السبت، 16 فبراير، 2008

ما زالوا معتقلين ...

عاجل :
يتم الان نقل المعتقلين الى سجن وادى النطرونا (ليل الاحد) بعد ان قال القضاء كلمته فى حق 12 معتقل من المعتقلين الشرقاويين ... وهيا اخلاء سبيلهم من سرايا النيابه .. ويظهر ان امن الدوله اصبح ينتهك كل القوانين ويعلن انه فوق الكل القضاء والمجلس التشريعى (مجلس شعب ) وانه هيعتقل وهيعمل وهيسوى ومش هيهمه اى حد .. امن الدولة يا جبار ليك يوم فيه تنهار باذن الله .. الحريه للدكتور سيد عبدالحميد واخوه الاستاذ سمير والحريه للدكتور عبدالحميد كامل واخوانه الـ 12 ولا لاختراق القوانين من قبل امن الدوله ... وما زلنا نستمر فى حملتنا ضد انتهاك القوانين والافراج عن المعتقلين ... ونعلنها ان الشرقاويه لا يهابوا الموت ... ولسه عايش
---
استغرب الزوار من عدم نشرى لخبر الافراج عن المعتقلين يوم الجمعه 14\2\2008 وهم حوالى 13 معتقل من الشرقيه والذين اخذوا قرارت افراج واخلاء سبيل من سرايا النيابه ولكن امن الدوله ما زالت تعتقلهم .. ومش عارفين ايه السبب ؟ ... ولماذا تستمر على اعتقالهم طالما ان القضاء والنيابه اعطى لهم افراج ... امال فين الديموكراتيه بأه اللى بينادى بيها بابا حسنى كل يوم الصبح على الاخبار والاهرام والجمهوريه ... ان كنتم قد اعتقلتوهم وبطريقه غير قانونيه اصلا وافرجت عنهم النيابه اذن لماذا ما زلتم تعتقلهوهم ... لماذاااااا ؟

لماذا لم تطلقون سراحهم وتعتقلون غارق العباره ومحتكر الحديد ومهرب الاموال وبتاع الفساد والرشاوى وسارق البلد ووو ... لماذا لا تنفذوا كلام بابا مبارك اللى وجع دماغنا بيه كل يوم الصبح ... هل انتم يا من تسمون بأمن الدوله تخصصتم فى اعتقال الاخوان وامن الكرسى فقط ... لماذا لم تفرجوا عنهم .. لماذااااا يا اصحاب الديموكراتيه باباحسنى ... ديموكراتيه بالمحشى ...
اذن نحيط علم الجميع ان معتقلى الاخوان بالشرقيه لم يصلوا حتى هذه اللحظه الى بيوتهم ... وانهم ما زالوا رهن اعتقال فى سجون وزنازين الكلاب امن الدوله ...

الشرقيه اون لاين تنشر خبر الاخلاء السبيل ... اضغط هنا

اخوان اون لاين تنشر ايضا خبر اخلاء سبيل اخوان الشرقية ... اضغط هنا

----
وفى اطار حملة مدونين الاخوان بالشرقيه للافراج عن معتقلى الاخوان فى الشرقيه
كتبت اختنا سارة بندارى انا محظوره عن معتقلى ابو كبير الدكتور سيد عبد الحميد والاستاذ سمير عبد الحميد هابى فلانتين داى ... هكذا تحتفل امن الدوله على طريقتها .. اقراوا الباقى على انا محظورة ...
----

شرقيه اون لاين تنقل عن لسه عايش الحوار الذى اجريته مع زوجه الدكتور عبد الحميد كامل القيادى الاخوانى بمركز ديرب نجم والمعتقل ضمن مجموعه الـ 12 ... اضغط هنا
----
وانتظروا قريبا ... فيديو لمعتقلين الاخوان بالشرقيه ...

هناك 11 تعليقًا:

انا مش معاهم يقول...

ايه يامعن مش تتصل تقولي ان عمك عبد الحميد خدوه وانا في اسيوط مش عارف حاجه ماش ياعمروا والله زعلان منك لحد ماتتصل

انا مش معاهم يقول...

ايه يامعن مش تتصل تقولي ان عمك عبد الحميد خدوه وانا في اسيوط مش عارف حاجه ماش ياعمروا والله زعلان منك لحد ماتتصل

Abd-Alrahman & NOUR يقول...

يا جماعة ازيكوا انا عبدالرحمن صديق سيف واخ معاكم في التدوين الحر

علي العموم انا يمكن اول مرة ازور مدونتك يا عمرو علي فكرة انا برضة من ديرب معاك والي قالتلي علي مدونتك الاخت سارة بنداري


علي العموم مدونتك هايلة
وبالنسبة لموضوع البوست
انت عارف ان كل ظالم مبيحبش العدل وان كل كافر مبيحبش المسلم
ودي حاجة طبيعية في الطبيعة من اول ماربنا خلقها
والحرب الشعواء علي الاخوان وعلي الاسلام عموما هتفضل قائمة لحد يوم القيامة
والرسول هوة الي اخبرنا بكدة
وما علينا هوة الوقوف في وجه هذا السيل العرم من الفساد
والصبر والتحمل في سبيل تحمل هم الدعوة والاسلام

والمؤمن مبتلي
علي العموم بوستك جميل اوي ومدونتك جميلة جدا جدا

عبدالرحمن

الجمعاوي الاصيل يقول...

وحشني جداً جداً جداً

عمرو سلامة يقول...

ياعم انت موبايلك مسروق اعملك ايه يعنى .. وبعدين تابع مدونتى عالاطول وانت تعرف ... وانا مش معايا رصيد دلوقتى واول ما يبقى معايا رصيد هاتصل بيك عاالطول حاضر على عينى والله ياسيف .. مش تزعل باه يا دكتور .. وربنا معاك

عمرو سلامة يقول...

من ديرب والله ... طيب مش بتقول ليه ياعم ... لما اشوفك بس .. عايزين نتقابل ضرورى ها ... وشكرا جزيلا على ردك واللهم انصر الاسلام والمسلمين .. وثبت هؤلاء على دينك يارب ..

عمرو سلامة يقول...

والله وانت اكتر اكتر اكتر اكتر يا جمعاوى ...

خبيب يقول...

تغطية متميزة يا عمرو

دمت سالما

وحسبنا الله ونعم الوكيل

عمرو سلامة يقول...

اكرمك البارى يا دكتور ... شكرا جزيلا على ردك

صانعة الحرية يقول...

حسبناالله ونعم الوكيل
الا ان نصر الله قريب

appy يقول...

ربنا يفك اسرهم