الجمعة، 2 يناير، 2009

بالصور >> انشر لكم صور نقل المساعدات .. وكذبة معونة الحزب الوطنى انشرها لكم مصورة فيديو وصور

فى مخاطره ثانيه خاطرنها امام معبر رفح .. وفى يوم ثانى نوافيكم بما فيه ..

الحزب الوطنى جاء بمعونته لفلسطين .. وجاء يهلل وينافق ويزايد ويقول ويصرح عشان ودى المعونه وياريت معونه تنفع ببصله وياريت اصلا تتسمى بمعونه .. ده عربية ربع نقل وعربيه تانيه نص نقل ..

الحزب الوطنى جاء بمنافقيه ومهلليليه من العريش والشيخ زويد واعضاء مجلس الشعب وماجد بيه من القاهره .. جاؤوا جمعيا وغنوا يا اسم مخلوق للوجود يا مصر .. بلادى بلادى .. يغنون والناس يقتلون فى فلسطين .. يغنون والنساء تستشهد لو الشعب الفلسطينى عارف ان الحزب الوطنى غنى على المعونه الفاشله دى اقسم بالله ما كان قبلها .. جايبين حفاضات بامبرز .. معونه ولا تسوى بشلن

والله سواق العربيه بيقولى المشوار ده طالع عليا بخساره 600 جنيه .. فى المقابل سواقين عربيات لجان الاغاثه والاطباء ووو اتوا ببلاش بدون ولا مليم ..

المشرفه بتاعة البنات اللى رافعين صورة الريس بتقولهم اوعى حد يابنات يكون ماسك صورة الريس بالمقلوب امسكوها بالمعدول ..

يلا عشان نتصور

----

فى هذا البوست نعرض لكم بعض الصور وهيا صور لاول مرة تعرض لعملية نقل الاغاثات والادويه من الشاحنات المصريه الى الشاحنات الفلسطينيه ..

وهذه الصور اخزق بيها عين اللى بيقول ان المساعدات مش بتوصل .. المساعدات وصلت اهيه وانا اللى كنت باشيلها على كتافى كمان ..

وبنحملها على العربيات الفلسطينيه لتدخلها للقطاع ..

انادى كل الشعب ان يبذل جهده فى ان يبذل العطاء ويورينى السخاء وينصر اخوانه فى غزه ..

-----

فيديو تهليل الحزب الوطنى ومنافقيه امام المعبر

صور اليوم

رحلة الامل الاسكنتدلانديه .. فاكرين لما كانت واقفه وقطعت مسافات كبيره جدا العربيه دى عشان توصل المعبر ايام الحصار ومصر مش كانت راضيه تدخلها واتعمل عليها هوجه اعلاميه .. لقيت العربيه دى جوه المعبر وانا داخل

ده ولد فلسطينى .. كان رايح غزه .. فا راكب فى الاتوبيس اللى موديه على غزه فا ركب مكان السواق ههه .. وكان منتظر اهله لما يطلعوا من صالة العبور فتحوا المنفذ للعالقين

سيارات غزه

المعونات واحنا بنفضيها على الشاحنات الغزاويه .. من الشاحنات المصريه الى الشاحنات الفلسطينيه

ادى الشاحنات الفلسطينيه عليها دلايات اسرائليه هيا اصلا اسرائليه..


يتم نقل الادويه
الشاحنه حملت بالادويه
قد يسال سائل .. كيف يتم نقل الجرحى ؟؟
هل تدخل السيارة المصريه الى داخل القطاع وتاتى بالجرحى ام ماذا ..
سيارة الاسعاف الفلسطينيه تاتى الى داخل المعبر عند خط الفاصل بييننا وبينهم وتاتى سيارتنا المصريه وتاخذ الجرحى
لاحظ فى الصور السيارة البيضاء ناحية الشمال فلسطينيه والسيارة الحمراء ناحية اليمين مصريه
الادويه تحتاج الى تحميل
الحد الفاصل يمتلئ بشاحنات الاغاثة التى تحتاج الى من يحملها ..
عمرو سلامة امام الادويه
الدكتور عبدالخالق زهران .. فى القافله الاتيه من المنصوره

السيارة الفلسطينيه اسرائليه


العالقين بمصر ياتون فور علمهم ان المعبر فتح لهم ..
سالت هذه البنت الفلسطينيه .. الى اين انتى ذاهبه؟ قالت لغزه قولتله عارفه ان غزه فيها دلوقتى نار وقتل ودمار قالتلى عارفه رايحه مشان جدى مشان عمى مشان خالتى مشان قرايبى وابوى هناك .. وفى الاخر قالتلى مشان بلدى وارضى
ابكتنى الصراحه كنت عايز اصور المشهد فيديو
الشباب يقطعون اعلام الحزب الواطى بعد ان انتهى الحزب الوطنى من السيموفمنيه العظيمة التى عزفها امام المعبر على شرف المعونه
ها هيا معونة الحزب الوطنى الذى شغلنا بها فى وسائل الاعلام سيارة نص نقل وسيارة ربع نقل واتوبيس ضخم كبير يقل قيادات الحزب


العربية اللى جت حكومه .. استغلوا سيارات الحكومه فى نقل المعونه ..
اتسائل هل الحزب الوطنى هو الحكومه ليستخدم سيارات الحكومه ؟
باى صفه يستخدم الحزب الوطنى سيارات الحكومه
الحزب الواطى دى عربية الربع نقل
تهليل الطلبه الذين اتوا بهم من مدارس رفح
المشرفه تقولهم ارفعوا صورة حسنى مبارك عاليه

بيغنوا
وسائل الاعلام تنافق وتصور
مش عارف انا ايه حكاية الشال الفلسطينى





هناك 8 تعليقات:

بنت الاسلام يقول...

تغطية رائعة ياعمرو بجد اكتر من رائعة بجد الحمد لله كده الواحد اطمن ان المعونات بتوصل الحمد لله الحمد لله

دايما الشعب المصري سباق بالخير ربنا مايحرمنا من بعض ونفضل دايما اخوة اخوووووووووووووة اخوووووووووووووة

تحياتي

ايمان العرفاوي يقول...

تغطية رائعه
جزاك الله كل خير يابطل
عجبتنى كلمة (الحزب الواطى)فعلا مافيش اوطى من كده
والاوطى كلام مبارك النهاردة فى الاخبار
حسبى الله ونعم الوكيل
لكل ظالم نهاية
ربنا يوفقك انت وكل الشباب اللى زيك

أحمد سعيد بسيوني يقول...

بوركت مساعيكم

saheda.com يقول...

الله اكبر ولله الحمد
تكبير
الله اكبر
الله غايتنا
القران دستورنا
والرسول قضوتنا


والجهاد سبيلنا
والموت فى سبيل الله اسمى امانينا
خيبر خيبر يايهود جيش محمد هنا موجود
الانتقام الانتقام ياكتائب القسام
يازهار قل لهنية
لاتنازل عن البندقيه
يارب يارب
انصر دينك
اول مطلب للجماهير فتح معبر
طرد سفير
ثانى مطلب للجماهير
وقف الغاز عن اسرائيل
يا سفير الخنازير
اخرج بره ارض النيل
قلها يا اخى لاتخف
اصرخ يا اخى لا تخف
انطلق اخرج
قاوم جاهد
مع اخوانك
اصرخ فى وجه الطغيان
نريد النصره لحماس
انطق يا اخى اخوانك يقتلون
اصرخ اغضب
اتحرك انطلق
ما عاد وقت للصمتى او للخزى او للعار
اخوانك يجاهدون
وانت ماذا تنتظر
اصطفاهم الله باشهادة
اترك الدنيا يا اخى
لك الحور العين لك جنات
عرضها السماوت والارض
لك القصور والذهب
وما تشتهى الانفس
انطق يا اخى لن تموت
بل ستحيا
اصرخ فى وجه
خائن
اصرخ فى وجه عميل لليهود
اصرخ فى وجه ظالم متعاون
اخرج لنصرة اخوانك
حى على الجهاد
حى على الجهاد
حى على الجهاد
جاهد بالكلمة
جاهد بالعمل
جاهد بالتبرع
جاهد بالمقاطعة
جاهد بكل الوسائل
جاهد بالمسيرات
حتى تفتح
الحدود
جاهد جاهد جاهد
لن تموت
بل ستحيا
حياة الخلود

عــمــار البلتاجي يقول...

تسلم ايدك يا بطل
تغطية رائعة
استمر
أعتمد عليك
(بس صوتك باين في الفيديو ... مش عاجبني الريس!!)
تقبل الله منك
أوصيك بالاخلاص فأنت على ثغر عظيم
استمر بالتغطية جزاك الله خيراً ـ

آلاء محى يقول...

جزاكم الله خيرا على مجهودك الرااااائع

بارك الله فيك

وربنا يتقبل منك

فى انتظار المزيد من الاخبار

اصحى يا نايم يقول...

الله أكبر ولله الحمد

Diyaa' يقول...

هو علي طول عصابة الوطني واطية كده ..حتي الكوارث بيلمعوا نفسهم فيها وبيغنوا
امتي يحصل ثورة علي العصابة اللي مش بتمثل إلا 1% من المصريين
امتي يا ربي
والحمد لله إن في بعض المعونات بتوصل