الجمعة، ٨ يونيو ٢٠٠٧

عندما يلقب حسنى مبارك بالرسول صلى الله عليه وسلم ..


عندما يلقب الرئيس المبجل الفرعون الاب القائد المحترم الزعيم المؤمن الفاضل :حسنى مبارك ... عندما يلقب هذا الرئيس الذى يحكمنا خمس وعشرون عاما بالرسول صلى الله عليه وسلم ... ماذا بعد ذلك ؟ ... عايز بعد كده ايه يا شعب يا مصرى .... ياشعب لا والنبى قول ... عايز ايه ؟؟...ايه ؟؟؟.... اشهدوا يا مسلمين يا ناااااااس يا عالم يا هووو يا مصريين يا طلاب يا محامين يا مهندسين يا عمال يا فلاحين يا مدرسين يا دكاترة يا شعب .... حسنى مبارك بيقول على نفسه صلى الله عليه وسلم .... الحكايه وما فيها علشان نبقى على نور كده ... هى نقلا عن موقع ولاد البلد ونافذه مصر والمصرى اليوم ... الحكايه ايه يا سى عمرو .... الحكايه كبيرة اوى ... الحكايه ان فى يوم 30 مايو الماضى ... فى اليوم ده دارة المنيا التعليميه اطلقت على رئيس جمهوريتنا العربيه (صلى الله عليه وسلم) وقالت لطلاب الصف الاول الثانوى أن رئيس الجمهوريه (صلى الله عليه وسلم) اه والله الكلام ده ... مش مصدقين .... لأ وايه وجه مرتيه فى الامتحان وفى سؤال واحد الاوهو السؤال الثالث من الفقرة (ب) فى امتحان التاريخ لسنه اولى ثانوى عام ...وجه ازاى يا ترى اقوللك اهوه :((صلى الله عليه وسلم ،قام الرئيس مبارك بماردرة ديموقراطيه مهمه بتعديل المادة 76 من الستور المصرى بشأن الانتخاب المباشر لرئيس الجمهوريه صلى الله عليه وسلم)) السؤال كان بيقول ما المصطلح العلمى لتلك الحقيقة التاريخيه ..... ها اقتنعت يللى بتقرا البوست ان الكلام صح ... حسنى مبارك صلى الله عليه وسلم .... نعم ... ها هى الحقيقة ... ما تصلوا عليه يا شباب .... مش لاقى كلام اقوله انا جوايا كلام عايز اقوله لكن ما ينفعش انشره ... جوايا كلام كتير اوى اوى اوى .... انا مش هاعرف اقول غير حسبنا الله ونعم الوكيل .... مش عارف الجملة دى دايما بتلصق على لسانى بعد لما يكون فيه خبر وحش فى مصر ... مش عارف اقول غيرها .... مش عارف اعمل حاجة ... حسبنا الله ونعم الوكيل فيك ايها الظالم المستبد ....

--------

فى حاجة تانيه عايز اقولها .... هى شديدة شوية ... اعذرونى البوست ده شديد اوى كده .... معلش يا شباب ...الحاجة التانيه دى هى :
فاكرين لما سمعتوا فى نشرات الاخبار ان مرافق رئيس الوزراء الفلسطينى اسماعيل هنيه اختطف .... فاكرين ولا لأ ... على العموم هو ده اللى حصل .... ازاى وايه اللى حصل ومين اللى اختطفه ...اصبروا عليا ... اللى اختطفه يا سيدى فتح ... اه فتح ..فتح اللى هى حركة فلسطينيه ... اه فتح اللى هما يبقوا المفروض بيدافعوا عن ارض اسمها فلسطين .... اه فتح اللى مبهدله الدنيا ومش عايزه حماس فى الحكم .... عملت ايه فتح دى .... عملت حاجة خطيرة اوى ....تصدقوا عملت ايه ..... الاول لازم نعرف ان من ضمن عناصر حركة فتح الفلسطينيه دى عصابات اسمها تيار لحد .... العصابات دى هى اللى عامله فتنه فى البلد دلوقتى .... المهم نرجع لموضوعنا الاصلى ...العصابات دى خطفت المرافق والحارس لدولة رئس الوزراء الفلسطينى اسماعيل هنيه .. وعذبوه اشد تعذيب زى ما هنشوف فى الصور ... وحلقوا راسه وحاجبيه وكوه بالنار ... حصل امتى الكلام ده ... حصل يوم الاربع يعنى اول امبارح ... وافرجوا عنه امتى يوم الخميس امبارح .... مرافق الرئيس اسمه حسن البزم .... لكن قد تسأل لماذا هذه العصابات الفتحاويه اللى هى من دم ولحم الشعب الفلسطينى خطفوه ....ليه .... علشان دول عملاء لليهود .... مش عايزين حكومة حماس .... اللى انتخبها الشعب الفلسطينى كله ..... مش عايزين حماس اللى مش راضيه تعترف اليهود وعايزه تحرر فلسطين .... الا وهى يا عمرو فتح مش عايزه تحرر فلسطين ... وبتعترف باليهود ... ايوه ... هو ده اللى بيحصل دلوقتى ... الفتنه الطائفيه واللى سببها هذا الخروف اللى اسمه عباس ... عباس ده عميل لليهود وامريكا .... عميل ... مابالك لما يكون رئيس دولة محتله عميل للدولة اللى بتحتله عايز ايه اكتر من كده .... حسبنا الله ونعم الوكيل على كل ظالم ..... اللهم حرر مسجدنا الاقصى من ايدى اليهود وبراثين العملاء .... نرجع تانى لموضوعنا ... والصور اهيه ...






الصور نقلا عن موقع القسام واسلام اون لاين ..

شباب اعذرونى لشده بوست انهارده .... يلا بأه روحوا ناموا .... لأ نسيتوا عايزين نشوف تعليقاتكم يا هندسه .... امال يه ... لازم ... مستنى يا شباب ..يا بنات ... تعليقاتكم

هناك ٨ تعليقات:

جمعاوى يقول...

عمرو باشا
فرحان أوى إن أنا أول واحد اعلق على البوست الجاااااااااامد ده
بداية أحب أسجل إعجابى بأسلوبك فى الكتابة
" حلوة أسجل إعجابى دى "
و ناوى و النية لله أعلق على الموضوعيين
بداية
موضوع الريس

تقوول إيه لو إنت قرأت اللى جااى دى فى الشارع مكتوب على لافته كبيييييييييييرة

و بلاش شتيمة ..ماشى

إسمع يا سيدى


عن بن عباس قال
أمرنا رسول الله بالسمع و الطاعة و الأ ننازع الامر اهله ..لذلك و من هذا المنطلق تؤيد جمعية انصار السنة أمير المؤمنيين فى مصر السيد الرئيس محمدحسنى مبارك لفترة رئاسية جديدة

ده كان مكتوب و قرأته مرة و انا فى مدينة دمنهور فى اكبر شارع فيها
و كان عاملها واحد إسمه محمود العامر
كان مرشخ نفسه امام الدكتور حشمت فى إنتخابات 2000
و خد 214 صووت
و الدكتور خد 16.000صوت


الموضوع التانى

فتح إيه يا عمنا

دى طلعت ألعن من الحزن الوطنى

آسف

أقصد الحزب الوثنى

ييييي


آسف كمان مرة

قصدى الحزب الوطنى


با عمنا

فكنا

و ربنا على الظالم و المفترى و بن الحرام و اللى فى بالى

سلام يا كبيير

عمرو سلامة يقول...

ياااااااااااااااه مش مصدق يا جمعاوى انا فرحان اد ايه علشان ردك المشجع ده ... بس انا باردوه لسه على قدى وما استاهلش ده كله والله ... شكرا جزيلا على ردك ... وجعله يارب فى ميزان حسناتك ...
اه نسيت اقوللك ... ربنا معاك فى امتحاناتك لأحسن انت باين عليك مزنوق اوى ... باين من البوست الاخير بتاعك انك مزنوق اوى اوى اوى

أخـــ مسلمة ـــت يقول...

طبعا لا اخفي ذهولي من الموضوعين

والتالت اللي كتبه الاخ جمعاوي

-------

وفي نفس ذات الوقت لا اخفي ازدرائي لهذا الحاكم و هؤلاء المحكومين السذج

بجد مش عارفة اقول ايه غير

حسبي الله ونعم الموكيل و ربنا ينتقم من الظالم
---------
اما موضوع فتح فحضرتك كتبت الخلاصة

اذا كان حاكم دولة محتلة عميل للاحتلال

يبقي ايه حال شوية الكلاب اللي حواليه-----

طبعا دمي اتحرق

بس جزاكم الله خيرا

و احييكم علي الاسلوب الجميل ده

جمعاوى يقول...

بداية يا عمووووووووور


و بدون مقدمات

أخوك لا يعرف المجاملات إطلاقاً

التدوينه بتاعتك حلوة

علشان مده قلت لك حلوة

و لو لا قدر الله و حشه ح أقولك وحشة

و ياسيدى جزااكم الله خيراً على الدعاء

أما عن الزنقه فخلاص

زنقة أخوك إتفكت و خلصت إمتحانات

============================


الأخت المسلمة


لا تذهلى أختى الكريمة

فهناك من المتديننين

أقصد ادعياء التديين

من هم أشد على الإسلام من العملاء الخونة

دمتم بخير

اسلام رفاعى يقول...

حسبنا الله ونعم الوكيل
بداية النهاية لفرعون انه قال انا ربكم الاعلى
.................
الحل مع التيار اللحدى فى فلسطين الاستئصال

عمرو سلامة يقول...

اولا اقول سلام عليكم واعذرونى يا شباب انى ما تابعتكمش ولا رديت عليكم ... ان اسف يا جمعاوى .. اسف يا اسلام .. اسف يا اخت مسلمة ... اعذرونى يا شباب والله مزنوق فى الامتحانات لم هاموت ...
----------
نبدا بأختنا الفاضلة المحترمة مسلمة ...
ولا اقولها ...كلمك حلو اوى فى مدونتك وبالذات الشر اللى بالانجليزى اللى كتباه ... والله جميل ... بس للاسف ما علقتش عليه عشان مش فاضى يا ريت تعذرينى ... اما بالننسبه لتعليقك ... فانا اشكرك جزيل الشكر على تعليقك ... وبالنسبه لاشلوب كتابته فانا اعتبره تشجيعا منكم لى .. واتمنى من الله ان لا اخذلكم واستمر بنفس هذا الاسلوب واحسن منكم كمان
-------
بالنسبه لأخويا اللى حبيته كده لله فى لله جمعاوى ...
شكرا جزيلا على ردك ... وان شاء الله تشوف منى الاحسن يا جمعاوى يا اخوياااا
واعذرنى انى مش رديت عليك فى البوست الاخير بتاعك ... اعذرنى حبيبى
----------
واسلام الرفاعى .. جعلك اله دائما مرفوع الرأس ... شكرا جزيلا على ردك ... ويجابيتك وفعلا بدا الاستئصال اهوه .. كتائب القسام بدأت تستأصل هذا التيال اللحدى اللعين بقيادة دحلان لعنه الله ...
وحسبنا الله ونعم الوكليل فى كل ظالم متجبر

عمرو المصري يقول...

اخي في الله
موضوعك جميل لكن
تذكرك ان المشكلة ليست مع فتح ولكن مع تيار الانقلابيين الذين باعوا القضية لن اكتب شيئا اضافيا فقد كتبت تلك الكلمات نفسها في مدونات كتيييييييييييييييييير

انا هاضيف شوية لنكات يارب يارب توضح اللي عايز اقوله

المدونة رائعة

اتمني تشريفك ليا
في
مملكة الاستشهاديين
في
ارض الحرب

اللنكات اهيه


http://palestine-info.info/ar/default.aspx?xyz=U6Qq7k%2bcOd87MDI46m9rUxJEpMO%2bi1s71SpHOO%2fFUV%2fCZ0rYB5fNiLQT9shoDfAF%2b6TAJyaWCGqm6FsO63HrfAzM07f%2bXYb4kU%2bdWIaRGYYgSZSjzw0Wm%2btWk2iF%2bYYCl6wpTG0Z%2f9A%3d

لاحظ كلمات الاخ مشعل ان المشكلة ليست مع فتح



http://palestine-info.info/ar/default.aspx?xyz=U6Qq7k%2bcOd87MDI46m9rUxJEpMO%2bi1s7M5%2fLJNfWjaCLgY3IeD0WXuSEMlWEkWySAs7wxsPLy%2bdl9qkGMdkMrsHGq9qsYito%2blw1sxk2IDo5gTJtr%2bYUDp%2buuylTvRJSe49X76j%2bcjw%3d



وكمان لنك



http://palestine-info.info/ar/default.aspx?xyz=U6Qq7k%2bcOd87MDI46m9rUxJEpMO%2bi1s7Ix7LP8usFbDV5FPx5z5Ur4AWMtdWGb8hqA0BopHvLWl7m4PWxHC1hW7AJGP13g092VLriOoWylrcd7xHvanG8tFCd%2bjt9voW1i38ufGDfxM%3d


===============


http://palestine-info.info/ar/default.aspx?xyz=U6Qq7k%2bcOd87MDI46m9rUxJEpMO%2bi1s7E6nOK%2fz6dtRiK7JhNsD8BafyodLTNjAJdT5WmKBqTCcMedg3XrGrShz2sv8Z5U0EwLgd%2fS6xgz4p6zS0rFDg7nIx9XQOk2eFT6CPlB2FLNE%3d

شفت ياعم الصهاينة
===========

http://palestine-info.info/ar/default.aspx?xyz=U6Qq7k%2bcOd87MDI46m9rUxJEpMO%2bi1s7WyoiZ%2fjOMejRGtTCqEphPO0aoS7YNIZVbAdPZNETGw3EqlLakTjicmNnEKrmOP7w%2f87aSw%2fzK6vRKjqy%2finkiKkMsYWdUr8mho3T70qXsO4%3d

==================

التقل كله هنا

http://www.alqassam.ps/arabic/


==================

تحياتي من
ارض
الحرب

غير معرف يقول...

التحليق خارج السرب

نرجو من الاخوة الأفاضل التصدي للهجمة الصليبية علي الحجاب

وللتدخل السافل في شؤون ديننا وعقيدتنا علي الرابط التالي

https://www.blogger.com/comment.g?blogID=8118285876871204718&postID=5983297636189102833

رجاء من الأخوة الأفاضل الاهتمام بالأمر وتفعيله علي مستوي المدونات الاسلامية

عباد الصليب بيعلمو بنات المسلمين يلبسو ايه

وشوبة مسلمات متخفلات عقليا في صفهم وفضيحة

جزاكم الله خيرا