الأحد، 23 مارس، 2008

العيش .. حاله واخباره

فى بداية حملة يلا بينا نصلح احوال مصر ... التى تطلقها مدونة لسه عايش ... نرصد لكم واقع وحال المجتمع ومشاكله من فساد وظلم وغلاء وتدنى مستوي التعليم واعتقال وتكميم الافواه وغلق الجرائد والتضيق على حرية الصحافه ومحاكمات عسكريه لناس شرفاء ... فكانت كل هذه الاسباب هيا التى جعلتنا نطلق هذه الحمله بعد ان راينا بأم اعيننا فى المرحلة الماضيه تزوير فى انتخابات المحليات بعد ان كانت هيا الرابط الاخير للشعب بينه وبين الحكومة على امل اصلاح حال هذا البلد ولكن على ما يبدوا ان كل المحاولات تنذر بالفشل ... وفى هذه المدونة وبداية من هذا الموضوع سنستعرض لكم حال هذا الشعب فى تقرير مصور بالفيديو والصورة ايضا لنضع امام هذه الحكومة مشاكلها وتبحث لها عن حلول ... لنهضة هذا البلد ورفعته ....
---
نبدا بالعيش .. ايوة العيش ... العيش اللى انا باكله كل يوم الصبح على الفطار وكمان على الغدا وكمان على العشا ( لو كان فيه عشا )... العيش بأه ازمة ... بأه مصيبه وعايزه تتحل ... ولكن اين المشكله ... طوابير تمتد الاربعه متر الطابور ... عيش ملئ بالمسامير ... خناقات ومشاكل فى الطابور اللى مش بيتحرك تمتد الى السنج والمطاوى حتى ان انا كنت مستضيف واحده فى الفيديو اللى هتشوفوه العيش ابو شلن ده عايز شباب عندهم صحه عشان يقفوا فيه ... لأن لو انا وقفت فيه ممكن اموت ومش اجيب عيش هكذا قالت الحاجة ... وايضا مشكلة ان العيش مش بيطلع من اصله ... مش عجيبه دى ...
نبدا كده ... واليكم الصور تتكلم عن طوابير العيش ...

شايفين الزحمه قد ايه على مخبز عيشه ببريزه
مخبز عيشه ببريزه






قد تقولون ان هذه الصور من مشاهد الحياه اليوميه للشعب المصرى ... ولكنها فى هذه الايام تزايدت وبشكل فظيع جدا ... هذه الصور التى امامكم صورت فى الساعه العاشرة صباحا .. ونحن اجرينا حوارات مع ناس واقفه فى الصف بيقولوا ان هما واقفين من الساعه 6 والساعه 8 ... يعنى اربع ساعات عشان يجيبوا بجنيه عيش ...
انا نفسى اعرف هو ليه مش بيمشى الطابور ... بيودى العيش فين ... ما هو يا اما حل من اتنين يا اما بيطلعوا وسايط لاما بيبع الدقيق ويخبز شيكارتين بس من الحصه بتاعته ...
ايضا صورنا امام مخبز عيش بيبع عيش ببريزه ... ولقينا العيش انضف شويه لكن الطابور زحمه جدا جدا جدا جدا
ونترككم مع فيديوهات صورناها

هذا الفيديو من امام مخبز الشونه .. ( عيشه ببريزه )
شوف الفيديو وبعد لما تسمعه ياريت تعلق على كلام الست اللى قالت مصر هتمر بمرحلة جوع .. وباناشد الحكومة انها ترخى الاسعار شويه واترك لكم التعليق ..
ايضا ناتى لفيديو وفيه استضفت عامل نظافه (زبال يعنى ) اتى من الساعه 8 الصبح عشان يشترى 10 ارغفه وبيقول فى الفيديو الحكومة سايبه المرتاح مرتاح واللى بيعيط يعيط ... الحكومة هتاكلنا بعد كده ..

شاهد الفيديو
---
ناتى للفيديو الثال وده لمخبز مش بيطلع عيش تقريبا ... وفيه واحد بيصرخ بقالى تلات ساعات واقف عشان بجنيه عيش ومش لاقى .. وفى المقطع الثانى من الفيديو فيه ولد بيصرخ ويزعق .. بتودى العيش فين وهذا الولد ابن لواحده خرساء لا تتكلم وامه واقفه وراه ياعينى عشان بجنيه العيش يمكن يتراف ويديهم عيش ...


--

تقرير الجزيرة انجلش لحال العيش فى مصر


نعتذر لكم عن صغر التقرير وضعفه ايضا وذللك بسبب انشغالى ... ولكن اعدكم بتقارير اقوى فى المرات القادمة

هناك 5 تعليقات:

امام الجيل يقول...

جزيت خيرا يا عمور
على التغطية دى

وربنا يزيح عن الامة هذه الغمة

اللهم امين
منتظرك برضه :)

ض/خالد يقول...

حسبنا الله ونعم الوكيل....

قال تعالى:

(ولو أن أهل القرى ءامنوا واتقوا لفتحنا عليهم بركات من السماء والأرض )

أبو نزار عبد الرحمن الشرقاوى يقول...

جميل يا عمرو السؤال الى ممكن يتوارد للزهن لما نشوف الوضع دة هوة وبعدين؟سنه 95 صدر تقرير أمريكى بيتناول حال العشوائيات فى القاهرة وختم بسؤال لماذا لا يثور سكان القاهرة الفقراء وبكرر الكلام دة سنه 95 الواتى المفروض نسأل لماذا لا يثور سكان مصر والا متى ثيثورا وألا كيف
فى روايه 1984 بيقول أورويل غنهم لن يثوروا قبل أن يعرفوا ولن يعرفوا قبل أن يثوروا ولحد ما تتحل معضله المعرفه أولا والا الثورة أو معضله الكرامه والا الحياه الشعب المصرى مش ينتظر منه إنه يثور والا بالصوت

أبو نزار عبد الرحمن الشرقاوى يقول...

اوك عمرو من يومين بالظبط الوضع اتغير ...كويس بس السؤال إذا كان الوضع ممكن يتظبط من الاول هل يا ترى كان لازم يموت 15 مصرى فى طوابير العيش عشان يفتكروا ينظموا الموضوع وللدرجه دى دم المصرى رخيص

النجم القادم يقول...

السلام عليكم

عمرو باشا ايه الشغل الجامد ده

انته كده هتنافسنى هههههههه
ولا ايه رايك نفتح وكالة اعلان
انته تشتغل مذيع
وانا اشتغل صحفى

يلا قلت ايه

بس بجد اوضاع محزنة
حسبناالله ونعم الوكيل

تعالى عندى انا جعان ياحكومة