الجمعة، ١٨ سبتمبر ٢٠٠٩

ذكري لن تنسى فى مكة .. ليلة 27

لن انسى ابدا ليلة يوم 27 رمضان العام الماضى 2008 عندما كنت فى مكه اؤدى مناسك العمره
اتمنى فى يوم من الايام ان ادون هذه الايام .. التى كنت فيها لاول مرة ارى الكعبة المشرفه فى مكه وارى قبر الرسول عليه افضل السلام فى المدينه ..
تذكرت هذه الايام وانا فى اعتكاف رمضان 2009 .. عندما علمت من احد الاخوان ان الامن قد منع الناس من الاعتكاف فى المساجد فى بعض قرى مركز ديرب نجم ..
تذكرت الحرم وامنه .. تذكرت الحرم وروحانياته .. تذكرت الحرم ودعائه .. تذكرت الحرم وصلواته .. تذكرت كل شئ .. اللهم اعد علينا رمضان القام فى الحرم يااااااااااااااااااااااااااااااااااارب ( بصوت عالى اوى) اللى راح الحرم عمره ما هيزهق ويقول عايز اروح ابدا ..هيقول يارب زدنى

هناك ٩ تعليقات:

راجية الرحمه يقول...

الجمله دى بابا دايما يقولها اللى راح الحرم هيفضل طول عمره يتمنى يروح تانى
طلعت الناس كلها اللى اعتمرت بتقولها
حاسه بشعورك اوى لان نفس المأسه دى عندنا فى البيت
ربنا يكتبهالك ويكتبهلنا تانى بأذن الله

Qatarat Nada يقول...

ياااااااااااااااااه
فكرتني بالذي مضى
فعلا انا مشتاقة جدا للكعبة
رغم انى زورتها قبل كدة وطبعا انا احسن من غيري بكتير
الحمد لله رب العالمين
بس ماما وبابا ( ويلا ربنا يسامحهم )
السنة دى بابا رااح حج وعمرة وماما عمرة
وانا قاعدة في البيت بهش الدبان
حسبي الله ونعم الوكيل
والاخت المبجلة قررت هى وخطيبها انهم ان شاء الله بعد ما يتجوزوا بيوم ولا اتنين حيسافروا سوى
وانا برده نفس الذبان الغلس اللى بهش فيه
اكيد لينا يوم
ربنا يبلغنا ويبلغك العشر الاواخر في رمضان يا عمور
واللهم اعد علينا رمضان القادم في الحرم
امييييين

Qatarat Nada يقول...

لا لا لا لا
والله انا كنت اول تعليق
والله والله والله
انا كنت اول تعليق
ما ينفعش كدة

راجية الرحمه يقول...

خلاص معلش ياجنه احنا اخوات بقى وامرك لله

عمرو سلامة يقول...

راجية رحمة وعفو ربها .. ويارب نولها هذا الرجاء ..
ماساه بجد .. ولكن المعنى كبير اوى عند ربنا لما تكون مشتاااااااااق تروحله .. مشتاااق .. والله ربك ما بينساش يقدر هذا الشوق وبيكرمك فى حاجات تانيه ..
وربنا يكتبهالك يا اختنا .. عقبال لما ربنا يكتبها الاول لبابا تانى وبعدين يكتبهالك .. وتبقى تدعيلى ها .مش تنسى
بجد انا محتاج حد يدعيلى ربنا معايا ومعاكى ومعا كل اللى محتاااااااااج ربنا .. وبيشتاق له وعايز يروحله :)
شاكر لحضرتك ردك الذى اسعدنى يا نجعاويه :)

عمرو سلامة يقول...

جنة الله فى ارضه ..
ربنا يرزقك قريب بخطيب ياخدك مكه وتشوفى الحرم ..
مش معنى اختك .. ومش معنى كمان بابا وماما .. هو انا مش بنتهم ها ههههه
هشعللك عليهم ..
ربنا يرزقك قريب بزيارة للحرم المكى .. وبطلى باه هش الدبان ده لاحسن مش بيجيب فايده .. :)
قومى صلى ركعتين كده باه وقولى ربنا بلغنى زيارتك فى اقرب وقت لانى باحبك يارب ..
---
مش تتخانقى مع اختك حبيبتك عشان اول تعليق :) .. وعلى راى راجية الرحمه امرك لله .. ابقى تعالى بدرى شويه هههه
ربنا يخليكوا لبعض
---
جزاكم الله كل خير على تعليقك

غير معرف يقول...

ربنا يتقبل منك يارب
ويجعله في ميزان حسناتك
ويعود الايام دي عليك بخير
امين يارب

عمرو سلامة يقول...

يارب يا محمد .. ويعودها علينا وعليكم بخييير يا اخويا ..
انا وانت كده ..
وربنا يتقبل منى ومنك
جزاكم الله كل خير على تعليقاتك النادرة :)

دكـــــتور جدا يقول...

كل سنة وانت طيب ياعمور
وربنا يعيد علينا الايام الجميلة دي بالخير