السبت، 30 يونيو 2007

الرجل والفكرة


بمناسبه الاجازه يعنى ... وبمناسبه البتنجان وبمناسبه الكوسه وبمناسبه وقت الفراغ اللى عمال املاه ......قلت ادعبس فى الكتب بتاعه مكتبه بابا .... لقيت كتاب جميل اوى اوى اوى ... اسمه .... حسن البنا الرجل والفكرة ..... الكتاب ده بصراحة كتاب حلو اوى ...المؤلف بتاعه اسمه محمد عبد الله السمان ..... الكتاب كله ملخص حياة الراجل اللى اسمه حسن البنا ... وازاى عاش للفكرة بتاعته اللى اسمها اخوان مسلمين ..... الصراحة انا لسه باقرا فى نصه لكن النص الاولانى وانا باقرأه ...لقيت شويه سطور عجبتنى اوى اوى .... حبيت اجيبهالكم ..... السطور دى ملخصه معنى الرجل والفكرة ...... السطور بتقول :
(( ...كان الناس يرون حسن البنا غريبا فى محيط الناس ... بل وفى محيط الزعماء ... بطابعه وطبيعته ... فقد صنع تاريخاً .... وحول مجرى الطريق ... فلما مات .... كان غريباً للغايه فى موته .... فلم يصل عليه فى المسجد غير والده .... ولم يمشى خلف نعشه أحد من هؤلاء الاتباع الذين كانوا يملأون الدنيا ... لسبب بسيط .... هو أنهم كانوا فى هذا الوقت يملأون السجون .
واذا كان الامام الشهيد حسن البنا قد مات ... قان فكره لن يموت .... وتأثيره باق وممتد .... يتمثل فى أجيال صنعها على مائدة الاسلام بأسلوب العصر ... ويتمثل هذا المد العالمى للحركة الاسلاميه ؛ التى وضع - رحمه الله - بذورها الاولى ... وحسن البنا بعد كل هذا ... هو مجدد الاسلام فى القرن العشرين ...))) هى دى السطور اللى عجبتنى .... والصراحة السطور دى لخصت الكتاب كله .... والكاتب بدأ يبنى افكارة على السطور يعنى يشرح حته حته ..... الكتاااب جميل اوى .... انا ادعوا لكل اللى عايز يعرف مين هو حسن البنا وايه هى فكرته يقرا الكتاب ده ......
--------------------------

امبارح بأه وصلنى خبر ان الاستاذ محمود الوحيد ( مرشح الاخوان المسلمين لمجلس الشعب 2005 عن دائرة ديرب نجم والذى حصل على 33 الف صوت من اهل دائرته وسقطوه اولاد .... ) والمهندس محمد فياض (المرشح الاحتياطى للاستاذ محمود فى الانتخابات الماضيه والقيادى الاخوانى المعروف فى المركز بأكمله ) خدوا افراج وروحوا بيتهم بعد اعتقال دام أكثر من خمس شهور .... وسبب اعتقالهم معروف للكل طبعا ...... اخوان مسلمين ........ وفيه سبب تانى الا وهو ... خوفا من ترشحهم لانتخابات الشورى ..... لكن زى ما انتوا عارفين مافيش حد اترشح اصلا فى دائرة ديرب نجم ..... وجه دورى انى اقول للاستاذ محمود الوحيد حبيب الكل والملايين والمهندس محمد فياااااااااض مبرووووووووووك الافراج والبراءه جعلهم الله فى ميزان حسناتكم يارب العالمين و نقول لهم أن الإصلاح يستحق أكثر و نحن شباب الدعوة نرى فيكم التضحية و الثبات و الثقة فى نصر الله عز و جل و يبقى الإسلام هو الحل ...... والخبر كما جاء على شرقيه اون لاين
--------------------
معلش بأه استحملونى يا شباب وحشتونى ..... عايز اكمل كمان واقول حاجات كتييييييير فى نفسى ...... على العموم لو زهقانين وعايزنى اخلص انا ماعنديش مانع ..... وفى حبه اناشيد بأه بمناسبه فلسطين كده جبتهالكم .... وعايزكم تسمعوهاا ممكن ..... يلا ياعم قضيها فرفشه وضحك وبلاش غم وهم ......وقشطه عليكى يا مصر .....
الاغنيه الاولى .... بتتكلم عن دحلان .... عاملينله أغنيه اسمها بحبك يا حمار يا دحلان .... الاغنيه عجبتنى اوى
اسمعوها ...

-----------
الاغنيه التانيه .... باردوه بتتكلم على دحلان ...وبتقوله ... روح سلم على سيدك بوش ....يلا بينا نسمع الاغنيه
----------------
الحقيقه انا كنت عايز اكمل كمان اناشيد ...لكن للاسف جاللى اتصال تليفونى ولازم امشى ....
جايلكم انتظرونى

الخميس، 28 يونيو 2007

وخلصت امتحانات ....

اخيرا وبعد لما نفشى اتقطع خلصت امتحانات ..... ياااااااااه انا فين دلوقتى وبقيت فين ...... ان شاء الله يا شباب نتابع كتابه مواضيعنا .... من يوم السبت القادم باذن الله ...سبونى ارتاح شويه .... من الامتحان على المدونة عالاطول ...... ايه ما بتعتقوووووووش ...... وان شاء الله ... اوعدكم بمواضيع نار ومقالات اروع وتغطيات احلى وو .... وكل اللى يخطر على بالكم :)
باذن الله هنبدا كتابه مواضيعنا من يوم السبت القادم بعد انقطاع دام اسبوعين بالتمام والكمال ......
-------------
كان فيه موضوع لازم اتكلم عليه .... والموضوع اتكلمت عليه قبل كده .... لكن رجع للساحة مرة تانيه ... الموضوع هو مدونات الاخوان وقصة الرابطه من تانى ..... اللى بيحصل دلوقتى على ساحة المدونات ....
ان اخويا الفاضل عبدالرحمن عايش صاحب مدونة الغريب بدا يعمل القصه من جديد ويعيدها على اذاهنا بس بطريقه جديده الا وهى عمل محرك بحث خاص .... انا موافق حتى لو فيه محرك بحث او غير محرك بحث ..... بس المهم الرابطه ...... اخويا محمود سعيد صاحب مدونة ابن اخ يعارض وبشده ..... والسبب اقرأوه فى مدونته ..... اخويا المهندس علاء صاحب مدونة مش انا ... اعاد الموضوع على اذاهنا بطريقه جديدة ... ممكن تتابعوها على الرابط ده هو اتكلم فى الموضوع عن رابطه لمدونى مصر لكن لم يتكلم عن مدونى الاخوان .... محتااااار ... مدونى اخوان ... مدونى مصر ... مدونى الهباب ... مدونى العفريت .... اعمل ايه ..... قولت راى قبل كده فى حكايه رابطه مدونى الاخوان ... وقولت الاتى :انا غير موافق على الرابطة فى انها مش تكون حجر على المدونين فيما ينشرعلى مدوناتهم .. يعنى مش تيجى تشترك فى الرابطة يقوللك لابد ان تنشر كذا وكذا ولا تشتم ولا تنيل .... فهمتم قصدى ايه
اكون بأه موافق على الرابطة امتى ... لما تكون مهتمة بشؤن مدونى الاخوان وايدينا فى ايد بعض يعنى مثلا لو حبينا نعمل حملة نكون العنصر الفعال فى الدونات المصريه والعربيه والكل يبدا ينشر بانر للحملة والكل يكلم عنها ويشرح وجهه نظره عن الحملة المعموله ... ولو حد اعتقل مننا نبقى كلنا جاهزيين للرد من خلال مدوناتنا وكيانا الفعال على الانترنت ... اتمنى تكونوا فهمتونى ... اما بالنسبة لاقتراحاتى للرابطة هاقولها بعدين لما نيجى ساعه التنفيذ ....
--------------------------
انا مش جاى لى نفس للكتابه حاليا ... اكمل معاكم يوم السبت باذن الله .... انتظرونا

الخميس، 21 يونيو 2007

مين عميل يا عباس .. هنيه ولا دحلان ... ؟؟؟

انا مش ناوى اكتب حاجة انهارده ... وكنت ناوى والنيه لله انى ما اكتبش اى حاجة غير لما اخلص الامتحانت اللى هتخلص يوم الخميس 28\6 ... لكن يلا بأه حصل خير ... وكان لازم نكتب علشان الاحداث اللى حصلت فى فلسطين دى ... حصل ايه يا ترى ... حصل حاجات كتيييييييييييييير اوى اوى اوى اوى ... حصل ان حماس كما قال عباس وغيره من المحليلين المنتمين الى فلسطين ظاهرا وجوهريا لليهود ... ان حماس استولت على قطاع غزه وفصلتها عن الصفه وغير كده انها عايز السلطه وعايزه تضحك على الشعب وتاخد فلوسه وعايزه تاخد غزه ليها ... وعايزه وعايزه وعايزه .... ده غير كده خطاب عباس الوسخ اللى وصف فيه حماس بالعمالة لليهود ... مين يا كلب يا وسخ يا مجرم يا عميل اللى عميل لليهود ... مين يا عباس اللى بيروح ويسلم على وزيرة الخاريجه اليهوديه ويبوسها ... مين يا عميل .. مين اللى بيبوس ويحضن اولمرت ...مين يا عباس ... مين اللى بيجهز قوات امن الرئاسه علشان يحارب حماس .... مين ؟ ...يا اخى اناو الله ما عارفلك هتروح جنه ولا نار ... انا زهقت كلام وقرف وكلكم فاهمين مين ورا الكلب دحلان وعباس ... فيه سؤال اخير عايز اسأله ... ليه يا عباس لما انت اقلت حكومة حماس وعملتلى حكومة طوارئ برئاسه العميل سلام فياض ايدتها اسرائيل وامريكا ؟؟؟ ... ممكن تجاوب على السؤال ده ...
بعض الصور نصعها بين ايديكم وتحكموا انتم ....

دحلان .. الشهير بدودو عباس ... والشهير ايصا بدحلول ...

يا عبس ... يا عميل ... لو رجال حماس قتله يبقى دحلول ايه ؟؟؟

دحلول مع حبايبه قوات حفظ السلام الاوروبيه علشان خاطر اسرائيل بس

اسكت يا كلب ... عندما تحدث هذا العميل الذى نطق كفرا

الصورة واصحه يا شباب ... والله واضحه ... بيلعبوا كيلو باميه ... فكرتنى يا عبس باللعبه دى كنت بالعبها وانا صغير
يا راجل ... يا جامد يا تقيل ... يا امن الرئاسه ... اهيه حماس هزمتك ... ههههههههههههههههههه
هما دول الرجال يا عباس يا عميل .... هما دول اللى هيحرروا تراب فلسطين ...
اترك لكم الصورة للتعليق ... مش هاعلق ... بس ياريت دماغكم ما يروحش بعييييييد
رئيس وزراء أصلي مش .... زي التقليد إللي عندنا ....!! حب حقيقي ....ومشاعر صادقه ...لأن الشعوب ما يضحكش عليها
وبيلعب كره مع أطفال الشهداء بجد مش تمثليه علشان التصوير ...
الحارس الشخصي لهنيه بعد ان خطفه رجال دحلان وعذبوه ....!!

تعذيب بالنار يا دحلان... يا ولاد ال.....أسد علي....وعلي الصهاينه نعامه .... !!!

---------------
شباب ... اعذرونى كلام مش متناسق مع نفسه المرة دى لأنى مش كنت فاصى وهو ده اللى جه على لسانى اعذرونى

الجمعة، 8 يونيو 2007

عندما يلقب حسنى مبارك بالرسول صلى الله عليه وسلم ..


عندما يلقب الرئيس المبجل الفرعون الاب القائد المحترم الزعيم المؤمن الفاضل :حسنى مبارك ... عندما يلقب هذا الرئيس الذى يحكمنا خمس وعشرون عاما بالرسول صلى الله عليه وسلم ... ماذا بعد ذلك ؟ ... عايز بعد كده ايه يا شعب يا مصرى .... ياشعب لا والنبى قول ... عايز ايه ؟؟...ايه ؟؟؟.... اشهدوا يا مسلمين يا ناااااااس يا عالم يا هووو يا مصريين يا طلاب يا محامين يا مهندسين يا عمال يا فلاحين يا مدرسين يا دكاترة يا شعب .... حسنى مبارك بيقول على نفسه صلى الله عليه وسلم .... الحكايه وما فيها علشان نبقى على نور كده ... هى نقلا عن موقع ولاد البلد ونافذه مصر والمصرى اليوم ... الحكايه ايه يا سى عمرو .... الحكايه كبيرة اوى ... الحكايه ان فى يوم 30 مايو الماضى ... فى اليوم ده دارة المنيا التعليميه اطلقت على رئيس جمهوريتنا العربيه (صلى الله عليه وسلم) وقالت لطلاب الصف الاول الثانوى أن رئيس الجمهوريه (صلى الله عليه وسلم) اه والله الكلام ده ... مش مصدقين .... لأ وايه وجه مرتيه فى الامتحان وفى سؤال واحد الاوهو السؤال الثالث من الفقرة (ب) فى امتحان التاريخ لسنه اولى ثانوى عام ...وجه ازاى يا ترى اقوللك اهوه :((صلى الله عليه وسلم ،قام الرئيس مبارك بماردرة ديموقراطيه مهمه بتعديل المادة 76 من الستور المصرى بشأن الانتخاب المباشر لرئيس الجمهوريه صلى الله عليه وسلم)) السؤال كان بيقول ما المصطلح العلمى لتلك الحقيقة التاريخيه ..... ها اقتنعت يللى بتقرا البوست ان الكلام صح ... حسنى مبارك صلى الله عليه وسلم .... نعم ... ها هى الحقيقة ... ما تصلوا عليه يا شباب .... مش لاقى كلام اقوله انا جوايا كلام عايز اقوله لكن ما ينفعش انشره ... جوايا كلام كتير اوى اوى اوى .... انا مش هاعرف اقول غير حسبنا الله ونعم الوكيل .... مش عارف الجملة دى دايما بتلصق على لسانى بعد لما يكون فيه خبر وحش فى مصر ... مش عارف اقول غيرها .... مش عارف اعمل حاجة ... حسبنا الله ونعم الوكيل فيك ايها الظالم المستبد ....

--------

فى حاجة تانيه عايز اقولها .... هى شديدة شوية ... اعذرونى البوست ده شديد اوى كده .... معلش يا شباب ...الحاجة التانيه دى هى :
فاكرين لما سمعتوا فى نشرات الاخبار ان مرافق رئيس الوزراء الفلسطينى اسماعيل هنيه اختطف .... فاكرين ولا لأ ... على العموم هو ده اللى حصل .... ازاى وايه اللى حصل ومين اللى اختطفه ...اصبروا عليا ... اللى اختطفه يا سيدى فتح ... اه فتح ..فتح اللى هى حركة فلسطينيه ... اه فتح اللى هما يبقوا المفروض بيدافعوا عن ارض اسمها فلسطين .... اه فتح اللى مبهدله الدنيا ومش عايزه حماس فى الحكم .... عملت ايه فتح دى .... عملت حاجة خطيرة اوى ....تصدقوا عملت ايه ..... الاول لازم نعرف ان من ضمن عناصر حركة فتح الفلسطينيه دى عصابات اسمها تيار لحد .... العصابات دى هى اللى عامله فتنه فى البلد دلوقتى .... المهم نرجع لموضوعنا الاصلى ...العصابات دى خطفت المرافق والحارس لدولة رئس الوزراء الفلسطينى اسماعيل هنيه .. وعذبوه اشد تعذيب زى ما هنشوف فى الصور ... وحلقوا راسه وحاجبيه وكوه بالنار ... حصل امتى الكلام ده ... حصل يوم الاربع يعنى اول امبارح ... وافرجوا عنه امتى يوم الخميس امبارح .... مرافق الرئيس اسمه حسن البزم .... لكن قد تسأل لماذا هذه العصابات الفتحاويه اللى هى من دم ولحم الشعب الفلسطينى خطفوه ....ليه .... علشان دول عملاء لليهود .... مش عايزين حكومة حماس .... اللى انتخبها الشعب الفلسطينى كله ..... مش عايزين حماس اللى مش راضيه تعترف اليهود وعايزه تحرر فلسطين .... الا وهى يا عمرو فتح مش عايزه تحرر فلسطين ... وبتعترف باليهود ... ايوه ... هو ده اللى بيحصل دلوقتى ... الفتنه الطائفيه واللى سببها هذا الخروف اللى اسمه عباس ... عباس ده عميل لليهود وامريكا .... عميل ... مابالك لما يكون رئيس دولة محتله عميل للدولة اللى بتحتله عايز ايه اكتر من كده .... حسبنا الله ونعم الوكيل على كل ظالم ..... اللهم حرر مسجدنا الاقصى من ايدى اليهود وبراثين العملاء .... نرجع تانى لموضوعنا ... والصور اهيه ...






الصور نقلا عن موقع القسام واسلام اون لاين ..

شباب اعذرونى لشده بوست انهارده .... يلا بأه روحوا ناموا .... لأ نسيتوا عايزين نشوف تعليقاتكم يا هندسه .... امال يه ... لازم ... مستنى يا شباب ..يا بنات ... تعليقاتكم

الأحد، 3 يونيو 2007

انتخابات الشورى فى دايرتى

من المعلوم والمعروف لديك او لدى اجهزه الاعلام ان الاخوان المسلمين دخلوا بـ 19 مرشح من 88 مرشح فى جميع دوائر الجمهوريه ... ومن المعروف ايضا ان الاخوان دخلوا الانتخابات فى الشرقيه بمرشحين .. الا وهما الدكتور ناجى صقر مرشح الدائرة الاولى (الزقازيق ) والاستاذ عزت غريب مرشح الدائرة الثانيه (منيا القمح والعاشر وبلبيس) صح ولا لأ ... صح الكلام ... الاخوان ما دخلوش الانتخابات فى دايرتى الا وهى دائرة ديرب نجم وابراهيميه وهيها ... لحد دلوقتى والكلام تمام التمام ...ندخل فى المفيد والمهم والمعلوم بأه ..مش صح ولا ايه ... ندخل ...
----------------------------------------
دخل الانتخابات حتى الان اربع مرشحين الا هم ... فايز الكفراوى (مستقل) - زكى السويدى ( وطنى) - محمد الحنفى (مستقل ) - احمد البحطيطى (مستقل) - سعد العجوز ( مستقل ) .... لكن انت مش استغربت من حاجة .. من ايه يا ترى ... من ان عدد المرشحين فى دائرة بها اكتر من 300 الف صوت ... اه صح ... طب ليه يا ترى ... اقولك انا واحكيلك القصه وما فيها ... زى ما بيقلولوا ... الحقيقه كان داخل الانتخابات دى يجى اربع مرشحين او خمسه كمان غير دول وابرزهم جمال عبد العزيز بدوى ورضا عبد العال .. الخمسه دول كانوا عايزين يدخلوا الحزب اى بمعنى يبقوا مرشحين الحزب وكل واحد بيتنافس انه يبقى مرشح الحزب ... كله قدم ورقه للمجمع الانتخابى بتاع الحزب وكله على امل انه يبقى مرشح الحزب ... لكن خاب املهم ولم يعلن المجمع الانتخابى للحزب عن اختياره لأحد المتقدمين له ... لكن ما حدث كان المفاجاه والمفاجاه الكبرى كمان .... جه نجيب التونسى (هذه القصه حقيقية ورواها لى رئيس لجنة التنميه الادارية بالحزب فى مركز ديرب ) ..مين نجيب التونسى ده يا عمرو .. ده امين الحزب بالمركز ... جه الراجل ده وقال للمتقدمين للحزب انهم يديوله ورقهم اللى هيترشحوا بيه ويعملولوه توكيل علشان هو اللى هيقدملهم ... كلهم وافقوا يا معلم ... وكله تمام ادوا للراجل ده ورقهم والتوكيل كمان .... جه ايام الترشيح ... اول يوم ما قدمش نجيب ... تانى يوم باردوه ما قدمش ...المرشحين قلقانين ... تالت يوم باردوه نفس الحكايه ... رابع يوم نفس الحكايه ... خامس يوم بأه جه عمو نجيب التونسى قدم ورق لمرشح واحد بس ... عارف هو مين زكى السويدى وقلب الباقى ههههههههههههههه .... قلبهم قلبه تمام .... وضحك عليهم .... حتى لا خلاهم يدخلوا مستقلين ولا حاجة ده قشطهم بره .... ههههههههههههه ..... المهم ثارت الشائعات فى البلد ان جمال انسحب ليه يا جماعه ... قالك علشان جمال مادخلش الحزب ... والناس ما تعرفش الحقيقة ايه .... الحقيقة الحزب ضحك عليه وادالوه بومبه كبييييييييره اوى ... هههههههههه حلوة بومبه دى ... نتكلم بأه عن كل مرشح من المرشحين اللى داخلين الانتخابات دول
نبدا ببتاع الحزب الواطى : زكى السويدى
زكى هذا رجل بلغ من العمر الـ 85 عاما ...ومش عارف مترشح ازاى .... مش عارف الراجل ده هيشيل هموم دايريتن ازاى ..ابن زكى ده قابلته فى مرة وقولتله ابوك داخل الانتخابات يا عم احمد قاللى اه ... قولتله وهو لسه فى حيل يدخل ... قاللى اقوللك على حاجة .... قولتله ايه ... قاللى انا مش مقتنع ان ابويا يدخل ... لكن هو يعمل ايه ... عائلة السويدى مدخلاه الانتخابات علشان المصانع والشركات بتاعتها اللى فى العاشر .... قاللى فهمت اللى فيها ...قولتله فهمت التيته
نأتى للدعايه الانتخابيه التى يتبعها زكى .... الدعايه يا سيدى انه طول النهار ولليل ممشى عربيات فى البلد ... بتقول ايه العربيات دى ... بتقول : الله اكبر والحق من عند لله (لاحظوا شعارات دينيه تسبب فتنة طائفيه ومحظورة من الدستور فى قانون مباشرة الحقوق السياسية ) وعماله تقول .. الهلال رمزنا ... سر يا زكى على بركة الله واحنا وراك ان شاء الله ( سر بس اوعى تقع يا زكى فى السكة ) ... رمز السماء ... رمز النوور ... انه الهلال ... الله اكبر وزكى مرشحنا ... الله اكبر وزكى نائبنا ... ههههههههه والعربيات عماله تقول كده وانا اضحك .... وبيقولوا كمان .... نعم للتغير (انا مش فاهم ازاى تغيير وهو اللى كان موجود الدورة اللى فاتت ) نعم للفكر لجديد ... نعم لبتاع الحزب ... انتخبوا بتاع الواطيين ... الحزب هو املنا فى الاصلاح .... قشطة يا اصلاح ... ههههههههههههههههههههه .... ومن ضمن دعايه زكى انه معلق بوسترات على الحيطان مكتوب عليها .... الا تنصروه فقد نصركم ... دى مش شعارات دينيه .... سر يا زكى يا بتاع الحزب ...
نأتى لتانى مرشح فى القائمة الا وهو محمد الحنفى .... محمد الحنفى ده بأه حكايته طويله اوى ... الراجل ده مدرس حاسب الى ... ولسه عنده تلاتين سنه ... ومش داخل تبع احزاب مستقل يعنى ..... الراجل ده بأه ممشى عربيات طول النهار بتقول .... انتخبوا محمد الحنفى ابن التربيه والتعليم .... ابن البلد .... ابن ديرب وهيها وابراهيميه ... ابن مصر .... انتخبوا العلم .... وعمالين يقولوا ... انتخبوا رجل العصر ... رجل الكمبيوتر والتكنولوجيا .... رجل العطاء والوفاء ... والمفتاح رمزنا .... وايه كمان ... الله اكبر كما قال الاباء .... انا اول ما سمعتها من هنا قعدت اضحك لما اقول يا بس ... هههههههههههههههههه .... قال كما قال الاباء .... واحنا مش قولنا الله اكبر يا حنفى يا بتاع الكمبيوتر ..... هههههههههههههههههههههه ...... ومن ضمن الدعايه بتاعته بوسترات .... عاملك بوستر بأه بس عاجبنى اوى .... وهو قاعد قدام لاب توب .. اه والله ... وجمبه مقلمه بتاع قلمه .... وباصصلك للكاميرا ومكتوب على الصورة .... الشباب - العلم - العطاء .... انه المفتاح ..لا تتنازلوا .... هههههههههههههههههههههههههه ..... فيه حكايه واحد صاحب بابا قالهاله عن الراجل ده ... الراجل ده محامى صاحب بابا .... فا بيقوله انت ليه مرترشح يا حنفى .... قاله انا فاشل ولعل جمال مبارك يختارنى ضمن شلته الفاشلة .... والله الحكايه مرويه من الراجل بالنص .... عايز ايه اكتر من كده .... ومن ضمن دعايه محمد الحنفى ... انه عملك موقع ... اه عملك موقع على النت .... السيره الذاتيه لمحمد الحنفى بتقول انه اتخرج من الكليه طلع بأه مدير للشركة برمجيات .... ازاى مش عارف ..... اه والله ....
نأتى للمرشح الثالث اللى هو اسمه سعد العجوز .... سعد العجوز ده دكتور .... ومش عامل دعايه عندنا الا يافطه او اتنين فى المركز كله .... وكاتب عليها ايه .... صديق المرضى .... البرلمانى القدير ... هههههههه ... انا مش عارف زااى هو برلمانى وهو ما نجحش لسه .... شوفته الهبل ودكتور ..... امال لو مش دكتور ....ههههههههههههه
اما فايز الكفراوى والبحطيطى ده .... مش عاملين دعايه عندنا خالص .... مش عارف داخلين ليه .....
وهذه كانت تغطيتنا للدعايه الانتخابيه والمرشحين ..... فى دائرة ديرب نجم وهيها وابراهيميه بمحافظة الشرقيه - الدائرة الثالثه على مستوى المحافظة
--------
خلاص بأه كده وسلام ... اسيبكم تناموا

أهم مبادئ الديمواقراطيه المصريه والعربية

عارفين ايه اهم مبادئ الديموقراطيه والعربيه .... لأ مش عارفين عرفهالنا يا سى عمرو ... نعرفهالكم ولا تزعلوا .... وبالصور كمان ...
تابعوا معانا الصور

حريه الكلام والتعبير

حريه الحركة والفكر

والنتيجة ... تبقى مرحرح على الاخر .. قشطه ...ههههه
--------------
وانا بادعبس فى النت ... قولت افتح موقع اخوان الدقهليه فتحته لقيت فيه حاجة خطيرة اوى .... لقت خبر بيقوللك ... تقرير مصور عمدة قرية كفر الترعة القديم بمركز شربين هو وشيخ الخفر وهم يقومان بإزالة لافتات وملصقات لمرشح الإخوان بدائرة طلخا عبد المحسن قمحاوى .... وبالصور كمان .... تعالوا بينا نشوف الصور



اللافتة المستهدفة .... ترى هل ينجح العمدة وشيخ الخفر والبلطجى فى الوصول للهدف وتمزيق اللافتة تابعونا


شيخ الخفر يحمل السلم متجها إلى الهدف
العمدة يتجه هو الآخر إلى الهدف

شيخ الخفر يقترب من الهدف

شيخ الخفر يبدأ فى تنفيذ المهمة

أوشكت المهمة على الانتهاء

وتمت العملية بنجاح

يتفقون على المهمة التالية

شيخ الخفر فى اتجاهه إلى المهمة الثانية

يقترب من الهدف

يقترب أكثر

بدأ فى التنفييذ

-----------------

فاكرين لما قولتلكم انى هاكتب عن انتخابات الشورى فى دايرتى ... لما قولتلكم فى بوست اسمه ... فى الشرقيه الحكايه زادت عن حدها ان شاء الله البوست اللى جاى هاكتب عن االانتخابات فى دايرتى ... وكمان هافجر مفاجأه من النوع الثقيل اوى اوى .... وهو حكايه حكهالى امين لجنه التنميه الماليه والاداريه بالحزب الواطى ....

كفااااااااااارة يا منعم ... كفارة يا حبيبى


ما تصدقوش فرحت قد ايه اول ما عرفت ان منعم طلع ... قولت فى نفسى كبيرنا طلع .... ومسيرة مدونات الاخوان ترجع تاااانى ... واقوى ما هى ماشيه .... مبروك يا منعم ... مبروك يا حبيبى على خروجك ...يارب اجعله فى ميزان حسناتك ....
اول صور لمنعم بعد خروجه من السجن ... نقلا عن مدونة الصورة


مبرووووووووووووووك يا منعم على الحرية ....