السبت، ٥ أبريل ٢٠٠٨

6ابريل .. موقفى منه


الى كل المدونين الداعين لاضراب 6 ابريل ... الى كل حبايبى الاشتراكين ... الى كل حبابيى فى الغد ... الى اليسارين ... الى حركة كفايه ... الى كل الشباب الغاضب المتنرفز من حكومة حزن وطنى على الشعب المصرى ...
اهيب سيادتكم ان موقفى من الاضراب هو موقف الاخوان من الاضراب ... نعم موقفى هو موقف الاخوان من الاضراب كيف ولماذا ؟

اوضح لكم .. واضح لقرائى .. واوضح لزوارى ...

6 ابريل هذا اليوم الذى سمعت عنه عبر الايميلات وعبر مواقع الانترنت ومدوناتها وعبر الفيس بوك وعبر كلمات تحدثت امامى حول الاضراب وعبر بعض المقالات التى قراتها ( هكذا سمعت عنه ) يدعو فى هذا اليوم الى اضراب عام بمصر كلها شركاتها مصانعها جامعاتها مدارسها شوارعها دكاكينها كله كله مضربين عنه ... ولكننى حتى الان لا اعرف عن ماذا اضرب مرة يقولك مش تطلع من البيت ومرة يقولك لأ اطلع فى مظاهره فى الحته الفلانيه بالزقازيق .. ومرة يقولك مش تروح تشترى اى حاجة .. انا احترت فا انا اريد ان اوضح ان الداعين لهذا الاضراب لا يعرفون وسائله وايه الوسيله الىل نعمل بيها الاضراب نطلع ولا ما نطلعش نعتصم ولا ما نعتصمش من الساعه كام لكام من يوم ايه ليوم ايه ... وايه الاهداف اللى المفروض هنحققها يا ترى لو عملنا الاضراب هنحقق ايه ...

طيب قولتوا اضراب عشان الغلاء ورغيف العيش والنهب والجشع والفساد والرشوه والمحسوبيه ... هل ترى انك تضمن ان تخرج مع هؤلاء الداعين للاضراب وكلهم حوالى 5 الاف واحد .. ان ما يحصلش حاجة لمؤسسات الدوله وتحافظ عليها ... ما هولازم باردوه ابقى عارف انا هاطلع فى وسط ناس همج ولا عاقلين .. ولا زى ما سمعت من اسكندريه ولا نريد ان اذكر اسماء ان حركة كفايه وبعض الشباب هناك يستعد الان لتزقيل قنابل مولوتوف على قوات الامن المركزى ( يلا ياعم كشفت الخطه ) هل ترى ان ذلك سوف يحقق الاهداف المعلن عنها يا بتوع كفايه ؟

هل ترى ان يوم 6 ابريل سوف يضمن للاخوان المسلمين ان جريدة المصرى اليوم ( العميله ) تطلع وتقول جماعة الاخوان تطلق ميليشاتها على قوات حفظ الامن والسلام ؟ هل نضمن ان تكون هذه الجريده العميلهومزورة للحقائق انها تكتب حاجة محايده .. ولا زى ما عملت فى طلاب الازهر والمحاكمات العسكريه ...

هل تضمن جماعة الاخوان المسلمين ان هذا الاضراب يوجد به اناس غير موثوق بهم ويقومون يتخريب مؤسسات الدوله وهو ما يتنافئ مع مبادئ هذه الجماعه العريقه التى طالت لاكثر من 80 سنه فى الشارع مش كفايه وليدة التلات سنين ...

واريد ان اوضح الى كل شباب كفايه والاشتراكين واليسارين والثوريين والناصرين ان الاخوان فعلوا لمصر اكثر ما تفعلوا انتم وهذه اجابه على كل من يقول ان الاخوان لم يفعلوا شئ لمصر .. بل الاخوان هم احرص الناس على بلدهم .. قولوا لى من الذى اخرج مظاهرات الاصلاح 2005 فى محافظات مصر والتى كانت فى المحافظة الواحده بس ولا تلاتين الف اخوانى ... مييييييين ؟ عملتوها انتوا دى ...

مين اللى اخرج مظاهرات 1 ابريل 2008 فى محافظات مصر عشان الغلاء والمحليات ...

قولوا لى لماذا حولوا خيرت الشاطر واخوانه الاربعين محكمة عسكريه مش عاشان كانوا بيعملوا لمصر ...

قولوا لى كم عدد الاخوان فى مجلس الشعب ولماذا دخلوا المجلس وماذا يقدمون من بيانات احاطه وطلبات عاجله ... مش ده كله لمصر ... مين اللى كشف الفساد فى البلد فى المجلس ... مين اللى وقف قدام قانون الطوارئ واخرجوا الاخوان فى مراكز الجمهوريه 2006 ليقولوا لا للطوارئ مش ده كان عشان مصر ...

وعندما يخرج علينا من يقولوا قولوا كلمة حق فى وجه نظام جائر .. من الذى قال كلمة الحق امام نيابات امن الدوله وامام الرئيس السادات فى عهده ... من الذى وقف وقال كلمة الحق فى المؤتمرات الصحفيه اليسوا الاخوان ...

قولوا لى من الذى اطلق حملة بنحب مصر بجد فى الجامعات اليسوا الاخوان ماذ فعلتم انتم لتقدموا شيئا لمصر ؟

اذن لماذا تقولوا ان الاخوان لم يقدموا شئ لمصر ولماذا ايضا تقتصرون بان نقدم شئ لمصر عن طريق الاضرابات التى لا نعرف اهدافها ولا وسائلها او المظاهرات هل يجب ان نقدم شئ لمصر ان نخرج فى مظاهرات ؟؟؟

وكلمة اخيره اننى مع الاضراب فى حاله ان يكون اضراب وسائله سلميه وليس قنابل ومتفجرات يا بتوع كفايه فى الاسكندريه ها .. ان يكون اضراب لا يضر بمصلحة البلد .. ان يكون اضرب معلوم الوسائل والاهداف ...

واختم بكلمة قالها الدكتور عزت فى حواره على اخوان اون لاين : لأنه اشبه بدعوه دون تحديد مهامها ولا اهدافها وانه لم ينسق اى احد من الداعين للاضراب مع الاخوان فى هذا الشان وايضا لا نعرف النتيجة التى ستؤل اليه

وكما اعلن وقال ان كل فئه ستشارك فى مهنتها زى اذا كانوا لهم مطالب .. مثل عمال المحله شاركوا ولا لأ ... مثل اعتصام مدرسى الجامعات .. اذا كانوا لهم مطالب محدده سيشاركوا فيها ...

و6 ابريل اضراب كفايه والغد والاشتراكين والثورجيه ... مصر فى 6 ابريل هنشوف ...

هناك ٣ تعليقات:

شادي احمد يقول...

مفسي بجد اعبر عن رايي مش عارف الزاي حتي الاخوان مش بشفهم الا في الانتخابات هما مش بيفكرو كويس عنر ما الاتحبابات هتعمل حاجه عشان النظام عنره ميخليكم توصولا ابدا العتقد ان الحل عند الناس انكم تحركهم عشان يتكلموا الناس عيزه تتكلم بس مش اقيه الي ينظمهم

عاشــــــ النقاب ـقــــة"نونو" يقول...

اول زيارة وساتابع
مع حضرتك في كل كلمة قلتها
اللي حصل امبارح دة اسمه شقاوة شعب
تحياتي وتقديري

فليعد للدين مجده يقول...

عاقل يا عمرو