الاثنين، ١٩ مايو ٢٠٠٨

سيدى الرئيس .. فكر قبل أن تموت


سيادة الرئيس مبارك، سأقول لك مالم يقله لك مفتيك ولا شيخك ولا خطباؤك ولا فقهاؤك الذين عينتهم وأجلستهم بجوار كرسى عرشك يبررون ويحللون ما حرمه الله من تعذيب واعتقال وفساد واستبداد ويحرمون ماحلله الله من قولة حق أمام سلطان جائر أو حتى عادل، وسأقول لك مالم تسمعه من بطانتك التى تنافقك وتمتدحك وتصعد بك إلى مصاف الأبرار المقدسين ولا تنطق إلا بآيات شكرك وحمدك على مناصبهم ونفوذهم وفلوسهم ، سأقول لك مالم تقرأه من كتبتك ومداحيك وطبالى مواكب نفاق السلاطين ومصاحبيك على جناح طائرتك وعرشك ، أقول لك سيادة الرئيس إنك ميت .. وأنهم ميتون!
يكفى يا سيادة الرئيس .. ان عمر بن الخطاب الحاكم العادل الذى نام تحت الشجرة وامن وسلم كان يخاف ويرتعش عندما يسمع كلمة الموت .. بل كان يهيئ له ان الله سوف يحاسبه على دابة وقعت لأن عمر لم يرصف لها الطريق .. مابالك ايها الرئيس الذى لما تراعى الغلابه ولم تنصر الفقراء ولا محدودى الدخل بل كلفتهم اكثر من طاقتهم بل كثرت البطاله فى عهدك وكثر اغتراب الشباب وكثرت العنوسه وكثر اعداد المعتقلين داخل السجون وعقدت التطبيع والمفاوضات وايدت اقامة اسرائيل على ارض عربيه خالصه واعتقلت الشرفاء وحموت اللصوص والمحتكرين فى عهدك اتى السرطان والماء الملوث وكل المشاكل التى نعيش فيها هيا الان جراء سياسه تتبعها انت وعزمى وعز وجمال وغيرهم ...
فكر سيدى الرئيس مرة اخرى بالموت .. انك على مشارف الثمانين من عمرك والموت قد اقترب منك يسرع ولا يزحف .. وحسابك امام ربك قد اقترب ؛
فيديو اهديه للرئيس مبارك يوافق مؤتمر دافوس ويوافق ذكرى عيد ميلاده .. بعنوان دامت لمين

هناك ١٢ تعليقًا:

أميمة كامل يقول...

ربنا يحفظك ويبارك فى جهدك

وينفعنا جميعا بالنصيحة

وشد حيلك فى المذاكرة

ريمان يقول...

ايه الجمال ده يا عمرو

ربنا يبارك فيك يا رب

عجبنى البوست ده اوى

ةالفيديو واغنيه دامت لمين

بجد معبره جد ا جدا

بوست راااااائع

احييك يا عمرو

ربنا يبارك مجهودك

استمر



اختك ريمان

sun_of_freedom يقول...

ياااااااااااااااااااااارب يوصله البوست دا
ويحس شويه بقا
ولا خلاص يعنى بيعلم نفسه لا عارف ولا سامع


معجش في طاقه استحمال اساسا
وسحب الاكسجين كله


بوست فوووووووووق الوصف
بوست يستحق النشر فى جميع مجالات الاذاعه
والتلفزون
والجرائد وكلللللللللللللللللللللللللللللللله

ويا سلام لو على عتبه البيت كدا جنب السرير يشوفه ويقراه وهو بيشرب فنجان الشاي
ميه ميه


تعيش يا مصر

وتسلم يا ريس لبلدك


ميه ....... ميه

( ال كفايا بقا سياسه ال )


(ههههههههههههههههههههه)

ماشي يا عمووووووووور

تقبل تعليقي
وربنا يستر بقا زى ما انت قولتلى انا هستنى العيش والحلاوة

ويا سيدى سيبها على الله ...ز دا هتكون صحبه خير يا راجل

الواحد نفسه يجرب بقا القعدة المنفردة
(ههههههههه)


تحياتى ليك

غير معرف يقول...

ثمانون عاما اكتملت واحتفل بها مبارك ... عاشها وتمتع بها ... أيما متعة ... متع من نوع خاص لايرقى إليها أحد من الشعب ... ولا حتى يحلم بها فى نومه ... فلاتجرؤ حتى الاحلام أن تحدث بشئ من ذلك ...

وعلى رأى السادات فيك وسبب اختيارك نائبا له (( أصله مالوش فى السياسة )) نعم الاختيار ياسادات ونعم ماابتليت مصر به من وضع مبارك على قمة الحكم ورحلت تاركا تركة من الهموم والمشاكل ومعها رجل (ملهوش فى السياسة ) ليحكم أكبر بلد فى المنطقة العربية ودولة ينظر لها الجميع نظرة الريادة والزعامة بحكم مكانتها فى قلوب العرب .

إن يوم الحساب عسير على أمثالكم غير يسير ولن تجدوا لكم ملجأ تلجؤون إليه ولامفر لكم من الله ولا منجى ولا ملجأ لكم منه إلا إليه ولكن الله يعلم مدى سوء طويتكم وخبث نفوسكم فأنتم مصروفون عن الهداية والصواب بحكم عملكم وماتقدمون عليه ليل نهار من بلايا ورزايا ومعاصى تجاهرون بها دون حياء أو وجل أو خوف من الله


دوس يا عم عمرو دوووووووس
كده اثبتلى انك اسه عايش
بحبك فى الله وصوتك وحشنى اوى
نفسى اسمع صوتك يا ابن سلامه

mohammed alsha3r يقول...

خف ايديك عن حبيب الملاين ياعمرو
كدا يزعل
وزعله وحش جدا

rtrcbh يقول...

السلام عليكم ورحمه الله وبركاته
جزاكم الله خيرا ياعمرو على هذه الرساله ولكن
لقد اسمعت لو ناديت حيا
ولايسعنى الا ان اقول
اللهم اهده وان لم تهده فعجل باخذه
وفقكم الله ياعمرو واعتذر على عدم المتابعه الفتره الماضيه لظروف لدى الى جوار الامتحانات
أخوك الغامض
د/أحمد جمال

عمرو سلامة يقول...

ماما أميمه ..
يارب امين ..
ادعيلى يا ماما .. لأحسن عواتك فيها الشفا ... وجزاكم الله كل خير على تعليقك ؛

عمرو سلامة يقول...

ربنا يبارك فيكى يارب ...
وتشكرى على ذوقك ورايك فى البوست ..
وانا هاستمر حاضر .. بس اياك استمر الاقى حاجات فى طريقى تقولى مش تستمر .. والحاجات دى يارب ابعدنا عنها ...
وجزاكم الله كل خير على تعليقك يا اختى

عمرو سلامة يقول...

ههههههههههههههههههههههههههههههههههههههههههههه
هتودينا فى داهيه يا فرى دوم بكلامك ده .. عتبته ايه وجرايد ومجلات ايه ... هههههه
هو فين الجورنال اللى هيطلع يقوله الموت قرب منك ياريس ... ده كلهم بيمسحوا جزمته زى الكلاب ...
ومش تنسى باردوه العيش والحلاوة .. هاستنى اختى اول واحده تجيبهوملى ؛ ماشى

عمرو سلامة يقول...

ههههههههه
حاضر يا سام وان ..
هندووووووووووس ومش هيهمنا .. وهاثبتلك انى لسه عايش .. بس انا عقبال ما اثبتلك يعنى هنروح الليمان .. وهناك مش هنعرف نثبت تى اسمنا ههههههههه ...
جزاكم الله كل خير على الكومنت النار ه ياعم ...

عمرو سلامة يقول...

ماشى ياعم الشاعر .. هنخف
بس هو يخف ايده عن الملاين ياشاعر الاول ... عشان انا اخف عنه
وعلى رايك .. جاهزين ياباشا لزعله ؛
وشكرا على ردك جزاكم الله كل خير

عمرو سلامة يقول...

لو ناديت حيا ...
مممم تقصد انه اصلا لا يسمع ولا يتكلم ولا يفقه ولا يأبه ولا يفهم ...
مفهومك وصل يا ابو يحى يا مجهول يا دكتور ..
وعاذرينك يافندم والله
وجزاكم الله كل خير وربنا يوفقك يارب