الثلاثاء، ٢٦ أغسطس ٢٠٠٨

لسه عايش..


لسة عايش

رغم الفساد والظلم والسجان

لسة عايش

رغم السرقة والتزوير والنهب

والقدر اللى اتكتب ع الشعب

لسة عايش

ربع قرن وفي البلاد الأمن طايش

ولسة عايش

لسة عايش وبكلم نفسى كل يوم

عقلى طار منى من كتر ما شال من الهموم

وعينى ماليها الدمع

ولا شافت في ليلة نوم

لسة عايش على قد حالى

بحارب عشان أجيب رغيف العيش

ولا عمره بيسد جوع

وبشرب من مية الحنفية

وجوايا كبدي مخلوع

وأتعالج في مستشفى الحكومة

ولا عمرها ريحت موجوع على قد حالى وعايز أعيش بالحلال

لكن حرام

كله عليه

تليفون وكهربا للنور ومية

هتجنن!!!

كله حرامية؟؟؟؟!!!

لكن

لسة عايش

الله يهديك يللى في بالي

ضيعت البلد فين

ولا قلت عادي

أهل البلد نايمين؟؟

هو صحيح نايميين؟؟

ولا صاحيين ؟

ولا صاحيين وعاملين نايميين ؟

مش عارف !؟

حكاية طالت وعقدت ولازم يتكتبلها نهاية

كانت غلطة كبيرة

يوم ما ابتدت م البداية

كتير غيري عاشوا الحكاية

لكن ماستحملوهاش

منهم ودعوها

واللى عاش عاش

ومكتوبلى إني أكون

لسة عايش

هناك ٨ تعليقات:

احمد اشرف يقول...

بوست اكتر من رائع
والحمد الله اننا كلنا لسه عايشين
تقبل مرورى الاول
تحـــــــــــــياتى

بذرة امل يقول...

جمييييييييييييلة جدا ياعمرو
مواهب متعددة ما شاء الله
والف مبروك على شهادة الدورة ربنا يوفقك

محمد الشوادفي يقول...

ايه الحلاوة دي ، ومبروك الاضافة في شرقاوي

مدونة حكومتى ملاك يقول...

السلام عليكم,

فعلا لسه عايشين
بس عملنا ايه ؟
ولا حاجة
الحياة بقت من غير معنى
لأننا زى ماحنا
مابنتغيرش ولا حتى بنحاول نغير اللى حوالينا .

تحياتى ,

عمار صبرى .

اصحى يا نايم يقول...

كل ده ولسه عايش ,,هذا يثبت أننا شعب من معادن خاصة مختلف عن بقية شعوب العالم أجمع

مش عارف دى ميزة واللا عيب ,, أياً كان .. ربنا يسترها معانا فى اللى باقى من عمرنا

تلميذة سلمان الفارسى يقول...

أعتقد إن إحنا كمان عايشين مع حضرتك ياأستاذ عمرو
دمت بخير

غاوي حرية يقول...

ايه يا ابني الحلاوة دي ... واحشني يا واد وعايز اشوفك قبل رمضان بس اوعى تقلي مش فاضي وتعملي فيها عبده المهم .. واوعى تقلي انك انت اللي مألف الشعر ده .... بجد كلنا لسه عايشين وغاويين حرية ووقفنا في مهب الريح لجل المولى ما يرضى علينا

محمد ناصر يقول...

بوست جميل فعلا يا عمرو