السبت، ٥ سبتمبر ٢٠٠٩

تجمهر العشرات فجرا أمام مستشفي ديرب نجم بسبب كيس دم

صورة لواجهة المستشفى (ارشيف لسه عايش )

حكومة تعامل البنى ادم كالحيوان .. هذا اقل وصف من الممكن ان يوصف فيما حدث فى مستشفى ديرب نجم المركزى ..

عندما يتجمهر اهالى قرية فرغان امام المستشفى للحصول على كيس دم لانقاذ طفله من الموت فهذا يطلق عليه لا رحمة ولا انسانيه

والاغرب من ذلك ان يكون الناس قد تبرعوا بالدم بحوالى 20 كيس دم للطفله وفى المقابل تطلب المستشفى ثمن القربه ولا تخرج اى كيس كيف وهم تبرعوا .. والحجه هي ادفع تمن القربه .. البنت بتموووووووت .. وايه يعنى

هكذا كان الرد الطبيعى لمسئولة بنك الدم الدكتوره فايزه فايد .. والامر من ذلك انها تقيم دعوى قضائية امام النيابه لان هؤلاء عطلوها عن سير عملها اى ضمير واى انسانيه واى رحمه واى كرامة للطفله الذى لا ذنب لها الا انها منكم كيس دم لتنقذوها من الموت المحقق لها فى الحضانه

كان الرد الطبيعى للاهالى ان تجمهروا (كانت الساعه الثالثه صباحا ) قبل الفجر بساعه امام المستشفى يطالبون بخروج كيس الدم وفعلا اقتحموا بنك الدم ولكن للاسف لم يستطيعوا اخراج فصيلة الدم او صلاحية الدم للطفله ..

فتوجه الاهالى لتحرير محضر فى مركز الشرطه لاثبات الحاله رقم 5253 ادارى ديرب نجم .. ووصل رئيس المباحث يعاين الموضوع ويحاولوا السيطرة على الجمهور امام المستشفى وفى هذه الاثناء وصل مدير المستشفى الدكتور سعيد كامل الذى صرف كيس الدم وقال لن تخرج فاطمه وليد عبدالله من المستشفى الا بعد دفع ثمن الاكياس .. يا دكتور احنا متبرعين بعشرين كيس دم حرام عليكم .. باردوه هتدفعوا تمن القرب التى يصل الواحد منها الى 125 جنيه .. وهما ناااس على قد حالهم ..

كل واحد على قد حاله فى البلد مش لازم يتعالج يموت احسن .. كل واحد على قد حاله فى البلد دى مش لازم يعيش فى مصر لان مصر بلد الاغنيه .. عجبى يا بلد

متابعه للخبر الذى نشرته العديد من المواقع والصحف

تظاهر الأهالى أمام مستشفى ديرب نجم بالشرقية .. على اليوم السابع

تجمهر أمام مستشفي ديرب نجم بسبب كيس دم .. على الشرقيه اون لاين

اهالى ديرب نجم يقتحمون بنك الدم بمستشفى ديرب‏ .. الخبر على الفيس بوك


هناك تعليقان (٢):

دكـــــتور جدا يقول...

حسبنا الله ونعم الوكيل
يلا احنا في بلد العجائب
ورمضان كريم ياعمور

ماتخافوش يقول...

سلامو عليكو يا عمور ويا كل القراء
ارجو الا يعتبر ردي هذا دفاعا عن الحكومة واني في صفها انما هي من باب احقاق الحق وانا اعرف ان رايي سيعترض عليه ناس كتير ولكن هذا هو الحق
شوفوا يا جماعه موضوع التبرع بالدم ده نظامه ايه 0 نظامه ان في مريض محتاج نقل دم فاهله بيروحو علي بنك الدم علي اساس ان حالته خطيره جدا وانه هايموت الان لو ما خدش دم وبيكونوا حاطين في بالهم ان بنك الدم ده هايديهم الدم ببلاش لانه بنك ابوهم والدم اللي فيه تحت امرهم ودا غلط فموظفين بنك الدم بينفذوا النظام والقانون اللي هو ان اهل المريض يدفعوا تمن قربة الدم وليس تمن الدم بعد التبرع من اهل المريض بالدم وهنا يظن اهل المريض ان البنك بيضحك عليهم وانه بيبيع ليهم الدم اللي هما اتبرعوا بيه يغضب الاهالي ويثورواعلي الموظفين وهنا تكون المشكله0
000000
الدم يا جماعه اللي موجود في بنوك الدم نقص كتييييييير جدا بعد قضية هايدلينا المعروفه وقبل كده كان الناس بتروح بنك الدم وتاخد دم ببلاش والموضوع يتسجل في دفاتر بنك الدم ان الحالات طارئة وخطيرة لان الدم كان كتير ولكن بعد قضية هايدلينا نقص عدد المتبرعين بشدة وبالتالي فان خروج اكياس الدم من المستشفي بقي عليه كنترول جامد
000000
فأنا في رايي ان المستشفي وبنك الدم مش عليه غلط في الموضوع وده كله سوء تفاهم بس اما الناس اللي راحت المستشفي وكسرت بنك الدم فقد حركتهم العاطفه ونسيوا النظام بتاع المستشفي وبنوك الدم وظنوا ان الادارة عاوزة تموت بنتهم فكسروا البنك والمستشفي ودا تصرف اهوج من ناس فلاحين وغشم
00000000
تصرف الدكتور السعيد كامل كان من اجل تهدئة الناس وليس تنازل عن النظام ولن يسمح بخروج الطفلة الا بعد دفه تمن القربة
000000000انا باقول ان ناس كتير من اللي هايقروا الرد ده هايقولوا انت مع مين بالظبط وانا باقوللهم
انا مع الحق .... شكرا