من النتائج المترتبه على الحرامى الكبير فى مصر ظهور حرامى اصغر ... هكذا استنتجت المعادله التى تكاد صعبه فى الفهم والمعنى ايضا ..
نعم فالحرامى الكبير يتمثل فى وزراء مصر ومحتكريها ورؤساء اداراتها .. كلنا يعرف من هو الحرامى الذى نهب البلد واخفى الاموال المنهوبه فى سويسرا وفى بنوك الغرب ... وكلنا يعرف من الذى يقوم باخذ الرشوة سواء فى ادارات المرور او فى مصالح او مؤسسات مصر .. وكلنا يعرف من هو الذى يبيع اراضى مصر بابخس الاثمان لكى يعمل بيزنس من وراه ... كلنا يعرف من الذى يذل الشعب المصرى ويضعه تحت طائلة جزمه النظام .... نعم كلنا يعرف عز وعباس ومتراس وابو قرعه وبشعر ودلدول امه وغيره كتير ... كلنا يعرف ان نائب بلدته فى مجلس الشعب حرامى درجه اولى ... كل بقى حرامى فى حرامى ...
ولكن المعادلة التى اتحدث عنها حدثت لى من قبل ايام قلائل صغيره جدا ...
وهيا انى قابلت صاحب المخبز الذى صورت له تهريب الدقيق وجه لوجه وكان هذا اول لقاء بينى وبينه (غضا عن ما حدث فى اللقاء ) فانه قال لى جمله لم اكن اتوقعها قالى تعالى اقعد معايا يوم واحد فى المخبز بس وانت تشوف بتوع التموين ... لازم ياخدوا فلوس عشان مش يكتبوا عليا غرامه ويقفلولى المخبز .. اديهم انا منين ... اللى باكسبه بالحلال بياخدوه زائد انى عندى 30 عامل شغالين ياكلوا منين لو انا وزعت الفلوس على بتوع التموين .. لازم اعمل كده ... لازم ابيع دقيق .. رئيس التموين بياخد ومساعديه والحاشيه والله حاشيه ... اصرف عليهم منين وادى فلوس الخبازين واكسب انا منين ... اذن فرئيس التموين ( الكبير ) يأخذ امولا لكى لا يهدده باغلاق مخبزه ...
اذن المشكله التى ادت الى الحرامى الصغير ان يفعل ذلك هو رؤساؤه فى العمل خلوه يعمل كده واحوجوه على كده ...
واذا نظرنا بمنظار عام على منظر البلد سنجد ان مصالح مصر كلها بتسرق وبتتسرق ... سنجد ان كل الكبير يسرق والصغير واللى اصغر من الصغير ...
وبعد سنوات نجد انفسنا محاطين بنهب فى ثروات البلد ومقدراتها .. نجد انفسنا غير قادرين على امساك الزمام لا بالصغير والكبير ...
اريد ان اضعكم فى الصوره .. واسال بعض الاسئله ..
اذا لم يسرق الصغير من اين ياكل والكبير عايز رشوه ..
لماذا يسرق الكبير هل هيا قلة تربيه وقلة اصل .. ام قله فى المرتب ..
غش فى الامتحانات .. وفساد فى الوزارات .. وحتى المراقبه على مقدرات الشعب اصبحت ضائعه وبتاخد فلوس على اللى بتراقب عليه ...
ايها الناس افيقوا من غفلتكم واعلنوها ثورة .. افيقوا ما بداخلكم من ضمير استيقظوا وكونوا مرصادا ضد الغش والسرق والنهب ..
لن نجد مصر بعد قليل ... اذا استمررنا على هذا الحال .. من نعم وحاضر وموافق وطيب وخد ومش تجيب ... قولوا مرة لأ ... لازم الفساد يقف .. لازم النهب يقف .. لازم فلوس البلد ترجع لشعبها .. لازم ولازم وضرورى ... افيقوا يا شباب مصر ( مش شباب الحزب الوطنى ) .. باقول شباب مصر
* ملحوظه : هذا لا يعد تراجعا منى على ما صورته فى قضيه سرقه الدقيق وتهريبه .. ولكنى اضرب لكم مثلا وهذا هو اقرب مثال لى ولكم ... ونحيطكم علما انا لا بتخوفنى اى حركة ارهاب ولا اى حركة سلم وتفاوض معايا .. انا لما باسلك طريق باسلكه صح وباخلصه للنهايه ...
والى كل واحد مفكر نفسه انى خفت وتراجعت عشان شلت الصور اللى فوق فا ده ابدا لأ ولن يكون انا شلتها عشان مساحه الموقع وزودت المواضيع تحت ...
وايضا انبه ان مثال الغش فى االامتحانات ايضا ينطبق عليه هذا الموضوع ... فا هذا سبب فى ضياع مصر من غش للمعلومه وتسريب الامتحان وبيطلع ناس فشله تسرق وتنهب ..
هناك ٦ تعليقات:
لما نشوف الظلم بعينا
لما تتسرق حقوقنا
وضيع بلادنا
وينهبوا حرياتنا
وساعتها نذيح الكبير بادنا من مكانه وشغلته اللى مكنتش له اصلا
لما نقول لأ ...الصغير هياكل والكبير ربنا هيهديه او ياخده
اقولها وارددها لأ ولكن لا حياة لمن تنادى
لاأجد كلام غير المثل المشهور ..
اذا كان رب البيت بالدف ضاربٌ .....
لكن لانلوم فقط على كبار الحرامية فهؤلاء الصغار لو ثبتوا واعلموا ان الرزق بيد الله ولا يخافوا فى الله لومة لائم . ماتجرأ عليهم أحد وطلب منهم اموالاً مقابل تركهم يعيشون فى امان ..
الموضوع محتاج ترسيخ ايمان فى القلوب من جديد ..
الموضوع محتاج فضح للكبار من غير خوف .
الموضوع محتاج مواجهة رجال يثبتوا امام هؤلاء الشرذمة ..
هانت ..
إيه المدونات الرهيبة دى إيه ياعم الشغل ده أرجو زيارة مدونتىhttp://ommee.blogspot.com
تحضرني الآن بعد أبيات القرضاوي
عاد المروق مجاهرا ما عاد يخشى الافتضاح
نفقت هنا سوق النفاق تروج الزور الصراح
فيها يباع الفسق تحت اسم الفنون والانفتاح
وترى الفساد يصول جهرا في الغدو وفي الرواح
من كل أكذب من مسيلمة, وأفجر من سجاح
وجد الحصون بغير حراس, لها فغدا وراح
ومضى يعربد, لا يبالي, في حمانا المستباح
وتعالت الأصوات تدعو للفجور وللسفاح
مسعورة, إن رحت تزجرها تمادت في النباح
ما من (أبي بكر) يؤدبهم ويكبح من جماح
ويعيدهم لحظيرة الإيمان قد خفضوا الجناح
يا أمّتي, صبراً، فليلك كاد يسفر عن صباح
لابد للكابوس أن ينزاح عنا أو يُزاح
والليل إن تشتد ظلمته نقول: الفجر لاح
السلام عليكم بعد التحيه
انا هجبلك كلام من الاخر انت لو عاوز تغير بلدك او تصلحها ده محتاج وقت ومجهود لازم كل روح مصريه تبذل وتتعب لوصول مش ينفع نصحي واحد واحد لازم يحصل كرثه علشان تصحي الجميع ...
لا تعليق ..
فكلنا نعيش نفس الوضع
واظنه قد صدق احمد مطر عندما قال ..
بالتّمـادي
يُصـبِحُ اللّصُّ بأوربّـا
مُديراً للنـوادي .
وبأمريكـا
زعيمـاً للعصاباتِ وأوكارِ الفسـادِ .
و بإوطا نـي التي
مِـنْ شرعها قَطْـعُ الأيادي
يُصبِـحُ اللّصُّ
رئيساً للبـلادِ !
الله المستعان
إرسال تعليق