاده املين ان يحرروا الاقصى
شبل من اشبال القسام باذن الله

قيادات الداخليه الفطاحل
عندما اخذوا الموتوسيكل من الراجل ياعينى عشان بس عدى من قدام النقابه وسحبوا منه رخصته كمان
شوفوا الراجل ماسكينه ازاى .. اكنه مجرم بالظبط



محمد مرسى .. رجل الشرقيه وفارس البرلمان وقدوة للطلاب ..


ملحوظه : لدينا صور كثيره جدا للمؤتمر لمن يريد ولكن دول اللى انا انتقهم بس ...


واللى عايز يقرا الموضوع بالتفصيل فليذهب الى هذا اللينك

هناك 7 تعليقات:

omaima يقول...

كن نفسى اعطيك الكرملة امس فى المؤتمر

لكن لم تواتينى فرصة مناسبة

omaima يقول...

كان نفسى

وعموما لك عندى

وممكن اتفرج على الصور

غير معرف يقول...

جزاكم الله كل خير وربنا يبارك بكم وفى جهدوكم وان شاء اله ياتى العام وقد قدر تحررت فلسطين كل فلسطين ونصلى فى الأقصى باذن لله

http://ferr-gaza.maktoobblog.com
http://pals-2007.maktoobblog.com

اخوك /محمد صلاح - غزة

خبيب يقول...

تغطية جميلة يا عمرو

بارك الله فيك

ونفع بك

nonoymm يقول...

السلام عليكم
تغطية هايلة كعادتك ربنا يحفظك يارب
والكلام كمان خطيييييييييييييييير جدااااااااا

تحياتي

خديجة عبدالله يقول...

ماشاء الله تغطية موفقة حفظك الله

المؤتمر كله كان ممتع وجميل وأحلي مافيه التجمع لأمر يهم المسلمين وبث الحماسة والأمل للعمل إن شاء الله

وعجبنى جدا لما قوموا الإخوة (الرجال) علشان الأخوات تجلس مكانهم يااه بجد بجد كنت حاسة إنهم عاوزين يضربونا لكن معلشى :) ليدى از فيرست :)

كل فقرات المؤتمر كانت رائعة ومميزة وبالأخص كلمة خالتو عزة (معلشى عنصرية) والدكتور محمد فارس البرلمان جزاه الله خيرا

جميل مجهود حضرتك ربنا يوفقك وينفع بيك دايما إن شاء الله

أبا يحيى وادم يقول...

السلام عليكم ورحمه الله وبركاته
جزاكم الله خيرا ياعمرو على التغطيه
ومعذرة على عدم متابعتى الايام السابقه لظروف الامتحانات
ربنا يوفقك
السلام عليكم