الاثنين، ١١ أغسطس ٢٠٠٨

بالصور .. تخاذل مصر حكومة وشعب .. تجاه مليون ونصف المليون فلسطينى

أين العرب ... طب بصوا عشان العرب دى كبيره اوى هأختزلها فى الشعب اللى انا بانتمى اليه ... اين شعب مصر ... ولا باقول كتير اوى شعب مصر ده .. خليها اين شباب مصر .... لا لا لا كبيره اوى الشباب ... هنخلي الحمل على الريس والحكومة طالما انت مش عايز تشتغل يبقى فيه حاجة بتمثلك قدام العالم ... اين افاااكوا مصر العظماء ... اين منافقى مصر فى مجلس الشعب .. اين بغبغانات مصر الذين يتحدثون عن افضالهم تجاه شعب اعزل - اختار الاسلام حكومة - ... اين الحقل احمد ابو الغيط الذى قابل الوفود الاوروبيه والاجنبيه صبيحه يوم الاحد لمناقشه فتح المعبر ... اين صوتكم يا شعب مصر ... يظهر ان صوتكم اتنبح طب بلاش الصوت .. طب اين ؟ ... انا زهقت من كلمة اين وفين ومشتقاتها ...
اين الحمار عندما ينطق ابنه عايز اكل

لن الوم الشعب المصرى لأنه لم يتحرك على لنصرة اخوانه فى غزه فى مثل هذه الوقفه وذلك لاسباب عده منها :
1- الدعوه لم تكن بالشكل المناسب
2- الشعب المصرى اغلبه عايز ياكل عيش
3- دلوقتى الغلا طحن الناس .. فا لازم يشقوا ويتعبوا ويبعدوا عن السياسه
4- دماغك وفكك ...
5- الخوف والجبن
بس خلاص
---
وقفة احتجاجيه كانت امام وزارة الخارجيه كانت حوالى 20 فرد من تجمعات عده استطيع ان اعدهم لك على يدى وافنطهم واحد واحد
- عمل
- كفايه
- يسار
- اخوان وكانوا خمس انفار ..
المهم انها كانت وقفه مش هنقول كانت وحشه لكن كنا نتمنى ان ننتصر لاخوانا الفلسطينين باكثر من هذا العدد ... كنا نتمنى ان نرفع راس مصر عندما تطالب بالدواء للفلسطنين .. كنا نتمنى ان نعاملهم حتى معاملة السجناء نعطيهم الطعام والدواء .. كنا نتمنى ان نقدم الكثير لهؤلاء ولكن كان السور هو الفيصل ... كان الاسمنت والطوب والسلك الشائك هو الحد الذى وضع بيننا وبينهم .. كانت اللواءات وعساكر الامن المركز والقوات الخاصه تمنعنا من ذلك ... كلبشوا كل من فكر فى اخوانه هناك ... وضعوه فى الاقفاص كالكلاب ذلونا ... حتى لا نتخلى عن فكرة تحرير الاقصى ...
ولكننا رغم كل هذه القيود ... وقفنا هذه الوقفه لنعلن بلافتتنا الورقيه امام دخول الوفود الاوروبيه الى وزارة الخارجيه اننا ضد حصار الانسان ... اننا ضد حصار السجناء ... اننا نريد ان نعاملهم معامة اليهود
ناتي لصور الوقفه ونعتذر للاخوه الفلسطينين اننا لم نكون نمثلكم بالعدد المطلوب انتم وقفتم عشرة الاف ونحن وقفنا 20 ... اقدم اسفى الى كل من اعرفهم من فلسطين .. محمد - حمزه - عزه - مجاهد - اسلام - ابو عتيبه .... كل من اعرفه ولم اذكر اسمه سامحونا لظروفنا ... سامحونا ... اننا نريد ان نساعدكم وبنية صادقه ولكن هناك المتسلط الذى يسلط على هذا الشعب الجبار (المصرى ) .


عمرو سلامة ..













----

التغطيه على مواقع اخرى ..

وقفة احتجاجية أمام "الخارجية" المصرية لفك الحصار عن غزة .. على اخوان اون لاين

وقفة احتجاجية أمام وزارة الخارجية المصرية للمطالبة بفتح معبر رفح يشارك بها عشرين مصريا فقط من أصل 80مليون مصرى !! ... مدونة نيوز فلسطين

على الشبكة الفلسطينيه للحوار .. اليس من العيب ياشعب مصر ان يشارك 20فرد فقط فى وقفة للتضامن مع غزة:لم يكون هذا الأمل

على موقع حزب العمل ..
وقفة أمام وزارة الخارجية للمطالبة بفتح معبر رفح
مجدى حسين يلتقى مساعد وزير الخارجية فماذا دار فى اللقاء ؟

فى جريدة البديل ... مظاهرة أمام «الخارجية» للمطالبة بفتح معبر رفح.. و «حماس» تنهي اعتصامها أمام المعبر

فى جريدة المصرى اليوم .. وقفة احتجاجية أمام وزارة الخارجية في «اليوم العالمي لفتح معبر رفح وفك الحصار عن غزة»

هناك ١٢ تعليقًا:

غير معرف يقول...

when will you go online?

غير معرف يقول...

Nice blog. Thats all.

عاشــــــ النقاب ـقــــة"نونو" يقول...

للاسف الاعلام والفضائيات لم تغطي شيء
فعلا بيشغلونا
حسبي الله ونعم الوكيل
هم محاصرين بعزتهم
واحنا محاصرين وفيذل وخزي
ربنا لا تؤاخذنا بمافعل السفهاء منا

رشَاش وفٌل يقول...

20 اليوم ، غدا 200 وبعد غد ألفين
لا تستلموا ولا تحقروا من المعروف شيئا
بارك الله فيكم يا أهل الكنانة
بهذا الصبر تحقق الأمنيات إن شاء الله ،،

walaa rizk يقول...

اعلق أقول آيه

والله احنا قمه التحاذل
أنا أضعف من انى اقول كلمه

ربنا يفك أسرهم

ويفك أسرنا

عشان خلاص

لاتعليق

جهاد خالد يقول...

مع انه موقف مخزي

لكن احب اقول لحضرتك ان رغم الخوف وتكبير الدماغ واكل العيش
كان ممكن يكون في عدد اكبر من كدا
بس الوقفة فعلا ما اعلنش عنها بشكل كويس

يعني هتلاقي كتير جدا ميعرفوش اصلا
غير الناس الي عرفت متاخر وحاجة زي كدا بالنسبة ليهم محتاجة ترتيب قبلها

الصورة مش ضلمة اوي

وعلى راي رشاش وفل

العدد هيزيد هيزيد

مش هيخليه كدا

تفاءل وان شاء الله هنفوق

جبهة التهييس الشعبية يقول...

بس بقى حرام هو الشعب المصري ده ايه جبل؟
مش كفاية اللي هو فيه؟

متحابين فى الله يقول...

لا اله الا الله
والله معظم الناس معرفتش غير بعدها

واللهم فك اسرهم ودمر اعدائهم واعدائنا

وبارك الله فى كل من ساهم فى هذه الوقفة
بس اسمحليى اقول حاجة للاخ صاحب جبهة التهيس الشعبية
هو دة اللى مخلينا متاخرين دايما .. ومش قادرين نحرر الاقصى ..بس احب اقول لحضرتك لو مفكرش الشعب المصرى فى قضية فلسطين يبقى الدور هيجى عليه ...واقدم التعازى فى العروبة

بذرة امل يقول...

كان نفسى اكون معاكم
بس يالا مش فى نصيب
بص انا شايفة ان الموضوع ما خدش الدعاي

نـارا يقول...

تخاذل الحكومة من سنين ..!

ذل

وتقصير ..

ونفاق

وانتظروا المزيد منهم ..

تلميذة سلمان الفارسى يقول...

حقيقة لم أعرف الا بعد الوقفه
أثابكم الله
كنت اتمنى ايضا لو كان العدد اكبر
لكن هذا لا يقلل من حجم هذا العمل
اللهم فك اسر اخواننا فى فلسطين وثبت اقدامهم ومكنهم ويسر لهم امرهم
جزاك الله خيرا استاذ عمرو

الكاتب احمد كاجوال يقول...

بكل أحترام أحب أن أقول

القرع دائما يمتد للخارج

أتعجب من مصريين يعتصمون لفتح معبر رفح ويطنشون ولا يهتمون بفتح باب العمل لأبنائهم المصريين في بلدهم مصر المحروسة الجميلة جداااااا

الذين تخرجوا في الجامعات المصرية بتخصصات نادرة ويحتاجها الوطن ربنا يسامحكم يا نشطاء القرع

دة مجرد رأي ,, وبس