الأحد، 5 أبريل، 2009

اضرب فى يوم الاضراب 6 ابريل "يوم الغضب"

** غدا تغطية مصورة لاضراب 6 ابريل تابعونا على لسه عايش ساعة بساعه
----
كفاية سلبية و شارك فى الاضراب لو مليون واحد قالوا لا يا حكومة صدقوني الحال هيتغير لو مليون واحد قالوا لا للفساد الوضع هيتغير واللى بيقول شباب 6 ابريل بينفذوا اجنده خارجية امال حكومتنا بتعمل ايه ؟ لما تصدر الغاز لاسرئيل باقل الاسعار واحنا مش لاقينه فى بيوتنا ده يبقى ايه ؟ لما البلد تتنهب و القطاع العام يتباع ده يبقى ايه ؟ لما الشاب يتخرج و مش يلاقي شغلانة و يشتغل حرامي او بلطجي عشان يقدر يعيش فى غابة ارتفاع الاسعار ده يبقى ايه ؟ لما قرش الحشيش يبقى ارخص من كيلوا اللحمة عشان الشعب يبقى مسطول ومش يفكر فى السياسة ده يبقى ايه ؟ للاسف احنا شعب بنطبل للبيزمر ونقول عاش الملك يحيا الملك و 30 سنة عايشين فى الضياع و نسينا اننا جمهورية مش مملكة.
غدا اضراب 6 ابريل ...
فيديو اضراب 6 ابريل 2009 .. الشعب قادم



**ها نعمل ايه يوم 6 ابريل

==============

- لو طالب يبقى روح الجامعة بس اعمل اضراب عن الدراسة و قاطع حضور المحاضرات .. و طالب مع زمايلك فى اليوم ده بحقوقك المشروعة فى التعليم

2- لو موظف يبقى تروح شغلك أو مصنعك و تعلن اضرابك عن العمل و تدعوا باقي الموظفين للاضراب حتى يتم اجابة مطالبكم الفئوية

- ممكن تشترك فى التظاهرات السلميه اللي اعلن عنها فى القاهرة و انتظر اعلان المحافظات .. و ممكن تنظم مع المتحمسين للفكره أي وقفه احتجاجيه سلميه فى اي ميدان لعرض أي مطالبو حتى الان تم الاتفاق على مظاهره كبرى فى القاهرة وجارى التنسيق على تظاهرات المحافظات

4- جمع اهل منطقتك و جمعوا مطالبكم و مشاكلكم و اطلعوا بيها على مقر الحى او الوحده المحلية او المحافظة أو مقر الحزب الوطني و طالب بحقوقك المشروعة بصوره سلميه

5- لو مش طالب ولا موظف أو لو مش هاتعرف تعمل اللي فات.. يبقى خليك فى البيت

6- اثناء نزولك فى الشارع او مشاركتك فى الانشطة او لو حتى مش هتشارك .. يبقى البس اسود فى اليوم ده

7- اغلاق جميع الكهرباء والأنوار والغاز والماء وعدم استخدام أي شيء إلا للضرورة ويكون اضراب عام على كل شيء

- تعلق علم مصر على البلكونة

- متشتريش اي حاجة فى اليوم ده

هناك تعليقان (2):

دعاء فتحي يقول...

السلام عليكم ورحمة الله

القيادي الإخواني علي عبد الفتاح قال علي نافذة مصر أن الإخوان لن يشاركو في الفاعليات التى تقام فى الشوارع والميادين

ومدوني الإخوان بيقولو أنهم حيشاركو في التظاهرات

أريد توضيحا لهذا الأمر

مصعب صلاح يقول...

كلنا مضربين

علشان نرجع حقنا كفاية خنوع

كفلية ذل