تغطيه مصورة لانتخابات المحليات التى تجرى اليوم .. باذن الله التغطيه هتبقى فى مركز ديرب نجم الشرقيه ( محل اقامتى ) وفيها يتنافس الوطنى والوفد على مقاعد المحليات سواء مجلس محلى المدينه او المحافظه .. والاخوان عندنا كانو نازلين ولكن منعوهم وزى ما احنا عارفين القصة اللى جرت فى محافظات مصر كلها من تضيق وخناق على المقدمين للانتخابات ... ومن اراد ان يطلع على المواضيع التى كتبتها وفضحت فيها الامن ووسائلة النجسه لمنع الاخوان من دخول الانتخابات بالشرقيه ... اقدم لكم روابط المواضيع القديمه ...
ولعى يا مصر .. 1
خلاص زهقنا منك يا حكومة
نكشف الكذب الذى تعيش فيه الدوله ( ملف مصور من تصويرى )
وتتوالى عمليات التزوير فى المحليات
بيحلموا لو دخلوها
---
فى الروابط الماضيه ... كنا قد فضحنا فيها عمليات التزوير التى اققدمت عليها امن الدوله واعضاء الحزب الواطى ...
وانتظروا منا باذن الله تغطيه مصورا لاحداث الانتخابات اليوم ...
----
شئ تانى عايز اقوله ...
اخونا وائل عباس اللى لا هو اخوانجى ولا ناصرى ولا اشتراكى ولا ثورجى ولا عمل ولا يسارى حتى .. ولا حتى حده عارفله مله ... سواء مستقل او منضم حتى ...
كاتب فى مدونته المحترمه (الوعى المصرى ) مدونات إخوانية تهاجم الإضراب وإنتفاضة المحلة وتتهمها بالتخريب هتلاقوها فى التويتر فى الجمب كده ...
عايز اسالك يا وائل بيه ... انت ليه جمعت وقولت مدونات اخوانيه ... احنا قولنا موقفنا من الاضراب فى الاول وده انا كاتبته وكان قدام الناس كلها ... لكن مش قولنا موقفنا بعد الاضراب واتحداك ان كان فى مدون اخوانى واحد اتكلم بعد الاضراب وقال موقفه ... وائل بيه .. لو كنا اتهمنا العمال بالتخريب كنت كتبت تحت كل صورة من اللى انا نشرتها ادى الاضراب ... لكن كلنا عارفين القصه وعارفين الموضوع .. وعارفين مين اللى بادئ ... ومين السبب فى اللى حصل فى المحله ...
عشان الموضوع يكون قدام الناس كلها نحن نؤيد انتفاضه المحله ولكن السلوك الذى قام به مواطنين المحله خاطئ ... نؤيد الانتفاضه لكن التكسير لأ ... نؤيد الثورة لكن توليع البنزيمات لأ ... نؤيد الاضراب لكن توليع الاتوبيسات مش من اخلاقنا ولا من اهداف الاخوان ...
اخويا يا محترم .وائل بيه .. موقفنا قولناه من الاضراب ووضحناه ... لكن مش هجمناه زى ما انت قولت ...
وهذا للتوضيح ...
----
انتظروا منا تصوير انتخابات المحليات
هناك تعليقان (٢):
السلام عليكم
مبروك على البلطجية الذهب اللي اخدوه
والتعازي للغلابة اللي مشيوا ورا الهوجة ظننا انه هيجي حاجة من ورا الضرب دة اصل انا سميته انضراب مش اضراب
اما عن الاخوان فلهم الله
لو كانوا اشتركوا وحصل اللي حصل كان برضه طلعوا باصين للحكم وعاوزينن البلد تولع ربنا يعينهم
تحياتي لحضرتك
بس ماذا بعد الانضراب دة
ازيك ياعمرو
معلش انا مقصر معاك وماجيتش من زمان بس هاتتعوض
بس علشان خاطرى قول لى
فيه حاجه حصلت عندنا يوم الاضراب
البلد كلها ماشيه هاديه وكأن مافيش حاجه
بس فى طراطيش كلام ان فى شباب كتير من ضمنهم اخوان اتجمعوا عند الساحه الشعبيه
الكلام ده حصل
تحياتى
إرسال تعليق