الأحد، 8 أغسطس، 2010

هذا هو المؤتمر الاول لدعم جمال مبارك فى ديرب نجم شرقية - لسه عايش تفضح منسقين المؤتمر بالصورة والفيديو

أهالى القرية يرفضون دعم جمال مبارك فقاموا بتقطيع الملصقات

يتواصل الكذب ، ويتواصل الافتراء ، ويتواصل التدليس والنفاق والمصلحة ، وتبدا للاسف من بلدى من الشرقيه ومن المركز الذى أسكن فيه ديرب نجم وفى قرية شبرا صورا، حيث بدا ما يسمى بالائتلاف الشعبى لتأييد ما يسمى بجمال مبارك (ابن الريس ) لرئاسة مستقبل مصر ، من غير أى رؤيه ولا أى هدف أو حتة أجندة يحملونها فى طياتهم غير انهم يريدون ابن الرئيس رئيسا لهم لتمشية مصالح لهم فى البلاد ، بعد ان عاثوا فى الارض فسادا وبيعا لاراضى مصر بأثمان بخسه ، واحتكروا البلد لهم واصبحت اموال الشعب فى يد حفنه من المستفيدين ، ويأتى هذا الائتلاف الشعبى لتأييد مبارك الابن لكى ( على حسب قولهم ) : لانه يجعل مصر مستقره امنه .

أريكم صور للمهزله ، التى يزعمون فيها التأييد ، وكيف جمعوا الاطفال لرفع صور جمال بيه ، وكيف يفكرون . هؤلاء هم أعضاء الحملة الشعبية لتأيد جمال مبارك
والغريب أن الحملة بدأت من احدى الشوارع الضيقه داخل القريه يعنى ليست على الطريق الرئيسى مثلا .
هذا هو ما يسمى بمؤتمر تدشين حملة الائتلاف الشعبى لدعم جمال مبارك والمخطط لها أن تجمع 5 مليون تفويض لجمال مبارك بدأت بـ 20 تفويض فقط فى حماية خمسة من مخبرين من امن الدولة و10 أمناء شرطة و3 مخبرين سريين غير ان هناك سيارة أمن مركزى على أول طريق شبرا صورا بمركز ديرب نجم محافظة الشرقيه مجهزه لحماية اعضاء الائتلاف من غضب الأهالى ، والاستاذ مجدى الكردى بينشد أمام الاعلام ان الامن يعترضه وانه يطالب بتكافؤ الفرص بينه وبين الدكتور البرادعى

الان انا آتى لكم ببعض الفيديوهات أرسلت لى من الجمعية الوطنية للتغيير بالشرقيه ، وصوروها من قرية شبرا صورا التى بدات فيها الحمله الشعبية لتأييد جمال مبارك ، واعلمكم ان هذه القريه تتبع لمركز ديرب نجم التى انا منها ، أأسف ان تكون بلدى هو اول من يؤيد هذا الشخص الغير مرغوب فيه شعبيا .

اضحك مع مؤسسين الائتلاف التأييد الشعبى لتأييد مبارك الابن


هذا هو الصحفى المسمى بمجدى الكردى ، اضحك مع جمال



هذا هو المؤتمر الشعبى ، لمة أطفال وعربيه بتقول رجل المهام الصعبه جمال بيه


هناك 7 تعليقات:

المجاهد الصغير يقول...

السلام عليكم
هم يبكى وهم يضحك
حسبنا الله ونعم الوكيل
كل سنه وانتم بخير

ريحانة الاسلام يقول...

ربنا ينتقم من كل ظالم
عايز منصب لاغراض شخصية ليه
ومش يتقى ربنا فيه
وربنا يسترها
شكلنا داخلين على ايام تمام
..
كل سنة وحضرتك طيب

غير معرف يقول...

انا مش عارفه اللى بيبيعوا ضمايرهم دول وينزلوا يائيدوه كده ليه وفى مقابل ايه فلوس وايه يعنى الفلوس مع تقييد الحريه
بجد شعب يفرس
وحسبنا الله ونعم الوكيل فى كل ظالم ومفترى
ربنا يولى علينا من يتقى الله فينا
جزاكم الله خيرا على المجهود وكل عام وانتم الى الله اقرب ربنا يبلغكم رمضان ياااااارب
حماس

olaelfouly يقول...

كل عام وانت والاسره بكل خير رمضان كريم
علا الفولى

راجية الرحمه يقول...

مش جديد عليهم
حاجه متوقعه
لا ولسه كمان ياما هنشوف فى الفتره اللى جايه
نصيحه من اختك
قول لوالدتك تدعليك كتير الايام اللى جايه
واحنا فى رمضان والدعاء بأذن الله مستجاب
ربنا يستر عليك

راجية الرحمه يقول...
أزال المؤلف هذا التعليق.
راجية الرحمه يقول...

عمرو سلامه
اعرف جيدا انك من الشخصيات التى لا تخاف
وانا افتخر بل سعيده بأنى اعرف عمرو سلامه و طبعا الفضل لله ثم لـ موقع شباب وبس -نجع الكلامنجيه- لا توجد اسباب رئيسيه لكتابه -الكومنت - ولكن يمكن ان يكون خوف من المستقبل وما سيحدث اثناء فتره انتخابات الرئاسه.... وليك عندى خبر حلو - حلمت ان الراس الكبيره ماتت -
ادعى بقى الحلم يتحقق وانا والله كل بوست بتكتبه بدعيلك بعديه ربنا يسترها معاك
وعقبال يارب ما انشوفك قريب على كرسى فى قناه الجزيره