اضراب المحليات ...

تغطيه مصورة لانتخابات المحليات التى تجرى اليوم .. باذن الله التغطيه هتبقى فى مركز ديرب نجم الشرقيه ( محل اقامتى ) وفيها يتنافس الوطنى والوفد على مقاعد المحليات سواء مجلس محلى المدينه او المحافظه .. والاخوان عندنا كانو نازلين ولكن منعوهم وزى ما احنا عارفين القصة اللى جرت فى محافظات مصر كلها من تضيق وخناق على المقدمين للانتخابات ... ومن اراد ان يطلع على المواضيع التى كتبتها وفضحت فيها الامن ووسائلة النجسه لمنع الاخوان من دخول الانتخابات بالشرقيه ... اقدم لكم روابط المواضيع القديمه ...
ولعى يا مصر .. 1
خلاص زهقنا منك يا حكومة
نكشف الكذب الذى تعيش فيه الدوله ( ملف مصور من تصويرى )
وتتوالى عمليات التزوير فى المحليات
بيحلموا لو دخلوها
---
فى الروابط الماضيه ... كنا قد فضحنا فيها عمليات التزوير التى اققدمت عليها امن الدوله واعضاء الحزب الواطى ...
وانتظروا منا باذن الله تغطيه مصورا لاحداث الانتخابات اليوم ...
----
شئ تانى عايز اقوله ...
اخونا وائل عباس اللى لا هو اخوانجى ولا ناصرى ولا اشتراكى ولا ثورجى ولا عمل ولا يسارى حتى .. ولا حتى حده عارفله مله ... سواء مستقل او منضم حتى ...
كاتب فى مدونته المحترمه (الوعى المصرى ) مدونات إخوانية تهاجم الإضراب وإنتفاضة المحلة وتتهمها بالتخريب هتلاقوها فى التويتر فى الجمب كده ...
عايز اسالك يا وائل بيه ... انت ليه جمعت وقولت مدونات اخوانيه ... احنا قولنا موقفنا من الاضراب فى الاول وده انا كاتبته وكان قدام الناس كلها ... لكن مش قولنا موقفنا بعد الاضراب واتحداك ان كان فى مدون اخوانى واحد اتكلم بعد الاضراب وقال موقفه ... وائل بيه .. لو كنا اتهمنا العمال بالتخريب كنت كتبت تحت كل صورة من اللى انا نشرتها ادى الاضراب ... لكن كلنا عارفين القصه وعارفين الموضوع .. وعارفين مين اللى بادئ ... ومين السبب فى اللى حصل فى المحله ...
عشان الموضوع يكون قدام الناس كلها نحن نؤيد انتفاضه المحله ولكن السلوك الذى قام به مواطنين المحله خاطئ ... نؤيد الانتفاضه لكن التكسير لأ ... نؤيد الثورة لكن توليع البنزيمات لأ ... نؤيد الاضراب لكن توليع الاتوبيسات مش من اخلاقنا ولا من اهداف الاخوان ...
اخويا يا محترم .وائل بيه .. موقفنا قولناه من الاضراب ووضحناه ... لكن مش هجمناه زى ما انت قولت ...
وهذا للتوضيح ...
----
انتظروا منا تصوير انتخابات المحليات

ولعى يا مصر ...

اكتب اليكم اليوم وانا منكشح (سعيد يعنى ) .. اكتب اليكم وانا اقول فى قرارة نفسى سندخل الانتخابات مهما فعلتم يا ظلمه ... ونعم حدث فعلا .. فقد قامت محكمة القضاء الادارى بالاسماعيليه (التابع لها بعض مراكز الشرقية ) بقبول الدعاوى المرفوعة على محافظ الشرقية ووزير الحكم المحلى ورئيس لجنة الترشيحات وتمكين 250 مرشح اخوانى شرقاوى من دخول الانتخابات القادمة اللى هيا المحليات ... هذا الخبر لسه طازه ... جائنى قبل قليل ... هيا بنا نهنئ بعضنا على دخولنا الانتخابات .. ومبرووووك يا اخوان ... ومبروك يا شعب يا مصرى ...


وابضا وبمناسبة الخبر ... نبث اليكم خبر المفاجاه وهو ان عددا من الاخوان ترشحوا فى الانتخابات وعددهم حتى الان اربعين واحد فى القليوبيه وعددا اخر من المحافظات ... الكلام الاخير ده قاله الاستاذ عبدالمنعم عبد المقصود .. واقرا الخبر كله على هذا الرابط
---
ناتى لما كنا سوف نكتبه قبل الخبر الماضى ... حتى انا سميت البوست على اسمه ( ولعى يا مصر ... ولع يا شعب ) .. هذا العنوان وضعته عندما وجدت المظاهرات تشتعل بعدة محافظات مصر ... عندما وجدت الوقفات تعلوها راية الاخوان المسلمين وتطالب بدخولهم الانتخابات .. وكانت اكبر الوقفات بمحافظه الغربيه وكانت محاصرة بشويه عربيات امن مركزى يحرروا فلسطين اه والله يا جدع ... بيستقوا على الناس الطيبه وسايبين الوحوش ...


وقد اطلقت جماعة الاخوان تصريحات ناريه عبر خروج هذه المظاهرات حيث صرح الحاج مصطفى الغنيمى مسؤل المكتب الادارى بالغربيه : ان الايام القادمة سوف تكشف عن جهد الاخوان للضغط على النظام فى قبول اوراق ترشيحهم ... وانها سوف تواصل مظاهرتها الى ان يصل العدد الى مليون شخص ... هذا تصريح من احد القيادات على موقع اسلام اون لاين ..
وايضا قال الاستاذ صابر ابو الفتوح نائب الاسكندريه فى تصريح ايضا اعتبره نارى جدا ومش من عادة الاخوان على التصريحات دى خالص ... حيث قال ان الجماعة فى حالة استنفار وتاهب اذا لم يتم قبول اورق المرشحين
مظاهرات وتصريحات ذات حده وقوه ... ماذا ينوون .. وعلى ماذا يستقرون ... وعن ماذا سوف تكشف الايام القادمة ... سننتظر.

---
نكشف خطة الوفد مع بتوع امن الدوله فى مركز ديرب نجم شرقية ...


حزب الوفد حزب لم اكن اتخيل انه يتعامل مع شويه رعاع بتوع امن الدوله ... لكنهم طلعوا زى بتوع التجمع بالظبط حيث قام حزب الوفد بارسال مبعوث معتمد من الحزب مع بعض المرشحين الى مبنى امن الدوله لكشف الحاله الجنائيه له .. وقبلوا امن الدولة المرشحين وتفويت 15 مرشح بالمركز كله .. ونحيط علم الساده ان المرشيحن ليسو وفدين بل المفاجاه انهم لجاوا للوفد لكى يترشحوا بل هم مستقلين خالص .. وهنا تكشف مدونة لسه عايش عن صفقات وفدية امن دوليه ... حيث اننا لم نتعود على ذلك منهم .. طب سيبوا الكلام ده لحزب التجمع يا وفديه ... ابدا ... تنازلوا عن مبادئهم لكى يدخلوا الانتخابات .. بل وعقدوا الصفقات ... هل هذا هو مبدا الوفد يا اباظة يارئيس الوفد يا محترم ياللى عاملى معارض فى البرلمان .. انك لا ترقى الا ان تكون مدافع عن حقوق هؤلاء البسطاء ... بل تنازلت عن مبدائك لمجرد انتخابات انت تعرف انها لن تكون فى صالحك ... (نحيط علمكم ان لدينا اسماء المرشحين التابعين لحزب الوفد وهما اصلا ليسوا وفدين بل اجبروا على ان يدخلوا الحزب عشان يترشحوا)


---

الاخوان المسلمين بالشرقيه يبدأون فى توزيع ورق دعايه مكتوب فيه كلام جامد ... تعالوا نشوفوا

خلاص زهقنا منك يا حكومة

انا زهقت ... يخرب بيت الديموقراطيه اللى بيحكوا عنها ..

خطف مرشحين

نفاق اعلامى

بلطجه

محاصرة مقرات الترشيح لمنع التقدم من الترشيح

وكانها خط احمر

اعتقال انصار المرشحين

منع اى اشخاص من تقديم اوراق ترشيحهم

زهقناااااااا منك يا حكومه ..

زهنا من ديكتاتوريتك يا حسنى

زهقنا من الكلام المناااااااافق

وبعد ده كله يطلع علينا سى شهاب وزير المجالس القانونيه بمجلس الشعب

يقول سياسة الحكومة تعمل

على تسهيل سير الترشيح للمحليات ...

اللهم اهلك المنافقين

اللهم اهلك الظالمين

لن اتكلم كثيرا ... لأن الواحد فاض بيه .. خلاص

نكشف الكذب الذى تعيش الدوله فيه ..

زيف وتضليل وكذب ونفاق ... هذا ما تميز به الاعلام المصرى دونا عن غيره .... نعم هذا هو ما تميز اعلام السيد ومعالى الوزير انس الفقى ذو الساعة التى قيمتها مليون وشويه .... لا يهمنا يلبس ايه او بيعمل ايه ... لكن يهمنا انه اعلامه ذو حقيقه مضلله للمشاهد ... يهمنا ان اعلامه منافق ... يهمنا ان اعلامه لا يلعب الدور الحقيقى له بل يلعب من التزيف وتزوير الحقيقة ماشاء ... وهذا كله فى مصلحة نظام فاشل فى ادارة دوله تعود على تزويره وتغطيته من قبل اعلام لا يعرف للحقيقة معنى بل عرف ان للكذب معانى ومعانى كثيرة ... هذا الفقى ( وزير الاعلام الحالى ) صاحب شعار بلدنا بتتقدم بينا .. صاحب الاعلام المزيف والمنافق لسيادة رئيسه (حسنى مبارك ) كذب وضلل الكثير من المشاهدين وصور مصر امام العالم فى تلفزيوناته انها حلوة واحلى كلام ... ولكن ما ابينا الا نوقفه عند حده فى هذه المدونه التى لا حول لها من القوة ... نكشف كذبه وتضليله .. ونكشف زيفه امام العالم كله ليشاهد ان هذه البلد مش تمام خالص .. وان خيار الديموقراطية وجزر الحريه غير موجودين بالمره فى هذا البلد الذى يقوده طيار من الدرجة الاولى ...

ما القصه .. وما الحكايه ؟

بعد ان كشفنا على مدونتنا حكايه البلطجية اللى مجهزين لضرب مرشحى الاخوان امام سرادق الترشيح واتهامهم زيف بان المرشحين هم من تعرضوا عليهم وضربوهم وقاموا ايضا بتحرير بلاغات مسبقة لذلك حتى ان اتى الاخوان للترشيح يقومون بالقبض عليهم بتهمة التعرض لهؤلاء البلطجيه ... ونذكر اننا كشفنا العشرين بلطجى مقابل وجبة كباب وكفته وكانت برعاية مخبر امن الدولة المغوار احمد عابدين مخبر مركز ديرب نجم بالشرقيه ..... المهم تفاصيل الحكايه دى هتلاقوها على شرقيه اون لاين ونافذه مصر واخوان اونلاين ...

---

ونأتى اليوم لجديدنا فى كشف تفاصيل مثيره لانتخابات مزيفه مسبقا ومعد لها ومجهز لها الكثير لمقاومه المرشحين من الترشيح يعنى من المنبع بدل ما يتعبوا فى التزوير ياعينى ..... كان اعلام السيد انس الفقى هو اللاعب الشهير فى هذه العمليه الديموقراطيه التى تمر بها مصر حاليا ... فقد لعب السيد انس وقنواته زيف وتزيف عندما جاء بالقناة الرابعه التابعه للاعلام الحكومى والمختصه بنقل اخبار محافظة الشرقية للمشاهد المصرى ... الى مركز ديرب التابع لمحافظة الشرقيه لتغطية احداث المحليات واجراءات الترشيح واظهار ان الكل تمام متمم والحال ماشى زى الفل ... فقد جاءت القناه بكاميراتها يوم الخميس الماضى (ثالث يوم الترشيح ) الى المركز وبالتحديد الى مكان الترشيح فى السرادق المقام بالمجلس المحلى للمركز ومن المفترض ان يكون السرادق ممتلئ يوميا بالموظفين المختصين لاستقبال ترشيحات الناس .. ولكنه من اليوم الاول لا يجلس فيه اى حد وعندما جاءت القناة جاؤوا موظفى مجلس المدينه وليس المحلى الى السرادق على انهم مرشحين وللعجب العجاب ان رئيس المجلس هو الذى اصدر لهم اوامر بالخروج وادلاء اقوال للقناة ان الكل تمام ... ومن الموظفين الذين ادلو بحوار الى القناه الموظف ابو السعود فرج من قرية منشية صهبره ( ونحن لدينا العديد من الاسماء ولو عايزين نفتشها ونفشرها نقول يعنى انا مش بيهمنى حاجة ) .. وايضا قاموا بدور الممثلين امام التلفزيون وقالوا نشكر سيادة الرئيس على الديموقراطيه دى مع انهم مش عارفين ياكلوا ... يخرب بيت النفاق يا جدع ... وكان يوم الخميس هو يوم امتلاء السرادق بموظفين كثيرين جدا ... مع انه من اليوم الاول لا يوجد فيه اى بشر ... والحلقة بثت فى التلفزيون واظهرت للناس ان الكل تمام والحال ماشى ياريس ... وقشطه يا كبير ... هتقدر تورث ابنك اهوه .... ونحيط علمكم ان الاخوان فى المركز حتى الان لا يعرفون ان يقدموا اوراق ترشيحهم ..وذلك بسبب الاستحكامات الامنيه الموجوده على باب مجلس المدينه والمخبرين والعسس الجالسين اما مبنى المجلس المحلى ... قال يعنى فيه حد يستقبل الترشيحات ..

والمفاجاه ان لسه عايش تنشر لكم صور المفاجاه وهيا صور صورت يوم السبت 8/3/2008 الموافق رابع يوم ترشيخ فى الساعة الحادية عشر ظهر والمفترض ان يكون الموظفين فى السرادق المقام لاستقبال الترشيحات ولكننا عندما ذهبنا لم نجد ولا نفر واحد والكراسى فاضيه خالص ... وفى هذه الصور نقول لوزير الاعلام انت كذاب فيما تعرض .. انت منافق كبير ...

مافيش حد خالص ... هههههه اشرب يا انس هنكشفك هنكشفك

ونترك لكم التعليق ...

وتتوالى عمليات التزوير فى المحليات ..

نعم تتوالى وستظل تتوالى الى ان تنتهى البعبع المسبب للنظام المسمى بانتخابات المحليات ... نعم فهو اكبر بعبع بيلعب فى عب رئيس النظام وحكومته ... العبع هنا هو الاخوان عندما اعلنوا قرار دخلوهم الانتخابات وكأنها جريمه ليست مغتفره وكانهم انتصوا فى نفوخهم وعملوا الحاجة اللى المفروض مش تتعمل ... هذا النظام الذى اشبعنا زيفه ونفاقه واشبعنا ايضا غلاء وفساد ونهب وسرقة واحتكار ... هذا النظام الذى لن ولم يؤمن بشئ مسمى بديموقراطيه يعلنها الرئيس علينا كل صباح ... نعم فهذا هو الواضح لنا ..من خلال تقريرنا اليومى عن احداث وسير الترشيحات فى محافظة الشرقيه ( التى اختصينا بتغطيتها ) حيث استخدم فيه هذا الحزب الواطى كل اساليبه القذرة فى منع الاخوان من بلطجيه وارهاب واعتقالات وشروط تعجيزيه ... كل هذه القذارة تعودنا ان تاتى من نظام قذر لا يعرف خيار الديموقراطيه ولا جزر الحريه ...

نأتى للتغطيه الاخباريه ..

- فى مركز ديرب نجم ( مركز من مراكز محافظة الشرقيه ) ويوجد فيه اكبر تكتل اخوانى قوى لدرجة ان مرشح الاخوان فى الانتخابات مجلس الشعب الماضيه حصل على 34 الف من الاصوات ... هذا ليس موضوعنا ؛

ولكن ماذا حدث ... حدث ليلة امس الخميس 6\3\2008 بقيام مخبر امن الدولة المغوار احمد عابدين بجلب 20 بلطجي من ميت غمر ( محافظة الدقهليه ) وعزمهم على كباب وكفته فى مركز الشرطه التابع للمدينه لكى يقوموا ببلاغات كاذبه وكيديه ضد مرشحى الاخوان العشرين واللى هما اتعرفوا عند امن الدوله عندما قاموا بعمل الفيش والتشبيه من المركز .... وفائده هذه البلاغات انه عندما يتقدم المرشح للترشيح تقوم الشرطه باعتقاله بتهمة اعتدائه على البلطجيه .... هذه الخطه الجهنميه تاتى بقيادة احمد عابدين مخبر امن الدوله الجديد بالمركز ... وانها لخطه جهنميه ... نحيط علم الجميع ان هذه الخطه القذرة كشفت من قبل مصادر موثوقه داخل القسم ...

- فى مركز ابو حماد ( مركز من مراكز محافظة الشرقية )
في صباح يوم الخميس الموافق 6/3/2008 تقدم عدد من الإخوان المسلمين بمدينة أبوحماد ومعهم عدد من المحامين لتقديم أوراقهم للترشيح في انتخابات المحليات المزمع إجراؤها في 8 ابريل 2008م ، وحين تقدم المرشحون ويتقدمهم السادة المحامون لتقديم الأوراق المطلوبة طلب منهم أن يسدد كل واحد منهم مبلغ ألف جنيه (وهذا المبلغ بقرار من السيد محافظ الشرقية) ورغم ذلك لم يعترض المرشحون وابدوا استعدادهم الكامل لدفع هذا المبلغ.
وحينما تقدموا لدفعة في الخزينة طلبوا منهم تأشيرة من السيد رئيس مجلس المدينة، فتوجهوا إلى السيد رئيس مجلس المدينة ليحصلوا على هذه التأشيرة إلا أنه رفض وقال (التأشيرة من الخزينة) واتصل بضابط امن الدولة ورئيس المباحث ياسر فاروق واستمر هذا الوضع حتى فوجىء المرشحون بعدد كبير من البلطجية ومخبري امن الدولة واقفون أمام الخزينة ليمنعوا أى متقدم من الوصول إليها واستمر هذا الوضع حتى الساعة الثانية بعد الظهر.
وحاول احد المرشحين رفض ذكر أسمه أن يخترق هذا الطابور فاشتبك معه المخبر وحاول أن يحدث مشكلة ليتم الاعتداء على المرشحين بو اسطة البلطجية غير أن المرشح فوت الفرصة عليهم.
وذكر أحد مرشحي الإخوان في أبوحماد في تصريحات خاصة لما ذهبنا إلى رئيس المجلس قال (الأمر اكبر منى بكثير ) .. فحسبنا الله ونعم الوكيل، هكذا يتعامل الحزب الوطني مع المرشحين ومن يريد أن يتقدم بأوراقه إلى اللجنة "

---- هذه هيا اخر الاخبار بالمحافظه ... وجارى كشف الخطط .. وجارى كشف المؤامرات التى تحاك من قبل امن الدوله ... وتواصل لسه عايش تغطيتها لتزوير المحليات ...

-- الله اكبر ولله الحمد --
تأتى هذه التدوينه فى اطار عمليه استشهاديه كبيرة اجريت فى الضفة الغربيه قتل فيها عشر جنود واربعين جريح صهوينى وقد كانت كتائب الشهيد عز الدين القسام قد اعلنت عن مسؤلياتها للعمليه فى وقت متاخر من يوم الجمعه 7\3\2008 ...

نأتى لصور العمليه ..

بيحلموا لو دخلوها ...

هكذا رفع امن الدولة هذا الشعار عندما اعلن الاخوان خوضهم انتخابات المحليات التى تجرى فى هذا الشهر ... وتجرى ايضا تقديم اوراق الترشيح فى هذه الايام ... ولكن ما ان لبث اليومين من الايام المفترض ان يقدم فيها اوراق الترشيح ... الا ان ظهرت بوادر تنفيذ هذا الشعار ( بيحلموا لو دخلوها ) .. وبصفتى شرقاوى ومتابع لما يحدث فى الشرقيه فقد بدا جهاز امن الدوله فى الشرقيه بالتجهيز بالخطط الجهنميه لمنع الاخوان من تقديم اوراقهم الخاصه بالترشيح .. ووضعوا للاخوان الكمائن فى الطريق المؤدى لمكان الترشيح اللى هو مجلس المدينه فى كل مركز ...
وتعالوا معى نرصد ما حدث فى يومين بس من ايام الترشيح .. ودول لسه يومين امال مش عارفين باقى الايام ايه اللى هيجرى :
- الكلاب المسعورة خططت لمنع الاخوان فى ابو كبير ( مركز من مراكز الشرقيه ) عن طريق وضع بلطجيه ماسكين مطاوى وسنج ويقومون البلطجيه بالتضيق عليهم بشتى الطرق ثم يفتعلوا المشكله مع الاخوان ويتدخل الامن وهذا ما حدث و قام الامن باعتقال الاخوان والتهمه انهم قاموا بعمل مشكله وضايقوا الناس ... واعتقلوا اخوان ابو كبير فى غرفه ... ثم قامو بالتفاوض ولموا الموضوع بسرعه ومشيوا ... هذا ماحدث فى ابو كبير ...
- ايضا قام ابناء الحزب الوطنى فى ابو كبير باتخاذ قرارات تعجيزيه لمرشحين الاخوان وقالوا ان فيه قرار جديد نزل انك لازم تدفع 1050 جنيه لزوم تأمين الدعاية .. وهذا ما يعد فى سابقة خطيرة منذ اختراع حاجة اسمها انتخابات محليه ... ويبدوا ان محافظ الشرقيه التابع للحزب الواطى وابنائه قد اصدر القرار لكى يفوز بثقة الرئيس فيه ويقول شوفوا المحافظين .. اجدعكم بتاع الشرقيه قدر انه مش يدخل الاخوان ...
- وبعد ان انتهينا من ابو كبير .. قامو فى مركز كفر صقر ( مركز من مراكز الشرقيه ) باعتقالات كبيرة بين المرشحين المتقدمين واللى واقفين فى طابور الترشيح .. وايضا قام البلطجيه بجرح عدد المرشحين .. واصابتهم بطرق مباشره ... فيما يعنى ان الامن قد انتهج اسلوبا جديدا جدا الاو وهو منع المرشح من اصله ... والقيام باصابته ...
- وبعد كفر صقر وابو كبير قامو فى خبر عاجل الان فى مركز هيها قوات الأمن تحاصر مجلس مدينة ههيا بالشرقية وتستعين بالبلطجية لمنع مرشحي المحليات من تقديم أوراقهم!! ...
- وايضا فى كفر عسكر التابعة للزقازيق اترككم مع المرشح يحكى ما حدث : توجهنا إلى مكتب تسجيل المرشحين بقرية كفر عسكر بمدينة الزقازيق لتسجيل ترشيحنا، اعترض طريقنا مجموعة من البلطجية، طلبنا منهم أن يفسحوا الطريق فما كان منهم إلا أن أبرحونا ضربا".
---
كفر صقر - ابو كبير - هيها ... انتظروا الباقى فى الطريق مع تغطيه خاصه لمدونة لسه عايش وبالصور ايضا .. فانتظرونا ..

انتخابات الشورى فى دايرتى

من المعلوم والمعروف لديك او لدى اجهزه الاعلام ان الاخوان المسلمين دخلوا بـ 19 مرشح من 88 مرشح فى جميع دوائر الجمهوريه ... ومن المعروف ايضا ان الاخوان دخلوا الانتخابات فى الشرقيه بمرشحين .. الا وهما الدكتور ناجى صقر مرشح الدائرة الاولى (الزقازيق ) والاستاذ عزت غريب مرشح الدائرة الثانيه (منيا القمح والعاشر وبلبيس) صح ولا لأ ... صح الكلام ... الاخوان ما دخلوش الانتخابات فى دايرتى الا وهى دائرة ديرب نجم وابراهيميه وهيها ... لحد دلوقتى والكلام تمام التمام ...ندخل فى المفيد والمهم والمعلوم بأه ..مش صح ولا ايه ... ندخل ...
----------------------------------------

دخل الانتخابات حتى الان اربع مرشحين الا هم ... فايز الكفراوى (مستقل) - زكى السويدى ( وطنى) - محمد الحنفى (مستقل ) - احمد البحطيطى (مستقل) - سعد العجوز ( مستقل ) .... لكن انت مش استغربت من حاجة .. من ايه يا ترى ... من ان عدد المرشحين فى دائرة بها اكتر من 300 الف صوت ... اه صح ... طب ليه يا ترى ... اقولك انا واحكيلك القصه وما فيها ... زى ما بيقلولوا ... الحقيقه كان داخل الانتخابات دى يجى اربع مرشحين او خمسه كمان غير دول وابرزهم جمال عبد العزيز بدوى ورضا عبد العال .. الخمسه دول كانوا عايزين يدخلوا الحزب اى بمعنى يبقوا مرشحين الحزب وكل واحد بيتنافس انه يبقى مرشح الحزب ... كله قدم ورقه للمجمع الانتخابى بتاع الحزب وكله على امل انه يبقى مرشح الحزب ... لكن خاب املهم ولم يعلن المجمع الانتخابى للحزب عن اختياره لأحد المتقدمين له ... لكن ما حدث كان المفاجاه والمفاجاه الكبرى كمان .... جه نجيب التونسى (هذه القصه حقيقية ورواها لى رئيس لجنة التنميه الادارية بالحزب فى مركز ديرب ) ..مين نجيب التونسى ده يا عمرو .. ده امين الحزب بالمركز ... جه الراجل ده وقال للمتقدمين للحزب انهم يديوله ورقهم اللى هيترشحوا بيه ويعملولوه توكيل علشان هو اللى هيقدملهم ... كلهم وافقوا يا معلم ... وكله تمام ادوا للراجل ده ورقهم والتوكيل كمان .... جه ايام الترشيح ... اول يوم ما قدمش نجيب ... تانى يوم باردوه ما قدمش ...المرشحين قلقانين ... تالت يوم باردوه نفس الحكايه ... رابع يوم نفس الحكايه ... خامس يوم بأه جه عمو نجيب التونسى قدم ورق لمرشح واحد بس ... عارف هو مين زكى السويدى وقلب الباقى ههههههههههههههه .... قلبهم قلبه تمام .... وضحك عليهم .... حتى لا خلاهم يدخلوا مستقلين ولا حاجة ده قشطهم بره .... ههههههههههههه ..... المهم ثارت الشائعات فى البلد ان جمال انسحب ليه يا جماعه ... قالك علشان جمال مادخلش الحزب ... والناس ما تعرفش الحقيقة ايه .... الحقيقة الحزب ضحك عليه وادالوه بومبه كبييييييييره اوى ... هههههههههه حلوة بومبه دى ... نتكلم بأه عن كل مرشح من المرشحين اللى داخلين الانتخابات دول

نبدا ببتاع الحزب الواطى : زكى السويدى

زكى هذا رجل بلغ من العمر الـ 85 عاما ...ومش عارف مترشح ازاى .... مش عارف الراجل ده هيشيل هموم دايريتن ازاى ..ابن زكى ده قابلته فى مرة وقولتله ابوك داخل الانتخابات يا عم احمد قاللى اه ... قولتله وهو لسه فى حيل يدخل ... قاللى اقوللك على حاجة .... قولتله ايه ... قاللى انا مش مقتنع ان ابويا يدخل ... لكن هو يعمل ايه ... عائلة السويدى مدخلاه الانتخابات علشان المصانع والشركات بتاعتها اللى فى العاشر .... قاللى فهمت اللى فيها ...قولتله فهمت التيته

نأتى للدعايه الانتخابيه التى يتبعها زكى .... الدعايه يا سيدى انه طول النهار ولليل ممشى عربيات فى البلد ... بتقول ايه العربيات دى ... بتقول : الله اكبر والحق من عند لله (لاحظوا شعارات دينيه تسبب فتنة طائفيه ومحظورة من الدستور فى قانون مباشرة الحقوق السياسية ) وعماله تقول .. الهلال رمزنا ... سر يا زكى على بركة الله واحنا وراك ان شاء الله ( سر بس اوعى تقع يا زكى فى السكة ) ... رمز السماء ... رمز النوور ... انه الهلال ... الله اكبر وزكى مرشحنا ... الله اكبر وزكى نائبنا ... ههههههههه والعربيات عماله تقول كده وانا اضحك .... وبيقولوا كمان .... نعم للتغير (انا مش فاهم ازاى تغيير وهو اللى كان موجود الدورة اللى فاتت ) نعم للفكر لجديد ... نعم لبتاع الحزب ... انتخبوا بتاع الواطيين ... الحزب هو املنا فى الاصلاح .... قشطة يا اصلاح ... ههههههههههههههههههههه .... ومن ضمن دعايه زكى انه معلق بوسترات على الحيطان مكتوب عليها .... الا تنصروه فقد نصركم ... دى مش شعارات دينيه .... سر يا زكى يا بتاع الحزب ...

نأتى لتانى مرشح فى القائمة الا وهو محمد الحنفى .... محمد الحنفى ده بأه حكايته طويله اوى ... الراجل ده مدرس حاسب الى ... ولسه عنده تلاتين سنه ... ومش داخل تبع احزاب مستقل يعنى ..... الراجل ده بأه ممشى عربيات طول النهار بتقول .... انتخبوا محمد الحنفى ابن التربيه والتعليم .... ابن البلد .... ابن ديرب وهيها وابراهيميه ... ابن مصر .... انتخبوا العلم .... وعمالين يقولوا ... انتخبوا رجل العصر ... رجل الكمبيوتر والتكنولوجيا .... رجل العطاء والوفاء ... والمفتاح رمزنا .... وايه كمان ... الله اكبر كما قال الاباء .... انا اول ما سمعتها من هنا قعدت اضحك لما اقول يا بس ... هههههههههههههههههه .... قال كما قال الاباء .... واحنا مش قولنا الله اكبر يا حنفى يا بتاع الكمبيوتر ..... هههههههههههههههههههههه ...... ومن ضمن الدعايه بتاعته بوسترات .... عاملك بوستر بأه بس عاجبنى اوى .... وهو قاعد قدام لاب توب .. اه والله ... وجمبه مقلمه بتاع قلمه .... وباصصلك للكاميرا ومكتوب على الصورة .... الشباب - العلم - العطاء .... انه المفتاح ..لا تتنازلوا .... هههههههههههههههههههههههههه ..... فيه حكايه واحد صاحب بابا قالهاله عن الراجل ده ... الراجل ده محامى صاحب بابا .... فا بيقوله انت ليه مرترشح يا حنفى .... قاله انا فاشل ولعل جمال مبارك يختارنى ضمن شلته الفاشلة .... والله الحكايه مرويه من الراجل بالنص .... عايز ايه اكتر من كده .... ومن ضمن دعايه محمد الحنفى ... انه عملك موقع ... اه عملك موقع على النت .... السيره الذاتيه لمحمد الحنفى بتقول انه اتخرج من الكليه طلع بأه مدير للشركة برمجيات .... ازاى مش عارف ..... اه والله ....

نأتى للمرشح الثالث اللى هو اسمه سعد العجوز .... سعد العجوز ده دكتور .... ومش عامل دعايه عندنا الا يافطه او اتنين فى المركز كله .... وكاتب عليها ايه .... صديق المرضى .... البرلمانى القدير ... هههههههه ... انا مش عارف زااى هو برلمانى وهو ما نجحش لسه .... شوفته الهبل ودكتور ..... امال لو مش دكتور ....ههههههههههههه

اما فايز الكفراوى والبحطيطى ده .... مش عاملين دعايه عندنا خالص .... مش عارف داخلين ليه .....

وهذه كانت تغطيتنا للدعايه الانتخابيه والمرشحين ..... فى دائرة ديرب نجم وهيها وابراهيميه بمحافظة الشرقيه - الدائرة الثالثه على مستوى المحافظة

--------

خلاص بأه كده وسلام ... اسيبكم تناموا