الأحد، ١٥ نوفمبر ٢٠٠٩

بالصور والفيديو .. مصر كورة ليس ذلك او الا

والله باحب مصر اوى .. ومش عميل ولكنها الحقيقه التى اقولها

كوره .. اخترعها الانجليز وليس العرب او المصريين مصنوعة من المطاط ليس ذلك ولا اكثر .. هذه الكرة البسيطه ادخلت السعاده على شفاه وقلوب المصريين المعروف عنهم بالتعاسه بعدما اصابهم الكثير من الهم والفقر والاعتقال والتعذيب فى أقسام الشرطه ..
بداية سيئه لأول موضوع اكتبه بعد ان كنت قد قررت ان اغلق المدونة .. ولكن دعونا نتكلم بصراحة شديدة جدا .. والصراحه دائما تكون غير مريحه لنا بالذات نحن المصريين ..
مصر الكورة .. هكذا اطلقت انا على مصر هذا اللفظ عندما وجدت الشباب المصرى يخرج بعد الماتش يجرى فى الشوارع فرحا ورقصا ويهتف باسم مصر وكأن لا يوجد هناك شئ يفرح هؤلاء الشباب الا الكوره .. وان يجعلهم يهتفو باسم مصر الا الكوره .. هؤلاء الشباب عندما نقول لهم لا تسافر واعمل بمصر بلدك ونميها وطورها يقول لك بنبرة يأس شديده هي مصر دى بلد فيها شغل .. ولا بتأكل عيش ..
اذن لما مصر مش كده هل مصر كورة .. مصر بحضارتها وناسها ومؤساساتها وحروبها وشهداءها وجامعاتها ومدارسها كورة ..
مصر ليست كورة .. بل مصر الاسلام ومصر العروبه ومصر الازهر ومصر زويل ومصر النيل ومصر خير اجناد الأرض .. يجب ان نغير هذا المفهوم داخل عقولنا .. دعونا نبتعد عن الهيافه بعض الشئ .. انا لا اقول ان الكوره هيافه بل شئ جميل ان نعبر عن فرحتنا ولكن ليس بهذه الطريقه ان نجيش الاعلام والغناء لتشجيع مصر فى الكوره .. لماذا لم نجيش الاعلام لتشجيع المصريين على بناء العقول ونهضة البلد ؟
لماذا لا يخرج المصريين فرحا بخروج عالم جديد ياخذ جائزه زويل مثلا .. لماذا نترك العمل بالخارج ونعمل هنا بمصر ..
هل حب مصر فى الكوره ... هل حب مصر فى الاستاد .. هل الوطنية تكمن فى الاغانى ..
لماذا لا نحب مصر عندما نأخذ رشوه مثلا او نسافر للخارج ... شباب اريد ان اكتب كثيرا جدا عن ما رأيته من فرحة غريبه لمصريين اغراب .. من شتائم وهتافات معادية لدولة عربيه اسلاميه .. من معاكسات للفتيات على ان هذا مولد لمصر ويجب ان نعاكس فتياتنا .. من رقص وتعطيل الطرق والمصالح .. من هبل وشعننه مصريه ..
انا فرحان والله ان احنا كسبنا عشان انا مصرى .. لكن حزين لصغر العقل المصرى وفرحه من اجل كوره من المطاط .. يجب ان نكون اكبر من ذلك .. لنا رؤيه وهدف وعقل .. وكالات الانباء كتبت عن فرحة الجماهير المصريه .. لم نرى ابدا وكالات الانباء تكتب عن فرحة الجماهير الاسرائيليه ونزولهم الشارع بحصولهم على المونديال مثلا او الشعب الامريكى .. لانهم لهم هدف اكبر يريدون ان يحققوه ليست كوره هى التى تكون من اولوياتهم ..
على فكره انا فرحان اوى .. ومبسوط جدا .. ويارب نكسب فى الفيصل .. واول موضوع اكتبه اكتبه عن فرحه .. ويارب ديمها فرحه وعزه دايما والف مليون مبروك للمصريين ..
فيديو لفرحة الجماهير المصرية فى الشارع






صور ما بعد وقبل الماتش الرهيب الخطير .. الذى أربك عقول المصريين
































هناك ٨ تعليقات:

راجية الرحمه يقول...

مبروك لكل مصر
كان فرحه حلو اوى امبارح
وعقبال مانفرح تانى يوم الاربع بأذن الله
ومبروك رجعوعك للمدونه

مشخبطاتي يقول...

اعتقدت ان المدونة اتقفلت بجد..
لكن الحمد لله..
ربنا ييسر لك الأمور ويجيب لك قادر ربنا إن شاء الله..

ـــــــــــــــــــــ

وبخصوص التدوينة:

بجد انا اتضايقت جداً من اللي بيحصل في الإعلام..كمية تفاهات رهيييبة..

أيام حرب غزة ماشفناش حاجات زي كده..

وتأكد لي دور الإعلام الرائد..الإعلام محرك رهيب للناس..

تحياتي.

غير معرف يقول...

موضوعك جميل اخى كما اعتدنا منك ربنا يباركلك
صدقا وانا فى الشارع يومها حسيت كده كائن فيه فرح او الاقصى اتحرر مثلا
مش عيب نفرح لبلدنا بالنصر بس العيب اننا نعطى الكوره اكبر من حجمها
جزاكم الله خيرا وييسر الله امركم
ومبروك على استمرار المونه فى العطاء
اختكم ام نضال مصر

المجاهد الصغير يقول...

السلام عليكم
انالما سمعت اغانى الوطنيه تنشد واغانى 6 اكتوبر قلت انهم ريحين يحررو المسجد الاقصى مش ريحين يلعبووووووووو
جزاكم الله خيرا
فقك الله لما يحبه ويرضاه
كل سنه وانتم طيبين

Qatarat Nada يقول...

اولا مبروووووووووووك
ثاينا اتمنيت ان يكون احتجاجى وتضامنى معاك اكبر من تدوينة اتكتبت في مدونتى
وكنت اتمنى اكون واقفة جنبك باي طريقة غير تدوينة
لكن يلا النصيب
ربنا يوفقك ياااااااارب يا عمور
وبالنسبة لمصر والماتش
فانا لغاية اخر جون اكتشفت ان انا كل دة فاكرة ان انا بشجع مصر اتاريني بشجع البرازيل
وبابا يقولى انتى ماتتكلميش معايا انتى من الاعداء
ههههههههههههههههه
جاسوسة على اخر الزمن
فعلا هيافة يا عمور اننا نهتم بجزء صغير وننسى الكبير
لكن ايه ؟؟ دة حالنا
عماااااااااار يا بلدي
حمدا لله ع السلامة
نورت مدونتك مرة تانية
ونورت الريدر عندى
:)

المجاهد الصغير يقول...

السلام عليكم
معظم المدونين الان بيتكلمو عن الكوره والمطش ومصر والجزائر ونسينا ان اليوم اول يوم من ذى الحجه وافتكرنا اكيد ان فى مطش مصر والجزائر فى السودان هو ده غردهم وهدفهم لهونا بالموضا والاغانى والاعلام والمطش وفى الاخر اليهود بيشمتو فينا للاننا هيفين
حسبنا الله ونعم الوكيل
وفقك الله
لا تنسونا ولا تنسو اقصنا من دعائكم

دعاء فتحى يقول...

أولا أسعدنا جدا عودة حضرتك

ثانيا أنا ولله الحمد من الناس اللى ما سمعوش الماتش

بس بجد حاجة تزعل لما علم مصر ما يترفعش غير علشان الكورة

هو فعلا زي ما الشاعر قال
وتعظم في عين الصغير صغارها.. وتصغر في عين العظيم العظائم

أحمد بسام يقول...

تدوينه موفقه و اتضامن معك و حتما سيحاسب المولى من ظلمك و سيعود اليك حقك
دمت بخير وبود وفى امان