السبت، 17 يناير، 2009

قصة صور الطائرات التى اخترقت الاجواء المصرية التى صورتها والتى اثارت الضجه .. (صور)

عندما كان صديق لى صحفى عند معبر رفح يوم الثلاثاء الماضى .. استعان بى وذهبنا سويا الى المعبر ووقتها كنت صورت ما شاهدتموه انتم فى البوست الماضى الذى نشرنا فيه اختراق الطائرات الصهيونيه للاجواء المصرية .. والذى كان لها صدى واسع بين الناس ووكالات الانباء العالمية التى استدلت على اختراق الاجواء المصرية بصور من لسه عايش ...
المهم .. انه انتهى يوم الثلاثاء على خير .. وجاء يوم الاربعاء ذهب صديقى الصحفى هذا الى رفح .. وكان لمفرده وفى هذا اليوم كان فيه زيارة نجل الرئيس جمال بيه مبارك .. وحسن راتب مالك جامعة سيناء وقناة المحور وصفوت الشريف واحد عز وغيرهم من الناس ...
المهم ان صاحبنا الصحفى حاول الدخول الى المعبر باعتباره صحفى يدخل ليغطى الحدث ... ولكن قال له المسؤل عن الامن هاتلى الصحفيين اللى عايزين يدخلوا كلهم .. راح شاف شوية صحفيين كده رفضوا الدخول لانهم لو دخلوا هيتزنقوا فى زيارة جمال والتكتيكات الامنيه باه وماحدش طالع المهم انه بعد نصف ساعه من انتظار صاحبنا الصحفى وجد القنوات التلفزيونيه جاءت وصحفيين الوكالات ووو .. وحاول الدخول معهم وقالوا له هات بطاقتك اعطاهم البطاقة القطرية ... لانه صحفى لجريده فى قطر ويعمل بقطر اصلا .. وانه موفد من الجريده هنا .. المهم ان الظابط اخذ البطاقه منه وادخل اسمه على الكمبيوتر وما ان ادخل اسمه على الكمبيوتر حتى اخرج له بياناته كله .. ليس المهم فى ذلك المهم انه قال له معلومه لم تكن فى موجوده فى البطاقه وهو ما اكد انه قد تم ادخالها على الكمبيوتر وسالوه .. كان معاك واحد من يومين ودخل معاك وصور قالهم انا اتعرفت عليه فى المعبر ما اعرفوش .. رفضوا ادخاله وذلك بسببى ..
اتسائل هل اصبحت انا خطرا على الامن العام لهذه الدرجة التى تمنع صحفى من الدخول لممارسة عمله بينما يدخل باقى الصحفيين ؟؟
هل عندما انقل الحقيقه ابقى انا غلطان وكده عيب ؟؟
هل انا اخطات عندما نشرت واوضحت للراى العام المصرى ان هناك طائرات صهيونيه اخترقت اجوائنا ؟؟ ولا رد رسمى على ذلك
الغريبه ان في هذا اليوم الذى صورت فيه اختراق الطائرات الصهيونيه الاجواء المصرية .. نزل صاروخ فى رفح وجرح 15 عسكرى مصرى ولا رد رسمى على تلك الاختراقات او او ..
ولكن جاء رد من سفارة تل ابيب بالاعتذار ... اصبحنا مسخه فى يد اسرائيل .. اصبحنا دلدول .. اصبحنا لعبه .. اصبحنا فى نظر العالم عملاء .. الغريب اننى عندما حادثت احد الفلسطينين كنت اعرفهم هناك فى غزه قال لى افتحوا المعابر يا مصريين .. ردت عليه قولتله مش بايدى .. وهو عارف كده ولكن هذه المرة بكى وهو يقولها لى ؟؟ ..
انشر لكم صور جديده من المعبر قد اصبحت الصور من المعبر ليس بها اى جديد ولكن ...

هذه الصورة من داخل المعبر .. شايفين يا جماعه الخير الدخان بجوارنا عالاطول

هذه الصور من مستشفيات العريش ...



اثناء نقل الجرحى من سيارات الاسعاف الفلسطينيه الى سيارات الاسعاف المصرية



هذه الصورة تؤكد لكل من يقول ان المعونات لم تصل الى فلسطين .. هذه شاحنه فلسطينيه خارجه من المعبر بعد تحميلها المعونات التى كانت على الشاحنات المصرية


هناك 5 تعليقات:

maha zein يقول...

للدرجة دي
هو بقه في ايه
العالم دي عاوزين ايه بالظبط
يعني كمان 15 عسكري اتصابوا ومحدش جاب سيرة
لا حول ولا قوة الا بالله
يا ريت تخليك هناك وتكون شاهد علي كل ده
بس طبعا تخلي بالك لانهم شكلهم كده حطوك في دماغهم
بس طبعا ده اكيد مش هيخليك تتراجع عن كونك مواطن عادي وشاهد علي اللى بيحصل علي الحدود
ربنا معاك ويقويك
انت بجد بتعمل حاجة ربنا يباركلك عليها
وانت بجد شاب شجاع لانه برغم تهديدات انت بتتعرض ليها وكل ده لا قلت وانا مالى ولا خفت ولا تراجعت
ربنا يعزك ويحفظك
انا بحاول انشر مدونتك علي اد ما بقدر سواء في مدونتي او بانى ابعت اوف لاين للناس
بجد شد حيلك
وربنا ينصر
وديما ابعتلنا الاخبار علي المدونة وكمان خلي بالك من نفسك وخليك ذكي ومتحاولش تظهر في الصورة بشكل واضح حفاظا علي نفسك
تحياتي ليك وربنا يعينك

عــمــار البلتاجي يقول...

انت شخصية خطيرة على الأمن القومي المصري يا عمرو !!

وجودك في رفح يعرقل عملية السلام!!

وفقك الله وسدد خطاك

طالبه الفردوس يقول...

حسبى الله ونعم الوكيل فى الساكتين على اللى بيحصل
مستنيين لما مصر تتضرب
مش كفايه ضربوا حدودنا واصابوا جنود وكل ده واحنا لسه متمسكين بالسلام

اللهم انصر اخواننا المجاهدين وتقبل شهدائهم واشفى جرحاهم وصبرهم واعزهم واعزنا بهم

جزاك الله خيرا على الموضوع والصور

سمكه واحده يقول...

ربنا يكرمك ويثبتك ويحميك ويكتر من امثالك
الهم امين
اتمني الشباب كله يكون كده يارب يحفطك ويحي الشباب من جديد
انا لسه ببعت تعليق لقيت اختي بتناديني ابص من الشباك في مظاهره واول مره اشوف تحت كميه عربيات الامن المركزي شكلها رهيب دلوقت انا هبعت واروح اشوف والله بيصعبوا عليا العساكر دول حاسه انهم مهمش فهمين في البطيخ
عموما ربنا يقويك بس خالي بالك من نفسك وتجزفش ولا تخاطر عشان تقدر تكمل
ربنا معاك يارب
ويصلح احوال المسلمين

محمد درغام يقول...

حسني مبارك دا خلا سمعة مصر في الأرض ومن ساعة ما مسك واحنا كل يوم بنصغر قدام اسرائيل