محمد بيه حلمى ... انا بايع مستقبلى .. ورسالتك وصلتلى ... وهذا هو تاريخك عندما مسكت رئيس مباحث مركز ديرب نجم بالشرقيه
----
الصقر الذى اراد ان يعرف من انا
رئيس مباحث مركز ديرب نجم - محافظة الشرقيه .. محمد حلمىمحمد حلمى ... رئيس مباحث مركز ديرب نجم محافظة الشرقيه ..
منذ زمن وانا اريد ان اكتب عن هذا الرجل .. سواء فى ايجابياته او سلبياته .. ولكنى كنت اتمهل فى الكتابه عنه خاصه ان هناك من قال ان الكتابه عن هؤلاء هو خط احمر لا يجب اختراقه ... ولكنى اردت ان اخترق الخطوط الحمر واكتب ما يجول بخاطرى تجاه هذا الرجل الاسد والمكشر عن انيابه دائما ضد كل من يقف فى عقبه طريق - امن هذا البلد - سواء اخوان او تجار البانجو والصراضير او لا مؤاخذه كل مجرم قاتل فاسد ناهب مرتشى ... اعذرونى ان كنت قد وضعت الاخوان مع مهددين لامن البلد .. لأن هذا ما يحدث بالفعل .. ويحدث فى اى مركز ايضا فى جمهوريه (ليست مملكه ) مصر العربيه ...
ولكن قد يكون هذا المركز فريد من نوعه بعض الشئ فى تعامل هذا الشخص مع الاخوان ... وتعامله مع المجرمين .. فقد جاء هذا الرجل وفرق بين الاثنين .. نعم حسب رؤيتى الخاصه له فانه فرق بينهم ...
تعالوا نتكلم مع تعامله مع المجرمين والقتله والمهربين والمرتشين وباقى الاوصاف التى تطلق على الخارجين عن القانون ...
هذا الرجل مزج بين الشده والعنف (هناك فرق بين الشده والعنف ) لعب لعبة التوازن وقدر على اقصاء بعض تجار المخدرات الصغار .. ولكن ما يحدث يا ساده ان هناك تجارا انتشروا كل الانتشار واصبح اقصائهم صعب جدا .. فا بدا هذا الرجل يتعامل معهم على انهم يبلغوا كل فتره على تاجر ولا حاجة ... يعنى عشان سيادة المقدم يمشى نفسه ... لن انكر ان هذا حدث ايجابى .. ولكن لماذا تخاف سيادة المقدم فى ان تخترق اوكار تجار البانجو والحشيش وانت اول من تعرف اين تباع .. ومن الذى يبيعها وتباع فى العلن .. لماذا فكرت فى ان تتعامل بتوازن القوه معهم وفضلت ان تكون بعيدا عن ما يحدث ما دام الامر مستتر ...
محمد حلمى يتعامل مع تقارير مخبريه ان الكل فوق التمام ولا ينزل ليرى بنفسه ما يحدث ...
واضرب لكم المثال البسيط لذلك .. فهناك صيدليه تبيع الصراصير فى البلده .. وعندما يقوم احد بتقديم اى بلاغ يبعت المخبر .. المخبر يظبط مع صاحب الصيدليه ... سيادة المقدم محمد حلمى يطمن ان الامر تمام وان مقدمين البلاغات دول اولاد ستين فى سبعين ...
تعامل مع كل المجرمين بمبدا .. الباب اللى يجيلك منه الريح سده واستريح ...
مبدا غريب لاحظته مع هذا الرجل خلال نزولى الى الشارع واحتكاكى مع الناس عندما سالتهم عن هذا الرجل ... قالوا لى انه يتعامل من باب سده واستريح ...
ايضا لن انكر ان هذا الرجل كان له دور كبير فى مقطع الفيديو الذى صورته عن تهريب الدقيق .. والذى جاء بقوته وواجهم بما هو مكتوب وبالتهريب الحاصل ...
---
اما مع الاخوان والمعارضين فهو محترم جدا جدا جدا ... مقارنه برؤساء مباحث المراكز الاخرى .. فهو يسمع كلام مخبر امن الدوله .. يصطحب القوه ويتعامل مع من يعتقله من الاخوان بكل احترام غيرا عن سابقيه فقد شهد له الكثير من اهالى المعتقلين اثناء اجراى حواراتى معهم انه كان يعاملهم باحترام شديد جدا .. وهذه نقطه تتحسب له فى تاريخه
ايضا يتعامل بمبدا الصفقات والاتفاقات مع الاخوان فى صلوات العيد وغيره من النشاطات ... فيحاول الاخوان ان يكونوا مرنين معه بكل السبل .. وايضا يتعامل مع قيادات وكوادر الاخوان فى المركز بكل احترام وتقدير ...
ولن ننكر له ذلك ...
---
محمد حلمى .. رجل له الكثير من العلاقات مع وجهاء البلد والقيادات الشعبيه ... وايضا شهد له صحفى من صحف المعاضه - عادل الشاعر - بكل احترام وتقدير وانه متفاهم جدا ... اذن ليس له اى مشكله مع اى من اهل البلد ...
ولكن كما قولنا ان مشكلته كلها تكمن فى كيفيه مقاومه الخارجين عن القانون
---
والان جئت للسؤال الاخير .. لماذا كتبت هذا الموضوع ؟
كتبت هذا الموضوع بعد ان عرفت انه سال عليا احد كوادر الحزب الوطنى - والذى انا على علاقة قويه به - وهو يعتبر صاحب البيت الذى اسكن فيه ... وقال له هل لديكم احد يسمى بعمرو سلامة .. قال اه وبدا فى ان ياخذ ويدى معاه .. مين اللى بيجيله كتير .. مين اللى بيقعد معاه .. وواخد نت من مين ... وهل له علاقة بالاخوان ... وماذا تعرف عن والده ...؟
وبعدها بيومين اتصل احمد عابدين مرشد امن الدوله أو عصفور امن الدوله بالمركز بصاحب البيت مره اخرى وساله عليا وكرر نفس الاسئله
وبلغ له رساله يبلغهالى ولكن بطريقه غير مباشرة .. اعذرونى عن عدم ذكرها ...
ولكن ساذكرها فى وقت لاحق
انا اكتب هذا الموضوع وانا متيقن يقين اليقين انه من متابعى هذه المدونة ... وانه وضعنى فى دماغه ...لكن انا مين يعنى عشان يحطنى فى دماغى انا بشر عادى جدا لى راى وفكرى ولى ضميرا يقول لأ لكل من هو ظالم ..
محمد بيه .. مش تزعل ان قلت لك اننى لن اتبع ما قلته فى رسالتك لصاحب البيت .. ولكنى ساسير على ما انا اسير عليه ... طريق الحق
ومش خايف على مستقبلى (بالفم المليان .. انا بايعه )
سلامو عليكم
هناك ٨ تعليقات:
بس انا مصرة ومصممة اعرف بقا الرساله
بس اعتبر فهمتها من المعنى الاخير
عاوزة اشكرك على شجاعتك
صح لسانك وصحت فعلتك هذه معه
وهذا ما نتوقعه منك وما عرفناه عنك مع هؤلاء الاشخاص
بارك الله فيك وحماك منهم ونصرك و حصنك بملائكته
ورفع من قدرك وشأنك وجعل منزلتك الفردوس واجزاك على عملك فى ميزان حسناتك
بس برده مصره اعرف الرساله
لا انت خايف علي مستقبلك ومش بايعه
انت بس نذرته بين يدي الله
ربنا يكرمك ويثبتك بجد
الظابط ده شكله عليه غضب ربنا اصلا
ربنا يقدرك علي الناس دي
ويثبتك في الدعوه
ربح البيع باذن الله
ربنا يبارك لك ويحفظك
وليعلم هو وغيره ومن هم على شاكلته
من ان دولة الظلم ساعة
وحسبنا الله ونعم الوكيل
دعواتي وابتهالاتي ان يحفظك رب العالمين ويرد كيدهم في نحرهم يارب العالمين
بص يا سيدي ..
بدون أي جورح و علي الملأ
أحب أقول ليك
اولا ربنا يعينك و يثبتك
ثانينا أعتقد ان فية أولويات للعمل بتاعك ,, اة أحنا بنحب مصر , اة نتكلم , اة نفضح
بس انت بالشكل دة أكيد حتعمل مصايب
و الشاطر هو اللي تحسب لة كل أعمالة أمام الله فقط لكن متحولش تحول نفسك لبطل شعبي لأني أعتقد ان دة محتاج واحد عندة ثوابت أكتر و ايمانوا أقوا منك
انا مش بحبطك
ربنا يعينك و صدقني
انا زي أخوك الصغير مش أكتر
و انا مش حابب تشوف اللي انا شوفتوا
بجد
اللي احنا بنسمع عنة حاجة
و اللي موجود جوة
حاجة تانية خااااااالص
صدقني
تاني حاجة انا عاوز أعرف
انت شوية أخوان و شوية حركة كفاية و شوية حزب العمل انت اية بقا حكايتك
ممكن أعرف أنتمائك السياسي لـ اية ؟؟
و ربنا يعينك
و أوعي تزعل مني ,, بجد سوري
كان الله في عون الكل
ويريت تشوف مدونتي عملت فيها اية
و تشوف بقا ... صنعتك
سلاموز
عمور حبيب قلبى
ربنا يباركلك يارب ويكون هذا العمل فى ميزان حسناتك
واعلم ان ماهو مكتوب لك هيحصلك معتقل او حياة سعيدة او كذا او كذا هو من قدر الله لامن قدر احد ربنا يعزك يارب والى الامام دائما
حماك الله
ربنا يثبتك ياأخ عمرو
وان شاء الله يربح البيع
بوست جامد جدا
كالعاده
والحق صوته هيبقى دايما عالى
ربنا معاك
السلام عليك حبيبي
بداية ما تسمعش كلام "أحمد الكجول"علني كده وبالمفتشر...وأنا حاسس إنه تبع الراجل المكشر ده وهو واخده مطية
إحنا أخدنا طريق وعاهدنا عهد ولا تتلكأ ولو هنيهة يالموت يالموت وكده كده ميت ...فجرب مرة تموت على كيفك
إرسال تعليق