الجمعة، 11 يونيو، 2010

تواصل الاحتجاجات فى الاسكندرية على خلفية مقتل خالد سعيد فى قسم شرطة


تواصلت الاحتجاجات يوم أمس الخميس بالاسكندريه أمام قسم شرطة سيدى جابر للاعلان عن غضب الشعب السكندرى تجاه التعذيب الممنهج لأبنا الشعب المصرى ، حيث نظم نشطاء أمس وقفة احتجاجية أمام مركز شرطة سيدى جابر وقام الامن بالتعامل الوحشى مع النشطاء وقام بضرب الطالبه ايمان عبدالله ، واعتقال 11 شخص وافرج عنهم فيما بعد ولكن لم يفرج عن اثنين منهم وسيتم عرضهم على النيابه المسائية أمس.
أيضا قام نشطاء الانترنت بمتابعة اخبار خالد عن طريق المواقع الاجتماعية المتعددة فقط انتشرت صفحة لخالد عبر الفيس بوك منها ( انا اسمى خالد سعيد ، احنا اللى قتلنا خالد ، كلنا خالد سعيد )
وتواصلت الدعوات لوقفات احتجاجيه متعدده ، فسينظم النشطاء وقفة احتجاجيه أمام مبنى لاظوغلى وزارة الداخلية وقفة احتاجية يوم الاحد فى الخامسة مساءا .
وهذه نص الدعوة
ندعو كل مواطن مصرى يحترم كرامته و آدميته الى وقفة احتجاجية أمام وزارة الداخلية بلاظوغلى بوسط البلد يوم الأحد القادم الموافق 13/6/2010 الساعة الخامسة مساء
احتجاجا على جريمة التعذيب و القتل الوحشية التى تعرض لها الشاب خالد محمد سعيد على يد الشرطة بدون ذنب ...
وللمطالبة بالكشف عن اسماء قاتليه من الحيوانات المتنكرة في زي الشرطة
اذا لم يحركنا الدم فمتى نتحرك ؟
خالد ماكانش ليه علاقه بالسياسه من قريب او بعيد زى معظم المواطنين المصريين
ولا عمره انضم لاى تيار او حزب سياسى
لكن ده ما منعهومش من تعذيبه وقتله
بلطجة الداخليه واحده
إستخدام قانون الطوارىء مش ببفرق بين سياسى و مواطن عادى

يا ترى هانسكت ؟

خالد محمد سعيد
شاب مصري عنده 28 سنه من منطقة كليوباترا بالاسكندريه
و صاحب مكتب استيراد و تصدير
كان قاعد في نت كافيه في وقت متاخر بالليل
و دخل بتوع المباحث بيفتشوا كل اللي قاعدين باستخدام قانون الطوارئ..

خالد اعترض و قال احنا بنتفتش ليه

كان تمن السؤال البرئ ده ان اتنين مخبرين مسكوه و نزلو فيه ضرب في المحل و في الشارع و في مدخل عماره جنب النت كافيه
ولما فقد وعيه قعدوا يخبطوا وشه في الرخام بتاع السلم و في مدخل العماره علشان يفوق
أخدوه وهو جثه و حطوه في البوكس و بعد 15 دقيقه رجعوا رموه ف الشارع لما إكتشفوا إنه مات

كل واحد فينا ممكن يكون خالد
---
أغنية إهداء للشهيد خالد سعيد: لازم يبقالنا صوت


---
الخبر فى الصحافة
مخبران يسحلان شابا لاعتراضه على تعاملهما معه بهمجية .. فى جريدة الشروق

وقفة احتجاجية للتضامن مع ضحية التعذيب بالإسكندرية .. اليوم السابع

النيابة تحقق فى مقتل شاب على يد مخبرين .. اليوم السابع

--

هناك 8 تعليقات:

AHMED SAMIR يقول...

مش عارف اقول لك ايه الصراحة
بس مش على بالي غير السؤال دة
تفتكر في فايدة؟؟

قلــ"بـــلال"ــــــب فارس يقول...

حسبنا الله ونعم الوكيل
فى كل ظالم يفترى على خلق الله

غير معرف يقول...

هو كدا الكبير فى الدنيا ديت بياكل الصغير وحسبى الله ونعمه الوكيل فى المفترى وربنا يرحمك يا اخ خالد

migaboy يقول...

لا حول و لا قوة الا بالله العلى العظيم
أرجوا زيارة مدونتى هتلاقى فيها كذا بوست على الموضوع دا يا ريت تعجبك
موضوع مميز على فكرة

تحياتى و إحترامى ..

غير معرف يقول...

حسبي الله ونعمه الوكيل فيكي يا حكومه مصر يلعن ابو قواننكم الممله والمتعجرفه يا وحوش يالماماه يا زباله ربنا كبير وقادر علي كل شيء ربنا كبيييييييييييييييييييييييير
ربنا يلهم اهلك الصبر يا خالد
ونحتسبك شهيد عند الله
لا تحزني يا ام خالد لا تحزن يا ابو خالد لا تحزنو يا شباب مصر فإن خالد عند الله شهيد مع الشهداء والابرار والصدقين والانبياء

غير معرف يقول...

حرام كل يوم بنتقتل لحد ما حنخلص لازم ناخد موقف اما حتكون نهايه خالد هيا نهايه كل المصريين

غير معرف يقول...

حسبي الله ونعم الوكيل فيهم وفي كل ظالم بيحاول يظلم الناس ربنا يصبر اهله بس ياريت محدش يسيب حق خالد وربنا فوق الكل وان شاء الله هياخد بحقه حرام والله اللي بيعملوه في الناس ده للدرجة دي احنا ملناش ثمن ولا ايه يا تري هيروحوا من ربنا فين الظلمة دول حسبي الله ونعم الوكيل

غير معرف يقول...

انا مسلم وموحد با لله وانا شخص لبنانى وفى الاول ولاخر عربى اولا حسبى ربى ونعم الوكيل لان الحومة المصرية وعلى الخا ص الداخلية وزارة اخت شرموطة كلهن اولاد زنا وحرام واحد يحكى التانى فيهن