الأحد، ٣ يونيو ٢٠٠٧

انتخابات الشورى فى دايرتى

من المعلوم والمعروف لديك او لدى اجهزه الاعلام ان الاخوان المسلمين دخلوا بـ 19 مرشح من 88 مرشح فى جميع دوائر الجمهوريه ... ومن المعروف ايضا ان الاخوان دخلوا الانتخابات فى الشرقيه بمرشحين .. الا وهما الدكتور ناجى صقر مرشح الدائرة الاولى (الزقازيق ) والاستاذ عزت غريب مرشح الدائرة الثانيه (منيا القمح والعاشر وبلبيس) صح ولا لأ ... صح الكلام ... الاخوان ما دخلوش الانتخابات فى دايرتى الا وهى دائرة ديرب نجم وابراهيميه وهيها ... لحد دلوقتى والكلام تمام التمام ...ندخل فى المفيد والمهم والمعلوم بأه ..مش صح ولا ايه ... ندخل ...
----------------------------------------
دخل الانتخابات حتى الان اربع مرشحين الا هم ... فايز الكفراوى (مستقل) - زكى السويدى ( وطنى) - محمد الحنفى (مستقل ) - احمد البحطيطى (مستقل) - سعد العجوز ( مستقل ) .... لكن انت مش استغربت من حاجة .. من ايه يا ترى ... من ان عدد المرشحين فى دائرة بها اكتر من 300 الف صوت ... اه صح ... طب ليه يا ترى ... اقولك انا واحكيلك القصه وما فيها ... زى ما بيقلولوا ... الحقيقه كان داخل الانتخابات دى يجى اربع مرشحين او خمسه كمان غير دول وابرزهم جمال عبد العزيز بدوى ورضا عبد العال .. الخمسه دول كانوا عايزين يدخلوا الحزب اى بمعنى يبقوا مرشحين الحزب وكل واحد بيتنافس انه يبقى مرشح الحزب ... كله قدم ورقه للمجمع الانتخابى بتاع الحزب وكله على امل انه يبقى مرشح الحزب ... لكن خاب املهم ولم يعلن المجمع الانتخابى للحزب عن اختياره لأحد المتقدمين له ... لكن ما حدث كان المفاجاه والمفاجاه الكبرى كمان .... جه نجيب التونسى (هذه القصه حقيقية ورواها لى رئيس لجنة التنميه الادارية بالحزب فى مركز ديرب ) ..مين نجيب التونسى ده يا عمرو .. ده امين الحزب بالمركز ... جه الراجل ده وقال للمتقدمين للحزب انهم يديوله ورقهم اللى هيترشحوا بيه ويعملولوه توكيل علشان هو اللى هيقدملهم ... كلهم وافقوا يا معلم ... وكله تمام ادوا للراجل ده ورقهم والتوكيل كمان .... جه ايام الترشيح ... اول يوم ما قدمش نجيب ... تانى يوم باردوه ما قدمش ...المرشحين قلقانين ... تالت يوم باردوه نفس الحكايه ... رابع يوم نفس الحكايه ... خامس يوم بأه جه عمو نجيب التونسى قدم ورق لمرشح واحد بس ... عارف هو مين زكى السويدى وقلب الباقى ههههههههههههههه .... قلبهم قلبه تمام .... وضحك عليهم .... حتى لا خلاهم يدخلوا مستقلين ولا حاجة ده قشطهم بره .... ههههههههههههه ..... المهم ثارت الشائعات فى البلد ان جمال انسحب ليه يا جماعه ... قالك علشان جمال مادخلش الحزب ... والناس ما تعرفش الحقيقة ايه .... الحقيقة الحزب ضحك عليه وادالوه بومبه كبييييييييره اوى ... هههههههههه حلوة بومبه دى ... نتكلم بأه عن كل مرشح من المرشحين اللى داخلين الانتخابات دول
نبدا ببتاع الحزب الواطى : زكى السويدى
زكى هذا رجل بلغ من العمر الـ 85 عاما ...ومش عارف مترشح ازاى .... مش عارف الراجل ده هيشيل هموم دايريتن ازاى ..ابن زكى ده قابلته فى مرة وقولتله ابوك داخل الانتخابات يا عم احمد قاللى اه ... قولتله وهو لسه فى حيل يدخل ... قاللى اقوللك على حاجة .... قولتله ايه ... قاللى انا مش مقتنع ان ابويا يدخل ... لكن هو يعمل ايه ... عائلة السويدى مدخلاه الانتخابات علشان المصانع والشركات بتاعتها اللى فى العاشر .... قاللى فهمت اللى فيها ...قولتله فهمت التيته
نأتى للدعايه الانتخابيه التى يتبعها زكى .... الدعايه يا سيدى انه طول النهار ولليل ممشى عربيات فى البلد ... بتقول ايه العربيات دى ... بتقول : الله اكبر والحق من عند لله (لاحظوا شعارات دينيه تسبب فتنة طائفيه ومحظورة من الدستور فى قانون مباشرة الحقوق السياسية ) وعماله تقول .. الهلال رمزنا ... سر يا زكى على بركة الله واحنا وراك ان شاء الله ( سر بس اوعى تقع يا زكى فى السكة ) ... رمز السماء ... رمز النوور ... انه الهلال ... الله اكبر وزكى مرشحنا ... الله اكبر وزكى نائبنا ... ههههههههه والعربيات عماله تقول كده وانا اضحك .... وبيقولوا كمان .... نعم للتغير (انا مش فاهم ازاى تغيير وهو اللى كان موجود الدورة اللى فاتت ) نعم للفكر لجديد ... نعم لبتاع الحزب ... انتخبوا بتاع الواطيين ... الحزب هو املنا فى الاصلاح .... قشطة يا اصلاح ... ههههههههههههههههههههه .... ومن ضمن دعايه زكى انه معلق بوسترات على الحيطان مكتوب عليها .... الا تنصروه فقد نصركم ... دى مش شعارات دينيه .... سر يا زكى يا بتاع الحزب ...
نأتى لتانى مرشح فى القائمة الا وهو محمد الحنفى .... محمد الحنفى ده بأه حكايته طويله اوى ... الراجل ده مدرس حاسب الى ... ولسه عنده تلاتين سنه ... ومش داخل تبع احزاب مستقل يعنى ..... الراجل ده بأه ممشى عربيات طول النهار بتقول .... انتخبوا محمد الحنفى ابن التربيه والتعليم .... ابن البلد .... ابن ديرب وهيها وابراهيميه ... ابن مصر .... انتخبوا العلم .... وعمالين يقولوا ... انتخبوا رجل العصر ... رجل الكمبيوتر والتكنولوجيا .... رجل العطاء والوفاء ... والمفتاح رمزنا .... وايه كمان ... الله اكبر كما قال الاباء .... انا اول ما سمعتها من هنا قعدت اضحك لما اقول يا بس ... هههههههههههههههههه .... قال كما قال الاباء .... واحنا مش قولنا الله اكبر يا حنفى يا بتاع الكمبيوتر ..... هههههههههههههههههههههه ...... ومن ضمن الدعايه بتاعته بوسترات .... عاملك بوستر بأه بس عاجبنى اوى .... وهو قاعد قدام لاب توب .. اه والله ... وجمبه مقلمه بتاع قلمه .... وباصصلك للكاميرا ومكتوب على الصورة .... الشباب - العلم - العطاء .... انه المفتاح ..لا تتنازلوا .... هههههههههههههههههههههههههه ..... فيه حكايه واحد صاحب بابا قالهاله عن الراجل ده ... الراجل ده محامى صاحب بابا .... فا بيقوله انت ليه مرترشح يا حنفى .... قاله انا فاشل ولعل جمال مبارك يختارنى ضمن شلته الفاشلة .... والله الحكايه مرويه من الراجل بالنص .... عايز ايه اكتر من كده .... ومن ضمن دعايه محمد الحنفى ... انه عملك موقع ... اه عملك موقع على النت .... السيره الذاتيه لمحمد الحنفى بتقول انه اتخرج من الكليه طلع بأه مدير للشركة برمجيات .... ازاى مش عارف ..... اه والله ....
نأتى للمرشح الثالث اللى هو اسمه سعد العجوز .... سعد العجوز ده دكتور .... ومش عامل دعايه عندنا الا يافطه او اتنين فى المركز كله .... وكاتب عليها ايه .... صديق المرضى .... البرلمانى القدير ... هههههههه ... انا مش عارف زااى هو برلمانى وهو ما نجحش لسه .... شوفته الهبل ودكتور ..... امال لو مش دكتور ....ههههههههههههه
اما فايز الكفراوى والبحطيطى ده .... مش عاملين دعايه عندنا خالص .... مش عارف داخلين ليه .....
وهذه كانت تغطيتنا للدعايه الانتخابيه والمرشحين ..... فى دائرة ديرب نجم وهيها وابراهيميه بمحافظة الشرقيه - الدائرة الثالثه على مستوى المحافظة
--------
خلاص بأه كده وسلام ... اسيبكم تناموا

هناك ١٠ تعليقات:

اسلام رفاعى يقول...

عمرو اى انتخابات الاخوان مش فيها مش حتحس بطعمها

أخـــ مسلمة ـــت يقول...

صح
انتخابات من غير اخوان ما تنفعش

عموما ربنا يولي من يصلح

ويوفقنا في الدواير اللي فيها اخوان

تقبل الله

جزاكم الله خيرا

عمرو سلامة يقول...

عندك حق يا اسلام ... والله الكلام ده صح ...لما كنت فى انتخابات الشعب كنت انزل واغطى واقول ... لكن مافيش اخوان ...مافيش طعم ولا انتخابات خالص لكن هاعمل ايه ... حبيت اعيشكم فى دور انتخابات ... واعيش نفسى واقولها فى انتخابات ...يلا خير بأه ....
---------
يارب يوفقكم يا اخت مسلمة ... يارب ... اه لو نجح الاخوان فى الدوائر المترشحين فيها ...رغم الظلم ده كله ... يارب يارب
وشكرا ليكى يا اخت مسلمة على ردك ونتمنى تكرار الزيارة ...

ياسر مدني ...دينامو الإخوان يقول...

أنا أعتقد إن الإخوان اللي مفيهاش إخوان ومتلاقيش فيهخا طعم ده يبقي قصور فهم عند الناس
ليه لما الاخوان يبقوا موجودين تلاقي الناس عندها إيجابيه وبعد كده سلبيين ميروحوش يقولو رأيهم في الحلو والوحش ولا الناس خلاص بقت تحب الاخوان مش الحق والوطن والايجابيه؟؟؟

فاروتا المصرى يقول...

السلام عليكم

فعلا انتخابات من غير اخوان زى الرسم من غير الوان

ربنا يستر
مدونه جميله
جزاكم الله خيرا
شاعر الاخوان
فاروتا المصرى

عمرو سلامة يقول...

اخويا وحبيبى ياسر ... كلامك مش صح ... او بالاصح فهمتنا غلط يا اخويا ... اخويا العزيز ... لما انت تكون حزب وطنى وتشارك فى دعايه المرشح بتاعه الحزب ... وتقف جمبه ...بتحس بالانتخابات ... وهكذا نحن الاخوان ... مش حاسين بالانتخابات لأن الاخوان مش نازلين او بالاصح مش مشاركين فى الدعايه لمرشح الاخوان فالبتالى مش حاسين بالانتخابات .... احنا مش سلبين اخ مدنى ... بالعكس احنا اجابيين لأن الاخوان عندنا رغم ان المترشحين زباله ... هيروحوا ويقولوا رايهم ... اتمنى تكون المعلومة وصلت .... وزيارتك لمدونتى سرتنى .. واتمنى تكرارها ...
---------------------
اخ فاروتا ... جزاكم الله كل خير على تعليقك ... وربنا يجعله فى ميزان حسناتك

أخـــ مسلمة ـــت يقول...

حضرتك ممكن تنزل تغطي الانتخابات عندنا في ميت غمر

مفيش مشكلة

عمرو سلامة يقول...

ميت غمر مش بعيده عن ديرب نجم ... وليا فيها قرايب كمان ... بس المشكلة اللى هتعوقنى انى ورايا امتحانات يا اخت مسلمة ...
تعوض فى وقت تانى يا اخت مسلمة ...

جمعاوى يقول...

عمرو باشا سلامة
من حقك تنازع أخوك منعم على لقب رويتز الإخوان
تحياتى
دمتم بخير

عمرو سلامة يقول...

انا مش قد اللقب ده ولا اقدر انازع منعم فيه ... انا ياعم مدون لسه بابدا اطلع اسلم .... ربنا يعزك يا جمعاوى ... انا مش قد انى انافس منعم رجل عرفته كل دول العالم عايز ايه تانى ... وانا لسه حته عيل بيدون على النت ... اصحى ياعم جمعاوى... ربنا يخليلنا منعم ...
---------
وشكرا على التعليق يا جمعاوى يا روش يا مروشنى هههه