الأحد، 30 ديسمبر، 2007

سنه جديده .. سنه سعيده وهابى نيو يير


كنت عايز اقول حاجة بمناسبة السنة الجديدة

مش هقول هابي كريسماس عشان محدش يزعل ويقول اننا بنحتفل بأعياد مش بتاعتنا

بس هقول تعالوا نستفيد

تعالوا نفكر احنا عملنا ايه السنة اللى فاتتكسبنا ايه و خسرنا ايه؟

نفسنا نعمل ايه فى سنة جديدة ربنا ادانا فرصة اننا عشنا لحد ما وصلنالها؟

هنغير خطة حياتنا اللى كنا ماشيين بيها لحد دلوقتى؟

لسه في فرصة اننا نبدأ من جديد؟

أي حد مزعلينه هنصالحه، أي حد زعلانين منه هنسامحه

*******

سنة جديدة نبدأها

سنة جديدة مع نية جديدة في الإصلاح ونشر الحب والخير

سنة جديدة نتمنى ان ربنا يعينّا فيها و يكملهالنا بسلام زي كل سنة كانت قبليها بس بإنجازات أكتر من أي سنة غيرها
وعايزين نعمل حاجة كمان

هنتوب ياشباب

تخيلوا لو تبنا بصدق ومحيت كل الذنوب اللى عملناها سواء بقصد او بغفلهاللهم تب علينا وتقبل منا
كل واحد فينا هينفرد بنفسه
حتى لو وسط مليون برضه هتقدر تنفرد بنفسكو

تبدأ تفتكر انت عملت ايه مش صح

وتندم عليهو لو عايز حد يضربك ممكن تضرب نفسك او تستعين بصديق يساعده انه يضربك

و بعد ما تفتكر تفكّر

تفكر انت غيرت ايه من الحاجات السيئة اللى كنت بتعملها

و تحط في دماغك انك لو غيرتها وماتبتش هتفضل مكتوبة

يعني لازم تتوب عشان الكلام دا يتمحي

لان مش هنقدر اننا نقرا صحيفة ذنوبنا قدام الله

لاننا بنحبه اوي و اكيد بنخاف منه اوي اوي

*******

الحمد لله ان لسه فى فرصة اننا نتوب

سبحانك اللهم وبحمدك.. اشهد الا اله الا انت.. استغفرك واتوب اليك

الحمد لله ان لسه فيه فرصه نصلح من نفسنا .. الحمد لله ان لسه فيه فرصه نغير مجتمعنا الحمد لله ان لسه فيه فرصه نأثر فى البيئه اللى حولينا ونغير وننهض بأمتنا للاحسن والافضل ...

هناك 3 تعليقات:

محمد مارو يقول...

كل عام و انت بالف صحه و سعاده
متنساش
تقول الساعه 12 بالظبط لا اله الا الله محمد رسول الله ع شان تكون افتتحت السنه الجديده بكلمه الحق و يا ريت لو نصلى ركعتين لله ع شان كمان نفتتح العام باحي الاعمال

انا مش معاهم يقول...

كل عام وانت بخير ياعمرو
المهم بص انا عايز اعرف ازا ممكن لاي حد يضيف تعليق عندي من غير مايكون عنده مدونه
بسرعه من فضلك اعمله في خطوات ياباشا
تحياتي
سيف الاسلام

جمعاوى روش طحن يقول...

عمى و عمى عيالى

منور يا ريس

يابنى إنت معندكش مذاكرة ؟؟؟؟؟


و بعدين فيينك مش باين يعنى


ع العموم ....كل سنة و إنت طيب

و خد بالك بداية السنة الهجرية الجديدة

قربت