الخميس، 27 سبتمبر، 2007

لسه عايش تحصل على فيديو اعتقال طلاب الجامعه من الحرم الجامعى

سامعين عن اعتقالات .. وسامعين عن فصل ... وسامعين تضيقات ... وسامعين عن حاجات كتير اوى حصلت فى الجامعه ... ايه الحكايه يا جامعات مصر .....
الحكايه ان امن الدولة شد حيله من اول اسبوع عشان اتحاد الطلاب .... فا بيبدا يقض الاخوان من اول اسبوع عشان مش يعموا شوشره فى انتخابات الاتحاد ... هكذا يمشى السيناريو ....
الحقيقه انا هاتكلم فى اخر خبر حتى الان حصل فى جامعات مصر ...
سانقل لكم نص الخبر من اخوان اون لاين كما كتبته عن جامعه الفيوم .... وحصلنا على فيديو القبض على طلاب الاخوان من حرم الجامعه وفى عربيه ملاكى وقدام الطلبه كلهم .... عايز اكتر من كده ايه ... الفيديو حصرى على لسه عايش يا شباب ...
المهم نص الخبر كما هو فى اخوان اون لاين

في جامعة المنوفية فقد شهدت كلية الهندسة حالةً من التصعيد الأمني ضد طلاب الإخوان المسلمين وصل إلى درجة دفعت قائد الحرس الرائد مدحت باظا بالاعتداء المباشر على الطلاب عند دخولهم الكلية؛ حيث قام بضرب أحد الطلاب على بوابة الدخول وأخذ كل متعلقاته الشخصية، ودفع طالبًا آخر بيده بهمجية كادت تؤدي إلى وقوعه كما قام بتطويق عنق طالب آخر أثناء التحدث معه.

وعندما اعترض الطلاب على ما يقوم به قائد الحرس قال لهم: "البوابة دي بتاعتي واعمل فيها اللي أنا عايزه".

وقد أكد الطلاب في بيانٍ تمَّ توزيعه اليوم أن قائد الحرس تعدَّى الحدود ولم يكترث أو يراعِ أي حق من حقوق الطلاب وضرب بعرض الحائط كل القوانين واللوائح التي تحفظ للحرم الجامعي حرمته، مطالبين بتحويل الضابط للمساءلة العاجلة، وأكد الطلاب رفضهم لأي اعتداءٍ على حقوقهم وأي مساسٍ بكرامتهم، كما نظَّم الطلاب أمس مسيرةً سلميةً؛ احتجاجًا على ما صدر من حرس الكلية.



يظهر الفيديو قيام ضباط وأفراد امن بالجامعة باعتقال طالب بكلية الهندسة من داخل الحرم الجامعى ويظهر فى الصورة الضابط مروان مازن (أصلع الرأس ويرتدى قميصا ازرق اللون ) وهو ضابط أمن الدولة المسئول عن كل هذه الاعتقالات

لسه عايش فى المحله غدا



باذن المولى عز وجل ان شاء الله لسه عايش تصل الى المحله لتغطى أكبر اعتصام بمصر حتى الان .... لتكون فى وسط 27 الف عامل يطالبون بحقوقهم والدوله ما بتعبرش بل بتماطل وبتبعتلهم أمن دوله يهاجموهم .... باذن الله سنكون هناك وسنحصل على صور وفيديوهات حصريه .... ادعولنا نوصل بالسلامة ونرجع بالسلامة ... ستكون هناك ايضا تقارير أوليه من هناك على المدونة لما يحدث فى هذا اليوم .... انتظرونا شباب ...

ملحوطه : لسه عايش أول مدونة اخوانيه ستكون هناك ... وتتشرف ان نكون اول مدونه اخوانيه تغطى هذا الاعتصام الذى يعد من اكبر الاعتصامات فى تاريخ مصر حتى الان ....

---
انتظرونا بكرة باذن الله ...

الأربعاء، 26 سبتمبر، 2007

عاجل : أمن الدولة تقتحم شركات غزل المحله الليله

فى تطور غريب ومفاجئ تقوم ميليشيات أمن الدولة بقيادة العميد رأفت عثمان مدير أمن الشركة بمحاصرة الشركة وغلق ابوابها ساعه افطار المعتصمين ولكن المعتصمين قاموا ونجحوا فى فتح الابواب ... ويبدوا أن امن الدولة عرف قدرة هؤلاء المعتصمين فتوافدت عربات ومدرعات وجنود امن الدولة الى المكان بكثرة لم يعهدها المكان من قبل فقامت بمحاصرة المكان وتحدثت مصادر فى اوساط العاملين بالمحله الان أن القوات تستعد لعمليه قد تكون خطيره جدا وهى الهجوم على العمال واقتحام الشركات فى الوقت ذاته بدا ان العمال كان همهم الاول أن يحافظوا على ماكينات والات الشركة فعينوا افرادا من المعتصمين للحفاظ عليها .... يذكر أنه قد قامت قوات أمن الدولة باعتقال جميله اسماعيل زوجة الدكتور ايمن نور عندما جاءت الى المحله ومعها مساعدات غذائيه للمعتصمين وقد قاموا المعتصمين باخلاء سبيلها عندما كانت فى طريقها لقسم شرطة المحله ....
الوضع متأزم جدا حسب وصف اخونا المدون كريم البحيرىمدون فى المحله .... وننتظر ماذا سوف يحدث الليله ... هل ستكون مفاجاه ام لا ... نحن نتابع الموقف لحظة بلحظه ... فانتظرونا
كتبنا هذا التقرير فى الساعه العاشرة والنصف الا خامسه يوم الاربعاء
26\9\2007
----
نستعرض سويا بعض من الصور التى حصلنا عليها من داخل الاعتصام ...









ملحوظة : لدينا صورا أخرى ولكن نكتفى بهذا الان ... والصور حصلنا عليها من الصحفى حملاوى عبر موقع فيلكر ..

الثلاثاء، 18 سبتمبر، 2007

لسه عايش ترصد معلم رمضان فى الشارع المصرى

قد يقول البعض ما سبب هذه التدوينه ... ما احنا عارفين معالم رمضان فى مصر ... الا وهو الكنافه والقطايف والفانوس والبلح .... ايه الجديد يا عم عمرو هتقدمهولنا فى رمضان السنادى ... ارد عليك واقولك .... فيه جديد .... الجديد فى رمضان السنه دى يا شباب ... ومن المعالم الرمضانيه الجديده التى حازت على اقبال الشعب المصرى وبكثرة .... البوظاااا... نعم البوزا او البوظا .... زى ما تسموها قولوها .... انها البوظا تعالوا معى نحكى الحكايه من البدايه ونروى روايه البوظا التى اثارت مشاعرى لكون الشعب المصرى اختار هذه البوظا جديد هذا رمضان ... نعم انها البوظا ...
اخذت كاميراتى قبل المغرب بنصف ساعه تقريبا أتجول فى شوراع بلدتى مركز ديرب نجم ( مركز من مراكز محافظة الشرقيه ) ... لكى التقط لكم صورا جديده جدا او اهم ما يميز رمضان السنه دى .. بحثت كثيرا حتى وجدت ... ماذا واجدت؟.. وجدت تجمعا كبيرا مكون من حوالى 25 فرداً .. حول تربيزه ... لم اكن اعلم ماذا يجرى .... تخيلت انه طابورا لفرن عيش ... لأن التجمهر كان امام الفرن ... ولكن قلت فى نفسى هو فيه فرن عيش هيفتح قبل المغرب بنص ساعه ... استغربت ... استعددت للتصوير ... وذهبت الى المكان .... ووجدت الصدمه ... وجدت كل هؤلاء الناس وقبل الافطار امام البوظا .... وجدت الرجل يعبى البوظا وعمال يقولهم هامشيكم كلكم بالراحه .. انت عايز بكام يا بنى وانتى يا حاجة ... بأه ده كله عشان البوظا .... البوظا ... تعمل ده كله فى الشعب المصرى ... والله العظيم ولا طابور العيش ويمكن اكتر كمان .... نستعرض معا الصور ... ودور البوظا - الهام - فى حياة المصرى فى رمضان ...
----




----
بعد البوظا والمهلبيه والبتنجان .... صورنا لكم باردوه الفانوس والقطايف والكنافه وكمان اللمه حوالين طاسه القليه بتاعه الطعميه عند بتاع الفول والفلافل .... هذه اساسيات ولا يمكن الاستغناء عنها فى رمضان عند الشعب المصرى واضفنا اليها شيئا جديده السنه دى الا وهى البوظا .... معأ نستعرض صور الكنافه والقطايف والفانوس والطعميه
نرجوا ان لم تكن الصور غير واضحه عن أحد ان تضغط على الصورة للتكبير
الفانـــوس



الكنافه والقطايف تنتشر وبقوة















بائع الطعميه والفول قبل الافطار بنصف ساعه .... ماذا تتوقع .... كما من البشر حلوة ينتظرون الطعميه الساخنه صورنا لكم اللقطه الوحيده لهذا المطعم


البلح وهو فى الشارع ده معلم من معالم رمضان ... تعالوا نشوف




مائدة الرحمن


ساعه المغرب والاذان يرفع .... كان الشارع الملئ بالبشر فاضى نهائى من اى نفر من الانفار .... اليكم الصور




فى رمضان تمتاز الجوامع بالانوار المعلقه والزينات والاضواء اللى بتحسسك بأجواء رمضان واجواء الروحانيه والعبادة ... نستعرض المساجد ... وصور لعدة مساجد



---------------------------
هيييييه يا بلد .... بعد الاكل بأه ويظهر انكم جعتم تعالوا معانا نطيييير لفلسطين ... اعذرونى موضوع فلسطين ده ماحدش شاغل نفسه بيه ... والكل فاكر ان فلسطين الايام دى ... فتح بتضرب فى حماس وحماس بتطحن فى فتح .... والمقاومه باه نسيت دورها ... فا انا ومن منطلق هذا التفكير ..نصحح المفاهيم وندلى بالاراء ونقوم الاخطاء ... البوست اللى فات لو تفتكروا قولت ان الويه الناصر والسرايا (بتاعه الجهاد) ضربوا صاورخين على موقع عسكرى فرتكوه وجرحوا 77 نفر من انفار اليهود .... ماشى يا سيدى ... حلو الكلام ... المرة دى بأه اليهود هددوا بطحن قطاع غزه وايدهم فى ذلك عباس النمروس العميل لليهود الرئيس الفلسطينى ... وذكرت جريدة يديعوت احرانوت ... بان اسرائيل تستعد وبمباركة الفتحاويه بدك القطاع دكا معتبرا ... ولكن ما ان نشرت الصحف الاسرائيله هذا الكلام وبدات الجرافات والدبابات فى التحرك الا ان قام المقاومين القساميون بمناوارات عسكريه واستعراض عضلاتهم أمام العالم كله .... وتهديد اليهود بان مش هيحصلهم خير لو دخلوا واصدرت كتائب القسام بيانا قالوا فيه العدوان على غزه سيسقط اولمرت ويكبد جيشه فضائح جديده وخسائر فادحه وسيسحق كل آماله وتطلعاته السقيمه .... هكذا قال عنوان البيان ... البيان نفسه اقرأوه على هذا اللينك ...
وناتى لصور الاستعراض او المناوره (خليها باللغه الحربيه ) التى استعرضت فيها القوات القساميه انفسهم بالصواريخ والاسلحه المضاده للطيران وغيرها من الاسلحه والمفاجات التى لم يعهدها اليهود من قبل .... اللهم انصر اخواننا فى فلسطين وانصر المقاومين على اعدائهم ... وحرر المسجد الاقصى يا رب العالمين ... ومش تنسوا يا شباب ان رمضان شهر الفتوحات وشهر النصر ... ومش تنسوا ساعه الفطار اخوانكم فى فلسطين ... اوعى تنسى ان هما قاعدين وهما بيفطروا وخايفين لا صاروخ ينزل عليهم وانت قاعد فى امان ... ادعيلهم ... مش تنساهم فى دعاك وانت بتفطر .. ....نأتى لصور المناورة الحربيه ونقول الله عليكى يا قسام... الله عليكم يا مجاهدين ... بايديكم هنحررها وهنفتحها














دى مناورة عسكريه قامت بها الكتائب القساميه .... ولكن هناك مناورة قبل دى .... وصورها هنا على هذه الروابط

المجموعه الاولى


المجموعه الثانيه

---------
وبعد الوجبه الجهاديه والحماسيه الدسمه ناتى للوجبه الايمانيه والتى سوف نستمر عليها طيله هذا الشهر الكريم الموضوع بعنوان ( على مائده الافطار تذكر )
ونحيط علمكم أن هذه موضوعات متفرقه ننشرها على حلقات نتمنى الاستفادة ونتمنى من الله الثواب والاجر العظيم ....


لو بصيت لنفسك.... هتلاقى ذنوب زى الجبال ...ذنوب أنت عارفها ... وذنوب عملتها ونسيتها .... وذنوب لسه مُصّر عليها.أنت بقى ناوى تخش رمضان بكل تلك الذنوب ... ناوى تصوم وأنت لسه مُصّر على المعاصى ...ناوى تصلى التراويح وأنت لسه بتعصى ربك .ربك حبيبك ... والله إنه حبيبك....أنت تحبه أليس كذلك؟؟ وهو يحبك. وأنت مازلت تصر على مبارزته بالمعاصى.....ما زلت تسمع قال الله وقال رسول الله ...وتقول أنت سمعنا وعصينا...ليه عايزه يغضب عليك .
طيب ...نويت تتوب ...أول سؤال لازم تجاوب عليه نويت تتوب من إيه ...كلنا بنعصى ربنا لكن لازم نتوب من المعاصى دى...وعشان نتوب لازم نحدد إيه هى المعاصى ؟؟؟هات ورقة وقلم...حالا الآن وأنت تقرأ هذا المقال...بسرعة ...واكتب:

ذنوبى مع ربي
..............
..............
..............
ذنوبى مع الخلق
...........
...........
...........
طب وإيه الفرق من ذنوبك مع الله وذنوبك مع الخلق؟؟؟التوبة ليها شروط...وشروطها هى:

1- ندم على ما فعلته من معاصى (فى الماضى)وهو:أن تستشعر الخطأ على ما فعلته فى حق ربك .-الإقلاع عن الذنب (فى الحاضر) وهو:أن تبتعد عن المعصية إبتعادا كليا وعدم إقترافه مرة أخرى.3

-العزم على عدم العودة(فى المستقبل) وهو:النية فى القلب أنك لن تعود مرة أخرى لهذا الذنب (زى ناس تتوب فى رمضان عن الأغانى مثلا ... وإن سألته يقول لك أنا مش هسمع أغانى فى رمضان ...وطب وبعد رمضان؟؟؟
تلك الشروط إن كانت فى حق سيدك وحبيبك ومولاك وإن كانت فى حق الخلق فلها شرط رابع:

4-رد المظالم إلى أهلها وهو:أنك لو أغتبت شخصا فعليك أن تستسمحه حتى يرضى , وإن لم تقدر فأذكره بالمدح أمام الناس وخاصة من سمعوا هذه الغيبة.
برضه مش ناوى تتوب؟؟ ...هتقولى يا سيدى أنت إيش عرفك؟؟ ... هقولك إنك بتقرأ الكلام ده وكأنه مش موجه ليك .... خلى بالك الكلام ده موجه ليك وليا ولجميع الناس...لأن مفيش حد مابيعصيش ربنا.
خلى بالك...ربنا وأنت بتعصيه برضه نسبك ليه وجعلك من عباده...بس بيناديك تعالى إلي أيها العبد إسمع لسيدك وحبيبك ومولاك ...اسمع وتدبر لعل الله يتوب عليك:(قل لعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا) ...مهما أسرفت ومهما عصيت ربنا هيتوب عليك ... شوفت إزاى هو بيحبك؟؟؟
وأخيرا وليس آخرا .... "إن الله يفرح بتوبة العبد" هل تريد أن يفرح الله بك ...هل تريد أن يقول ربك للملائكة أشهدكم يا ملائكتى أنى أحب فلان فأحبوه...أو أشهدكم يا ملائكتى أنى أمقت فلان فامقتوه؟؟؟.
توب بقى وخش رمضان وأنت نضيف ... توب بقى ومتخليش الشيطان يسوقك ويتحكم فيك يقول لك يمينا فتذهب يمينا ويقول لك شمالا فتذهب شمالا

--------------------
قررت ان ابتعد عن السياسه فى رمضان ... وأن اجعل هذا الشهر طاعه لله ولكن لم يفلح هذا الامر(مش فلح يعنى انى ما مش طعت ربنا لأ مش فلح انى ابتعدت عن السياسه فى رمضان) ... فاخذت السياسه تلح معى بشده ... ولكن اعذرونى لن اتكلم كثيرا عن السياسه ولكن اللى خلانى اكتب عن السياسه اليوم هو موضوع شديد الاهميه ...الموضوع يقول
الافراج عن 120 معتقلا من جماعه الاخوان المسلمين ... لم أصدق نفسى طرت من الفرحه ... ولكن تذكرت كلام الاعلام ... هل هيا تهدئه ام مثلا صفقه ام قرارات افراج واول مرة يعنى تعملها الحكومة وتنفذ قرارات الافراج .... لكن جاءت ان الحكايه قرارات افراج .... ولكنى اتسائل عن المغزى ... 120 معتقل ودفعه واحد وفى يوم واحد يطلعوا ... ايه اللى جرى ... حسنى مبارك حب يعمل خير فى رمضان ولا حب يتوب ولا ايه بالظبط .... لن اطول الحديث بل انى سوف أشكر هذه المرة وزارة الداخليه على الافراج الذى كنا نتمناه ونأمل أن يفرج عن باقى المعتقلين فى أقرب وقت ممكن .... وبمناسبه توبة حسنى مبارك ننشر له هذا الفيديو وهو يتوب عن كل الاخطاء والافعال التى ارتكبها فى حق هذا الشعب الاصيل الكريم .... الفيديو من عمل اخويا القسام جزاه الله كل خير ....
الاول قبل اى فيديو اقرأ الخبر هنا على ولاد البلد

ممممممم... الفيديو بأه ... اهوه


والى هنا وننتهى من تدوينتنا الشبه يوميه ... او التى تأتيكم كل ثلاث ايام ... من الشرقيه يحيكم عمرو سلامة ... وشكرا لكل من تابعنا وكل من علق عندنا وكل من ابدى اراؤه بكل حريه وصراحه ....