الاثنين، 8 ديسمبر، 2008

البونبونى اصبح محظور فى ديرب نجم وباوامر امنيه وفى عيد الاضحى (ملف مصور)

تحديث
النيابة تخلى سبيل تنظيم البلالين
تنظيم البلالين هكذا كانت تهمتهم .. خمس شباب من ابناء خيرة هذا الوطن ارادوا اسعاد غيرهم واسعاد الاطفال صباح يوم العيد بتوزيع عليهم البالونات والسودانى والبونبونى اعتقلتهم قوات امن الدوله الغاشمه لدرجة انهم وهم بيعتقلوا احدهم حاول الافلات من بين ايديهم وما لبث محمد حلمى رئيس المباحث ينزل بنفسه من البوكس ويجرى وراه حاجه هبل ..
المهم ان النيابه اخلت سبيلهم امس من سرايا النيابه وادعوا ربنا انه يفرج عنهم اليوم من امن الدوله من الزقازيق ..
الخبر على شرقية اون لاين
الخبر على اخوان اون لاين
الخبر على مصراوى
الخبر فى جريدة المصرى اليوم
الخبر على موقع شباب وبس
---

قيادات الاخوان اثناء تقدمهم المسيرة
العيد فيما معناه فى العرف بين المسلمين يعنى .. هدمة جديده فرحة وسرور وبهجه وعزه .. والتكبير كما عودنا النبى صلى الله عليه وسلم بالعيد .. وصلاة عيد ولو قلنا ان العيد ده هيبقى عيد اضحى هيبقى فيه دبح خروف يعنى لحمه .. يعنى كل حاجة حلوة ..

ولكن فى عرف امن الدوله فى عرف المباحث غير كده خالص .. نكد وذل وتقييد ومنع واعتراض وفى النهايه اعتقال ان لم يكن خطف ..
نعم فما حدث فى مركز ديرب نجم محافظه الشرقيه فى بلدتى يستحق ان يقال اكثر من هذا .. فا اعتقال خمس شباب ليس لهم اى ذنب او جريره سوى انهم كانوا يريدون افراح الاطفال بهدايا بسيطه كيس سودانى وكاب يحطه على راسه فقط هذا هو كل ذنبهم ..
خمس شباب يحبون هذا البلد ويريدون له ولاهله الخير واسعاد اطفاله فا اعتقلوا لأنهم يريدون السعاده لغيرهم .. هذا خطا وجرم فى عرف القانون اوعى تقرب منه شعار رفعه رئيس مباحث ديرب نجم محمد بيه حلمى ومخبر امن الدوله" اوعى تفرح غيرك" ..
عارفين الشباب اللى اعتقلوا دول لسه فى مقتبل حياتهم واحد منهم هيلبس دبلته تانى ايام العيد يعنى بكره .. والتانى والتالت اخوات والدتهم مريضه فى البيت ورغم ذلك تركوها لفرحة غيرهم والاتنين دكاتره .. والرابع موظف بالادارة الزراعيه ( لسه مش اتهنى بالوظيفه ولا حتى اتهنى بالجواز ) محبوب من الجميع .. والخامس تربية لغه عربيه يملك من العمر 19 عاما ..
الدكتور اسلام نبيل .. بكالوريس طب بيطرى هيلبس دبل تانى يوم العيد (معلش يا عروسه محمد بيه حلمى عكنن ولازم يشده )
الدكتور سيف الاسلام عبداللطيف .. طب ازهر اسيوط (صاحب مدونة انا مش معاهم )
الدكتور ابراهيم عبداللطيف .. طب ازهر دمياط (اخو سيف )
الاستاذ محمد حماده .. تربية لغه عربيه 19 عاما
الاستاذ احمد عادل .. مدرس ومتزوج
ياترى شوية السودانى والبونبونى والشيكولاته هيقلبوا نظام الحكم .. معكم الله يا شباب
وفى نفس هذا السياق قامت قوات الامن برئاسة المخبر احمد عابدين بتاع امن الدولة ورئيس المباحث محمد حلمى باعتراض مسيرة التكبير التى كانت تسير الى مكان المتجه الى الصلاه فى الساحه الشعبيه وحدثت مشادات فيما بينهم هذا فيما قال محمد حلمى للاخوان بلغه تهديديه : يعنى اريحكم واخليكم تمشوا بالمسيره دى !! ولكن الاخوان اكملوا المسير ولم يعبأو باالاعتراضات الامنيه الهبله .. احنا بنعمل ايه يعنى ده احنا بنكبر واحنا ماشيين ده احنا حتى اشتغلنا رجالة مرور ننظم فى حركة المرور .. ماذا تريدون منا اذن ؟؟
وواصلت التكبيرات تصدح فى ارجاء المكان لم تعبا بمن يريدون لهذه التكبيرات ان تزول .. وسيظل الاسلام باقى باقى باقى مهما فعلتم يا ظلمه ..
لكـ الله يا محظوووره





مهندس محمد فياض والشيخ عماد كريم والاستاذ محمود الوحيد والاستاذ احمد عبدالبارى .. قيادات الاخوان تتقدم المسيرة











اثناء اعتراض قوات الامن المسيرة .. مشادات بين قيادات الاخوان ورئيس المباحث










هذه هيا الكابات التى تبقت من ايدى المخبرين الغاشمه .. سرقوها الكلااااب .. والله ما مكتوب عليها اى محظورات مكتوب عليها
تقبل الله منا ومنكم هل هذا محظور ؟؟؟






----
شباب نطالب بالافراج عنهم .. هؤلاء صور الشباب الذين اعتقلوا على خلفية توزيع السودانى بديرب


-----
وحتى لا ننسى الشيخ حسان عبدالهادى فى محنته نهنئه بالعيد وننشر له اخر خطبة عيد خطبها فى الساحه بعد ان منعه الامن القاء الخطبة فى الساحه ..
الخطبة كانت فى العيد الفطر 2007


هناك 9 تعليقات:

آلاء يقول...

اصل العيد مايبقاش عيد من غير امن الدولة

حسبنا الله ونعم الوكيل

اغمهم الله

كل عام وانتم بخير

دعاء فتحي يقول...

السلام عليكم ورحمة الله
هؤلاء الناس أغبياء جدا بيعملو للإخوان أحلي دعاية
وبمناسبة اللي بيحصل في غزة كل واحد-صغير أو كبير- يطلع من عديته عشرة جنيه لفلسطين واللي يزود يبقي جزاه الله خير

تلميذة سلمان الفارسى يقول...

ربنا يفك اسرهم يارب ويتم فرحتهم
أمن الدوله لايريد ان يمر علينا عيد فرحين أبدا
فالعيد السابق أيضا اعتقلوا اخواننا طلاب الجامعه
اللهم انتقم منهم

sendrlla يقول...


عمرو انت من ديرب نجم
تحيا جمهورية مصر العربية
بس مدونتك جميله
بس انت كده هيعتقلوك
وهتروح زى اللى راحوا

تحياتى
.....................
سندريلا

رابطة هويتي اسلامية يقول...

السلام عليكم ورحمة الله وبركاته

سيكون هناك بإذن الله اجتماع يوم الخميس المقبل الساعة الثامنة مساءا وذلك لمناقشة بعض الامور الهامة

نرجو من جميع الاعضاء الحضور للأهمية.

نرجو الحضور وفى حالة تعزر الحضور نرجو
الابلاغ عن ذلك بتعليق فى المدونة .

كن جميلا...(عضو رابطة هويتي إسلامية) يقول...

السلام عليكم ورحمة الله وبركاته

لك عندي نموذج تقييم او تاج بسيط
لك حرية الرأي في ان تقبل أو ترفض وذلك بخصوص الرابطة

في هذا اللينك

http://thebestworkhawety.blogspot.com/

الرد يكون قبل يوم 20/12/2008

أبو فاطمة

رابطة هويتي اسلامية يقول...

السلام عليكم ورحمة الله وبركاته

لإهتمامنا برائيك لابد أن تتواجد لأن يكون رائيك فعال مهم للغاية أن تحضر بمجرد حضورك علق علي الرسالة للأهمية إحضر في حجرة الجلسات .

الرسالة في حجرة الجلسات .

الرسالة حتي يوم 18/12/2008

تواجد حتي تدلي برأيك
أخر ميعاد للتصويت 18/12/2008
كعضو مجلس إستشاري لابد من تواجدك فور وصول الرسالة
السلام عليكم ورحمة الله

نتمني إرسال إيميل مدونتك لتستطيع الدخول للمدونة

النجم القادم يقول...

http://ewaatekhaf.blogspot.com/

الجزء الأول من حوار النجم القادم مع القيادى الإخوانى بالبحيرة م . حسني عمر

http://ewaatekhaf.blogspot.com/

فقط وحصرياً مع مدونة إوعى تخاف

http://ewaatekhaf.blogspot.com/

غير معرف يقول...

الاخوان المسلمين لو تملكو السلطه البلد هتخرب اكتر ياريت جماعة الاخوان المسلمين يسيبو البلد فى حالها وانا على فكره والله حرام على الاخوان اللى بيعملوه فى البلد منكم لله وانما دين الله كتاب الله وسنة رسوله يعنى من الاخر وبالبلدى مش مستاهله فزلكه وكلنا عارفين الصح من الغلط احنا بس نتبع كتاب الله وسنة الرسول وهتبقى تمام التمام كلام بلدى اهو ومفهوم كل الحكايه محتاجين توجيه مش اكتر وتوجيه سليم مش بتاع الاخوان