السبت، ٥ يوليو ٢٠٠٨

شباب اليوم ..


ذل وعار وتقليد اعمى وجرى وراء الرغبات والشهوات وادمغه عاطله عن التفكير واشياء كثيره جدا تعبر عن حال شباب هذه الايام من بانجو وحشيش وسجاير وشعر سبايكى لبناطيل هتقع وناقصه تتشد لتحت لتكبير مخ لعدم تفكير وفهم وتعلم وتعليم ..
ماذا يحدث بالظبط ومن وراء كل هذا ؟
نرى الشاب يخرج من الاعداديه اقول الاعداديه وليست الثانويه يجرى ورا البت الفلانيه ويظبط مع دى نجده منفسن .. نعم منفسن ( من يريد ان يعرف معنى الكلمه فليذهب الى قاموس الشباب الروش الطحن ) نراه يجرب فى السيجاره ويتعاطى البانجو ولو الفلوس لعبت يذهب للحشيشوالافيون ...وعندما يذهب الى الثانوى (رايت مناظر بعيونى) وجدتهم يتسابقون على من يتسطل اكتر ... اقسم بالله انى رايت ان من يتسطل اكقثر فهذا اكثرهم جراه واقداما ... رايت كل من يسبل ويرمش بعيناه هو الحبيب والفالح ... رايت انه من الواجب ان توقع بنطلونك حتى تكون رجل (والرجال قليلون ) وجدت القهاوى مليئه بشباب لا اعرف كيف ستنتصر هذه الامه وسيرتفع شان هذا البلد بهم بادمغه عطلانه لا تعرف كيف تفكر سيطر عليها الحشيش والموضه والتقليد الاعمى سيطر عليها الحوارات والفشخره والتباهى ..
نعم انهم فلحوا فى ذل هؤلاء .. فلحوا كيف يركعوهم وكيف يضعوا رؤوسهم فى الطين ويستسلموا لتمن البانجوا الذى قد يموتوا اذا لم يحصلوا عليه ... فلحو كيف يضعونا تحت جزمهم ويامرونا وينهونا ... فلحوا فى ابعادنا عن هويتنا وعقيدتنا فلحوا فى كل شئ ..
لا اعرف كيف اقول .. اكتب هذا الموضوع بعد حاله من الضيق والقرف التى اعانيها مما رايته من مناظر وحكاوى ...
لا اعرف كيف اقول ولا كيف حتى اعبر عن الواقع المرير .. (انتى ادرى .. انت ادرى )
لن اتكلم عن كيفيه الفوقان .. ولم اتكلم عما يحدث بين شباب هذه الايام ( وانا منهم ) اكثر مما تحدثت ...
فقد كنت اريد ان اعبر عن حاله القرف مما يحدث ... مش عارف امتى الاقى الناس مش تبطل بانجو ولا حشيش .. مش هاقول سجاير .. لأ بانجو وحشيش ولا حبوب ولا كيميا

* هذا البوست مفاجاه لما هو قادم على المدونه ..

هناك ٨ تعليقات:

غير معرف يقول...

ممممممممم

تمام

بس هيا الحاجات دى مقاطعه ولا ايه

:d

مستنين الباقى

بس ياريت مش تجيب اسمى

ههههههههه

غير معرف يقول...

باشا
فعلا انت ليك حق فى كل كلمه انت قلتها
ولازم يكون فى وقفه فعلا ى
وربنا يوفقك فى الجاى
وكل كلمه قلتها وشفتها انا شهدت عليها وشفت مماثل ليها فعلا
ومن منا لما يشاهد مثل ذلك

غير معرف يقول...

الكلام ده كنت لسه بقوله لبابا امبارح


انا مش عارفه الشباب بقى كده ليه


على العموم برضه الذنب مش عليهم لوحدهم الذنب على البيت والمدرسه والمجتمع كله


يارب اصلح حالنا

Abd-Alrahman يقول...

معاك حق والله ياعمور
معظم الشباب الي كان المفروض يكون في عز حيويته ونشاطة وبيبني بلدة
متدمر حاليا ومعظمه تقريبا من الجنسين عايش عشان يرضي رغباته وشهواته
وكل دة في ظل غياب المجتمع عن علاقته السليمة مع ربنا

وبعدة عن مصدر عزته
للاسف ياعمور

انت بتنفخ في قربه مخرومة

بس كويس والله انك اتكلمت
خطوة حلوة
اتمني من كل الشباب انه يشغل نفسة بدينه وبهم امته وبمستقبله عشان الحياة ترجع لطبيعتها تاني
وعشان يفضل اسمنا شباب
مش شباشب


ههههههههههه

ربنا معاك يا عمور


الصيدلي المطحون

رحـــــال يقول...

ايه ياعم الصور دة ...؟؟؟

دول غلابة دول ..

تبقى تعالى اوريك الى بجد ..

اعتب على اثنان :

1 - سياسة الحكومة واكيد عارفين ازاى .
2 - التربية من الاسرة الى ....
3- غياب الوعظ الديني وخصوصا هذة الايام
4- انتشار الفضائيات وماتبثه من سموم لعل فى نظرى اقلها البانجو والحشيش ..

وماخفى كان اعظم ..

"النجم القادم" يقول...

بالصور والفيديو دمنهور تشيع جثمان الدكتور المسيرى

فقط وحصريا مع النجم القادم مدونة إوعى تخاف

http://ewaatekhaf.blogspot.com/

some one يقول...

حبيب قلبى عمرو سلامه

وحشنى يا راجل

ايه يا عم فى ايه مالك مش بتسال عليا ليه

لو اتكلمنا عن التغير مش هنخلص يا عم عمرو انت عايزنا نروح فين بقى
انا عارف مش هتستريح غير لما نتقابل عندهم جوه

طالما انت مش عايز تقبلنا برده

يا عمورررررررر كل حاجه فى مصر عايزه تتغير حتى الناس عايز تتغير سبنا ساكتين يا عمور
بحبك فى الله

حسن حنفى يقول...

والله معاك انا شايف ان المجتمع كله عايز يتغير بدايه بالمواطن السلبي حتي كبار رجال الدوله اللي مكانوش هيعاملوا الشعب بالطريقه دي لو كان ايجابي والشعب كله تصدي لهم
تقبلوا مروري