بعد اعتقال دام سبعين يوما .. خرج ليتزوج !!

الدكتور اسلام نبيل - الشيخ حسان عبدالهادى (احد قيادات الاخوان المسلمين بالشرقية) - الدكتور عبدالحميد كامل ( احد قيادات الاخوان المسلمين بمركز ديرب نجم )
--

فاكرين الراجل اللى فى الصورة ده .. اللى على اليمين .. فاكرينه كويس .. ممم مش فاكرين
نفكركم الراجل المحترم ده اللى فى الصورة على اليمين .. الدكتور اسلام نبيل .. الذى اعتقل فى احداث تنظيم البالونات فى مركز ديرب نجم اول يوم عيد الاضحى المبارك 2008 .. واعتقل على اثر توزيعه لبالونات وهدايا للاطفال .. هذا الدكتور كان موعد حفل اعلان خطوبته ثانى ايام العيد .. ولكن الظلم وشركاء الظلم منعوه من ان يحتفل مع شريكة عمره بهذا الحفل واعتقلوه .. ولكن ما ان خرج واصل حياته من ثلاث اسابيع .. وكان مساء الجمعه فى قرية صافور بمركز ديرب نجم يوم تلبيس شبكته ...
الجدير بالذكر ان الدكتور اسلام نبيل كان احد قيادات طلاب الاخوان المسلمين بجامعة الزقازيق ..
دكتور اسلام ... سلامى اليك من كل قلبى تحياتى لك بكل التوفيق .. انا سايب الدكتور اسلام مع خطيبته .. مش عارف ناوى يرجع امتى ؟ الساعه داخله على اتنين باليل .. ربنا معاااك .. وعقبال ليلة الدخله او ليلة البناء
فى النهاية اود ان اعلق على هذا الموضوع واوجه رسالة لكل ظالم فى هذا البلد .. ان هؤلاء الناس ( الاخوان) ليسوا كما تعتقدون يستسلمون من اول وهله .. او من ثانى او حتى من ثالث .. لا لا .. هم فى قلوبهم عقيده راسخه لا يحيدوا عنها مهما كان الامر .. لديهم ثوابت مبادئ متمسكون بها لا يفرطون فيها.. يسعون من اجلها .. يحاولون تحقيقها بكافة السبل والوسائل السلمية المتاحه امامهم مهما ضيقتم عليهم ستظهر الوسائل وستظهر السبل لينشروا افكارهم وثوابتهم ويرسخوها فى المجتمع .. حتى يصبح المجتمع مجتمعا اسلاميا .. يرحم فيه الغنى الفقير .. ويراعى فيه القوى الضعيف ويعدل فيه الحاكم حتى يصلوا للغاية الكبرى ارضاء الله وعز الاسلام ونصرة الدين
وها هو نموذج واضح امامكم لم يعيد التفكير ابدا فيما تربى عليه .. ولم يندم لحظه .. ولم ولم ولم .. بل انه عاود لكى يرسخ اسره مسلمه من جديد لتنشئ رجال يحملون الاسلام على ظهورهم ..