الأربعاء، ٢٣ أبريل ٢٠٠٨

سرقوا ايميلى الحرامية ...

::تحديث ::

فى ظل بحثنا عن الايميل .. وتوصلينا للخيط ... او توصيلنا حتى لجهازه ... او اى حاجة توصلنا لايميلاتنا اللى اتسرقت .. وفى ظل البحث المتواصل للهاكرز للايميل .. توصلنا للاتى :

- ان ايميلاتنا مستهدفه من قبل موقع الياهو او شرطة امن الدولة الانترنتيه ( ومش عرفنا نحدد بالظبط مين فيهم المتهم ) وذلك لأن المخابرات المصريه مسيطرة سيطرة كامله على موقع الياهو وايميلاته اما الهوت ميل فا لا

- انه حينما حاولنا ترجيعه عبر الطرق الشرعيه فى موقع الياهو ... عبر هذه الوصله المخصصه لاسترجاع الايميلات المنسيه او المسروقه .. وكتبنا ايملاتنا .. والكود ظهر لنا المفاجاه هذه الجمله
Sorry, your password can't be reset online
To reset the password for this account, please contact Yahoo! Customer Care

أى

عفوا ، كلمة السر الخاصة بك لا يمكن اعادة تعيين على الانترنت لاعادة ضبط كلمة السر لهذا الحساب ، يرجى الاتصال ياهو! خدمة العملاء
--
وحينما حاولنا الاتصال بخدمة العملاء قالوا سيصل الرد خلال 24 ساعة ولم يصل حتى الان
هذا وفى حين انك فتحت نفس الصفحه بتاعة استعادة الايميلات اللى كنا فاتحينها .. وكتبت ايميلك .. او ايميل اى حد غير ايملاتنا ستجد الاجابه غير ذلك ... نجد الموقع يتعامل معك وبيقولك ادخل بيانات ايميلك لاستعادته ...

دى الصفحة اللى هتظهرلك لو كتبت ايميلى او ايميل البوسطجى او خالد سلكاوى (مدونين كلهم ) فى خدمة ترجيع الايميلات فى الياهو
--

ودى الصفحة اللى هتظهرلك لو كتبت ايميلك او ايميل اى حد فى خدمة ترجيع ايميلات الياهو على موقع الياهو..

هذا وق نحيطكم ان سرقة الايميلات الثلاثه تأتى فى الوقت الذى يدعو اليه الناشطون على الانترنت لاضراب 4 مايو المقبل ... وتاتى هذه السرقات فى ظل تعامل الحكومة الديكتاتورى لتكميم الافواه واعتقال المعارضين ومضايقة كل من يقول لا للحزب الوطنى ورجالته الفاسدين ... ونحن اذ نعلن اننا لن نستكين ولن نخضع لو سرقتم الف ايميل كل ما تضايقوا فينا هنخترع الف وسيله نتكلم بيها مهما عملتم ومهما سويتم ...
ايميلى الجديد : منتظر اضافتكم
amr.3aish@yahoo.com
---
فى خطوه شيطانيه ... وفى ظروف غامضه ...

تمت سرقة ايميلى الخاص بى


فى حين انه فى هذا اليوم (ليلة الاثنين 22\4\2008) الذى سرق فيه ايميلى سرق وفى نفس اليلة ايميل أحمد البوسطجى(صاحب مدونه البوسطجى) وايميل خالد سلكاوى (صاحب مدونه قلم رصاص ) ... تأتى هذه السرقات ايضا فى الوقت الذى سرق فيه ايميل الدكتور عصام العريان رئيس المكتب السياسى للاخوان المسلمين وعضو مكتب الارشاد للاخوان المسلمين قبل يومين من سرقة ايميلاتنا ...

حتى الان لم نعرف السبب فى سرقة هذه الايميلات ... فى حين ان كل ايميل من هؤلاء يوجد به أكثر من 800 ايميل ورسائل هامه وغيرها من الاشياء التى لا تعوض ابدا ابدا ابدا ...

هذا ونهيب كل هاكرز ينتصر للظلم .. ويبدى استعداده لانقاذ هذه الايميلات من الضياع فاننا نكون شاكرين له كل الشكر والتقدير ...

هذا ونحيط علم زوارنا الاعزاء أن اى رسائل تصل الى كل من ضايفنى انا غير مسئول عنها ... وغير مسئول عن اى رسائل مجهوله المصدر من ايميلى ..

وايميلى الجديد للناس اللى عايزه تضيفنى ..


وانتظر كل الناس اللى كانت ضايفانى .. وانتظر كل مراسلاتكم على هذا الايميل الجديد ...

هناك ١١ تعليقًا:

ammar يقول...

زغروطه حلوة رنت فى بيتنا
لمت حارتنا ولمت البلد كلها
ههههههههههههههههههههههه
بقه الياهو مستهدفكم انتم
عمرو وسلكه والبوسطجى
طيب والله لكم الفخر يابنى
ولو انى شايف ان الموضوع ممكن يكون سرقة بطريقة ابسط من القصة دى كلها
لكن اللى بتقوله برده ممكن يحصل بسهولة
وخاصة ان الحكومة فعلا مش سايبة حاجه حتى النت
او على رأى اللمبى ...هاتلاقى الحكومة ناطه فى بنطلونك ..هههههههههه
تحياتى وماتزعلش هى الايميلات بفلوس
هههههههههههه
كتب التعليق بواسطة ...عمار فتحى
هههههههههههه

قلم رصاص يقول...

واله أعمرو الواحد مش عارف يعمل اية مع حبايبنا دول لا سيابنا نمشي في الشوارع ولا نقبعد في بيوتنا ولا حتي نقعد علي النت مش عارف هما عايزين مننا اية لو رحنا عندهم زوار بيقعدونا فترة وبيزهقوا مننا وبيمشوا طيب لما احنا مضايقينهم اوي كدة بيسيبونا لية من الاول
الواحد احتار معاهم بصراحة ربنا يهدهم
وطبعا واحد زي عمار دة شمتان فينا فلازم نكيفه يعني وندعي له هههه
الف شكر يا باشا ومازال جاري البحث علي رنة ولا اقولك بلاش رن لا يوقفواالخطوط بتاعتنا كمان هههههههه

عمرو سلامة يقول...

هههههههههههههههههههههههههه
تصدق بالله ياعمار بعد الايميل لما اتسرق انا خفت بجد لا ينطوا فى البنطلون اصلهم مش ليهم امان ... دول ناس عامله زى اليهود ههههههههههه
وشكرا ياعم على ردك

عمرو سلامة يقول...

هههههههههههههههههههههههههههه
لما بياخدونا بيسبونا .. بيزهقوا مننا ... طيب ايه الحل معانا يا سلكه ... يعنى انت شايف ايه يا سلكاوى ... ههههههههههههههههه يودونا ورا القمر مثلا ههههههههههههههههههههههههههه
هههههههههههههه
اخي وحبيبى خالد السلكاوى المنضم الى تنظيم الاميلات المسروقه

Ahmed Al-Sabbagh يقول...

ياحبيب قلبى انت متضايق نفسك ليه

سيبهم يسرقوا الايميل ووكل كلمات السر اللى فى الدنيا

وبعدين عمرو اكبر واغلى عندنا من اى ايميل

يعنى ولا يهمك ولا هيفرق حاجة خالص

واصل ربنا يوفقك

تحياتى

اخوك احمد

العسكري عتريس يقول...

يييييييييييه انت لسه حاطط الافكار البايظة دي في دماغك .... يا بنى احنا كائنات صغيرة متحركة ليس لنا اي قيمه عندهم مش هيفكروا فينا دلوقتى ... ممكن دكتور عصام بس .. احنا لا

عاشــــــ النقاب ـقــــة"نونو" يقول...

ههههههههههههههههههههههههههههه
مستهدفين ؟؟
ايه دة لا انا مش معاهم
طب مش تعملوا حسابكم انا بقى عاملة حسابي اللي عاوز يسرق ايميلي يسرقه
اصلي ما عنديش حاجة اخاف عليها
انما هو لما يسرق الميل هيعمل بيه ايه يعني
هيكلم الناس مثللا بدالك ولا ايه
بجد هو ايه الفايدة؟؟؟
ولا هيدخل يتفرج على جهازك؟؟
ممكن بقى تعمل احتياط وتنقل اللي تخاف عليه برة الجهاز
انا عندي جهاز تاني في البيت بحط عليه الحاجات الشخصية وما بيوصلش بتاتا للنت
دة كويس ولا فيه احتياطات تانية
نوروني لحسن بجد مش عارفة
معلش يا اخ عمرو تعيش ودوب ايميلات فداك
خليه يشبع بيه
تحياتي

eman alaa eldin يقول...

قدر الله ما شاء فعل
(انا لله وانا اليه راجعون اللهم اجرنى فى مصيبتى واخلفنى خيرا منها)
خلاص ياكبار المدونين
فداكوا مليون ايميل
وبعدين دة يستدعى اننا نحرص على ايميلاتنا كلنا وبذات اللى بيحطوا حاجات مهم على الميل وكبار التدوين زى حالتكوا
ويلا بقى متعملوش الموضوع قضية وتنسوا الحاجات الاهم اى نعم هو الموضوع قضية بس ازعزا تنسوا الباقى بردة

ريمان يقول...

معلش يا عمرو ماتزعلش سرقه تفوت ولا حد يموت

الكاتب احمد كاجوال يقول...

عندي التبرير ...
تم تجنيد 30 شاب من الحزب الوطني علي الفيس بوك ,,, و اكيد حياخد الميل و يستخدمة و بالمرة يكشف بعض المدونين

اما الموضوع التاني ...
انا عاوز منك ترد علي موضوع لية المحظورة محظورة ... و بردة موضوع رحلت الأخوان برحيل البنا علي مدونة الصحبة الشابية ,,, يريت متطنش .. لأ تقرأ و ترد عليا بس بالعقل اوكية

http://so7bah.blogspot.com/

ادم المصرى يقول...

على فكره مدونتك جميله جدا وعجبنى اطارها الهادف بجد تقبل تحياتى وياريت تشرفنى