الأحد، ٢٩ يونيو ٢٠٠٨

من انفاق رفح الى غزه .. ننشر لكم صور حصريه

عندما اعدت العده من قبل العدوالصهيونى لحث الرئيس المصرى على اغلاق الانفاق الموجوده بين رفح وغزه ... واعدت العدة بتجهيز كاميرات على حدود معبر رفح ... حتى انهم اقاموا بتدريب فرقه من الجيش المصرى على اكتشاف الانفاق فى ولايه امريكيه تسمى بتكساس ... والعجب العجاب ان المصرين يوافقون ويقبلون التنازل ويريدون حصار غزه ويطيعون ويسمعون الكلام حتى لا يعيش الغزيون بل يموتو جوعا وموتا بسبب اخوانهم العرب الذين يمنعون عنهم الاكل بتحريض من ابناء القرده والخنازير ..
ان الرئيس مبارك صاحب مقوله " سيب الفلسطينين يالكوا مادام مش ليهم ضرر على البلد " هو ايضا صاحب قرار هدم كل الانفاق التى تبعث بالماكل والمشرب الى غزه هو صاحب قرار بيع الغاز لاسرائيل وبيعه عن غزه .. هو صاحب قرار التكبيع " الكويز " مع اسرائيل هو صاحب اتفاقيات الجزر والسلام والخيار مع اسرائيل .. هو المساعد الاول لليهود فى حصارهم على غزه ... نعم مبارك هو المسؤل امام ربه عن مليون ونصف المليون يعيشون فى غزه زائد انه مسؤل عن 77 مليون من الشعب المصرى يعنى لو اتحاسب على نفر نفر كده بالصلاة على النبى فيها جهنم وبئس السعير " لا احكم على احد جهنم ام جنه بل هو من الممكن ان يكون افضل منى ومنك عند ربه وربى " ولكن هذا الموجود امام اعيننا قتل مباشر لاطفال غزه لدرجه ان لبن نيدوا انتهى من اسواق غزه واخذوا يهربوا عن طريق الانفاق التى هدمها مبارك ... انهم اطفال يا سيادة الرئيس ... لماذا تمنع اللبن عنهم .. لماذا تمنع االاكل والغاز عن اخوانك العرب فى غزه ...
لم اجد تفسير لهذه المؤامرات العربيه تجاه شعب اختار الاتجاه الاسلامى ليكون قائده فى حربه الشرسه ضد اليهود ... مخى مهبول مش قادر يفهم ان مبارك العربى بيحارب الفلسطينى العربى ... طيب يا جماعه تيجى ازاى دى اه يهودى يحارب عربى اه لكن عربى يحارب عربى ... حاجة اخر ذل وانكسار وضعف وهوان وشده
طبعا هوه مش إنفراد ولا حاجة بس يمكن صور تنشر لأول مره عن تهريب أخطر سلاح علي وجه الأرض إلي قطاع غزة
سلاح فتاك يهدد أمن مصر القومي
وأنا إذ أنشر تلك الصور اليوم لأدلل علي مدي الخطر الذي يهدد مصر في حاله فتح معبر رفح العنصري
وطبعا هنشر مواصفات السلاح الأول والجهه المهربه
نوع السلاح : لبن نيدو للأطفال من سن 6 شهور حتي 3 سنوات
الجهه المهربه : أهل غزة
الجهه المستعملة للسلاح : أطفال غزة
الماده المفجرة المستعملة في السلاح : نووي
الجهه الوارده المصنعه للسلاح : إيران
شحنه السلاح الخطير ( نيدو لبن الاطفال تنزل الى النفق )
يطمئن المجاهد انها نيدو لاطفال غزه
يخلوها النفق
يحملوها سوا طوال هذا الطريق الطويل
هيلا هوبا
اللهم صبرنا على حصارنا
فيه خطوط تليفون فى السكه .. احنا وصلنا غزه اهوه استنونا

وها هم قد وصل المجاهدين غزه

انها لبن نيدو لاطفال غزه وليس السلاح كما تدعون يا عرب ... يللى شاركتم العدو فى الحصار علينا .. لعنه الله عليكم

هناك ١٤ تعليقًا:

غير معرف يقول...

muslema_99

لا حول ولا قوة الا بالله
حسبنا الله ونعم الوكيل
لن اقول غيرها لمن أراد الحصار لآخواننا فى غزه

eman alaa eldin يقول...

لا حول ولا قوة الا بالله
والله انا عايزة اعرف ازاى يكون عربى ومسلم كمان ويمنع الاكل عن اطفال
اللهم ارينا فيه ايه كما ارتنا فى من قبله
منتظرين حاكم عربى يكون مثل صلاح الدين ولا يهاب اهل القردة والخنازير
واطفال غزة لهم الله ..والله اكبر من اى معتدى اثيم

جمعاوى يقول...

حسبنا الله و نعم الوكيل


هم دول الحكام العرب


لعنهم الله

رحـــــال يقول...

انا لله وانا اليه راجعون ..

لهم الله اهلنا في غزة ..

وعليهم من الله مايستحقوا حكام العرب ..

حسبنا الله نعم الوكيل ..

هيثم الغيتاوي يقول...

منتهى الاستخفاف بعقول الناس؟
!!!!!!!!!!
بنلعن فى ام الحكومة والحام لانهم بيعملو حاجات لا يقبلها عقل
وبيروجو لحاجات ساذجه ومبررات هبله فى جرايد الحكومه
ونيجى النهارده نبقى اهبل واتفه منهم
اى منطق هذا؟
هل يقتنع اطفال الكارتون بمثل هذا المبرر؟
حد عاقل يعمل كل الانفاق دى والتليفونات والوصلات
عشان لبن؟
او اكل
او اى شىء مهم فقط؟
استحاله يا استاذ ياعاقل
احنا فعلا بنهرب سلاح
وكلن لازن نملك الشجاعه عشان نقول ده وندافع عنه بنفس السلاح
بدل مانحاول نستعطف قلوب كلاب ولاد كلاب ان كانو هما ولا حكانا اندل من بعض
لكن ارجوكم كفايه افتراض السذاجه فى الناس
وتروجو مبررات لا يعقلها اطفال
قولو الحقيقه ودافعو عنها
افضل
بلاش نغلط غلططتهم
زى الجماعه بتوع الشات اللى بينقلو بينهم وبين بعض
كلام ساذج واهبل
من تاليف شخص واحد
ويبدأ الكل ينقله بدون وعى
ولا سؤال عن المصدر
واحد يقولك .. المقاطعه جابت نتيجة فى 3 ايام بس خسرناهم 105 تريليون وبيليون وكل الاون اللى فالدنيا
شاركونا عشان نوصل بالمبلغ لكام تريليون كمان
كلام حلو وميل هدفه تحميس الناس
لكن بلاش نقول ارقام هبله ملهاش مصدر ل
لان ده معناه الشك فى المصدر فيما بعد
حتى لو قال حقيقه موثقه=================
يمكن اكون شايف القصه كلها من زاويتى كصحفى
لان حساااسيه شغلنا بتفرض علينا احترام المصدر
قبل السعى لاسبقية النشر
ايه هيفيدنى لو سبقت فى نشر خبر مشكوك فى نصه
مقابل التانى وصولا للدقه والثقه بينى وبينى القارىء بتاعى اللى هيثق فيا دايما
لانه عارف انى
رخم رخم رخم فى التاكد من مصدرى وتوثيقه
انا بالمناسبه وصلت لدرجة محرر ديسك مركزى بجرنال معارض
لكن دلوقتى انا محرر بقسم البورصة بجرنال اقتصاد يومى
عرفت النهاردة اكتر واكتر
الفرق الرهيب بين الاتنين
بين الاعتماد على نصف خبر
والتهييج عليه وتزويدة بالشطه والليمون من اجل مصمصة الشفايف ياعينى
وبين التاكد من الخبر بالرقم وبالشرطة وبالفصله لان الرقم اللى هكتبه
هيرفع اسهم ويخرب بيت ام سندات
==================
صدعتك
لكن انا بكلم اخ اصغر
اتمنى انه يزرع دى جواه
قبل ما ياخده تيار
الشطه واللمون
والمبررات الغير منطقيه
-------------
وآسف لو كنت اتعصبت فى كلامى
اعذرنى
لان ايميلات كتير ورسايل ع الشات بترفزنى
من كتر ما بحس ان الناس مش مستوعبه اللى بتقراه او بتسمعه
ولا بيتعبو نفسهم حتى فى تحكيم المنطق على المقروء والمسموع
وهو ده اللى مودينا فى داهيه
ههههههههههههههه
------------------
فرصه سعيدة
والسلام عليكم ورحمة الله وبركاته
-------------
هيثم الغيتاوى

عاشــــــ النقاب ـقــــة"نونو" يقول...

السلام عليكم
معلش هقول كلمة للاخ اللي قبلي
ولنفترض انهم بيهربوا سلاح
تقدر تقولي امال هيعملوا ايه
هيفضلوا يحاربوا بالنبل والجارة لحد امتى
احنا وخذلناهم وخلصت
احنا وبقينا في مزبلة التاريخ
فالحين بس نروج لانهم بيهربوا سلاح وما طلعش واحد يقول حقهم مادام مش نافع يشتروه ولا الدول تساعدهم ادام الغول الاسرائيلي عمالين يحاربوا ويعملوا صواريخ بمب ويفلفصوا للنهاية اهو
والانفاق دي اتعملت يمكن علشان تهريب السلاح زي حضرتك ما بتقول انما دلوقتي فيه عيال بتموت من الجوع اصلا
وادامهم علبة لبن ولا بمب لصاروخ طبيعي هيدخلوا علبة اللبن
ربنا يرحمهم ويرحمنا من الخيبة والهبل اللي احنا فيه شعوب عربية كلها
تحياتي لك يا عمرو

مصعب رجب يقول...

عمور حبيب قلبي :

أولا : مبروك الأجازة

ثانيا : ممكن أسأل عن مصدر الصور والخبر ؟

ثالثا : أنا تقريبا متفق مع الأخ هيثم في معظم اللى قاله مع اعتراضي على الاسلوب .

جزاكم الله خيرا
والسلام عليكم ورحمة الله وبركاته

ابو صهيب ( الجمعاوي الاصيل)سابقاً يقول...

السلام عليكم ورحمة الله

عمرو باشا اللي بايعنا

وحشني كتير والله

المهم ربنا يكون في عون المجاهدين

وجهد طيب بارك الله فيك

بذرة امل يقول...

مجهود رائع اللى بتقوم بيه ياعمر
لو تتاح امامك الفرصة هتكون باذن الله صحفى شاطر جدا

زمرده يقول...

بغض النظر عن موضوع الصور
وتهريب النيدو او السلاح
الامر اكبر من مجرد جدل حول صور
اصلا ما اعتقد ان الصور تقدم ولا تأخر
في هذه القضيه بالذات ..
لو كان في ذرة انسانيه في هذا العالم
كان تحرك يوم قتل الطفله ايمان
او يوم استشهاد فارس " مجرد طفل"
او يوم تمزيق جسد الدره
لو على الصور ففى صور كثير
ولكن المصيبه اكبر من مجرد صور

وما اقول الا انه لغزة
ولأطفال غزة .. رب اسمه العزيز الجبار
والله المستعان

alqassam يقول...

هناك افعال يخجل منها اللصوص والخونه ويقومون بها سرا خوفا على كرامتهم ولكن الذى يذهلك فى حكام العرب عار العرب هو خلع كل الاقنعه عن وجهه وممارسة كل ماهو مهين لنا ولكرامتنا علانيه بدون اى مراعاه لااى شى ...بوست مهين ويشعرنا بالعجز ...تحياتى ليك عمرو

غير معرف يقول...

دعوة لحضور المناقشة المفتوحة لمدوني الشرقية عبر غرفة شرقاوي اون لاين علي البالتوك ، سيدير حلقة النقاش الاستاذ الدكتور إيهاب إبراهيم استاذ المسالك بكلية الطب وصاحب مدونة فليعد للدين مجده ، وذلك في تمام العاشرة مساء يوم الجمعة 4 يوليو والدعوة لمناقشة موضوعات المدونين المختلفة .
اقرأ المزيد علي شرقاوي أون لاين
http://www.sharkawyonline.com/Articalshow.asp?NewsID=2223&Categories_ID=17

العسكري عتريس يقول...

دعوة لحضور المناقشة المفتوحة لمدوني الشرقية عبر غرفة شرقاوي اون لاين علي البالتوك ، سيدير حلقة النقاش الاستاذ الدكتور إيهاب إبراهيم استاذ المسالك بكلية الطب وصاحب مدونة فليعد للدين مجده ، وذلك في تمام العاشرة مساء يوم الجمعة 4 يوليو والدعوة لمناقشة موضوعات المدونين المختلفة .
اقرأ المزيد علي شرقاوي أون لاين
http://www.sharkawyonline.com/Articalshow.asp?NewsID=2223&Categories_ID=17

حسن حنفى يقول...

كلام جميل وكان سيصبح اجمل بدون ان تلعن
تقبل مروري