الاثنين، 30 يوليو 2007

لسه عايش فى المؤتمر التأسيسى للمدون خانه ..

البدايه كانت دعوة وجدتها فى رساله على الايميل بتاعى ... فتحت الرساله وجدتها دعوة لمؤتمر تأسيسى للمدونة خانه ... ذهبت افكر قليلا هل لابد من ذاهبى ... هل ذهابى سوف يأثر على هذا المؤتمر شيئا ام لا .... وبعد يوم بالظبط من هذا الموقف ... وجدت اختنا العزيزه سارة بندارى صاحبه مدونة انا محظورة وقالتلى على الدعوه اللى وجهت ليها ... فاتثبت الموضوع فى دماغى اكتر وعقدت النيه على الذهاب للمؤتمر وذهبت فعلا وكان يوم السبت الماضى ... خرجت من بيتنا الساعه الثانيه ظهرا وذهبت للموقف وقعدت فى البيجو نص ساعه على ما العربيه حملت عبود .... حملت العربيه وطلعت وروحت عبود .... وركبت رمسيس ووصلت رمسيس وبعد رمسيس ركبت مترو من هناك للملك صالح وسألت فين سينما فاتن حمامه دى ... لحد ما وصلت للسينما هنا احترت سألت كتير اوى على ام المركز ... طب اللى مش عارف المركز يدلنى على شارع باهر زغلول كله كان بيقوللى امشى عالاطول .... مشيت عالاطول وبعد لما وصلت تقريبا للمكان سألت واحد قولتله هو ده الشارع .... قاللى لأ ارجع لأول الشارع تانى عند السينما واسال هناك فى محل الدمياطى للفول والطعميه ... وقوله فين شارع باهر زغلول هيقوللك ورا .... الحقيقة انا رجعت تااااانى المشوار اللى انا مشيته كله وهنا سالت واحد ميكانيكى قاللى يابن امشى تانى عالاطول قداااااام عند المدرسه ... انا بأه كنت هاموت ... ازاى الراجل قاللى هو هنا .... قولت حسبنا الله ونعم الوكيل فى الراجل اللى ادانى المقلب ... رجعت تانى ... ووصلت وكده لحد ما وصلت كانت الساعه سته ونص ... والمؤتمر معاده الساعه سته دخلت المركز وكما وصفه اصدقائى وحبايبى المدونين اللى جم انه مكان يعنى لا يعلمه امن الدولة ولا المدونين انفسهم .... شوفتوا باه .... المهم دخلت ولقيت الناس قاعده والاخوات قاعدين .... وسلمت على علاء الغزالى ... والمدونين وقعدت جمب علاء واحمد الجيزاوى .... وقولت عايزين نتعارف ... فا قولت ... عمرو سلامة ( لسه عايش ) .... كله قال وفى نفس واحد لسه عايش ... امال محمد عادل ميت يبقى ايه .... قولتلهم انا غير محمد عادل .... احمد الجيزاوى طلع وقال .... ليه لسه عايش ... اقوله لسه عايش ياخى .... يقوللى ليه .... قولتله عشان بلدى .... قاللى اسمك لس بيعطينا الامل والتفاؤل قولتله كتر خيرك .... بدانا فى التعارف .... وكده وكان معانا المدونين الاتيين : حين البأس - أنا باحبك يا مصر - ميت - كش ملك - بن ناصر - صاحب البوابة - لماذا نرحل - الحصاد - ممنوع - مش أنا - هاتكلم و هاقول - مش حاسكت - كلام و فش غليل - امام الجيل - المواطن المطحون - لسه عايش - عصفور المدينة - حزيـن- حنظلة - شوية أفكار
أيضاً
شقاوة شعب - أنا محظورة - باحبك يا مصر - أنا كده
وكمان بعض العاملين فى المركز العربى للدرسات وبعض الصحفيين .. بدانا الكلام وبدا المهندس علاء فى شرح الفكرة ... وبدا يشرح نقطه نقطه .... ويفهمنا اهداف التجمع اللى كانت
1 - متابعة أخبار المدونين و النداء بحريتهم في التعبير بطرق و أساليب مختلفة تنطلق من الموقع مع توصيف المعنى الأخلاقي لمفهوم حرية التعبير.
2 - عمل دليل للمدونين المنضمين للتجمع.
3 - التضامن مع حملات صديقة مماثلة لفكرة التجمع.
الاتفاق على ميثاق شرف يوافق عليه المنضم للتجمع قبل الانضمام و يكون شرطا لانضمامه
5- التأكيد على أن الاختلاف في الفكر هو ظاهرة صحية مثمرة
.6 - الدعوة لتجمعات تعارف و مؤتمرات للمدونين بشكل دوري
7 - التأكيد على الحفاظ على حقوق الملكية الفكرية و استخدام أساليب فعالة مثل التشهير
وايضا شرح ميثاق الشرف اللى من واجب كل مدون ان يتبعه فى حال انضمامه للمدون خانه ...
و أن يحتوي ميثاق الشرف على نقاط أخلاقية رئيسية منها:1
أن لا يستخدم المدون الالفاظ البذيئة و الفاحشة.2
– الا يكون المدون من الذين يسبون الأديان.3
– نبذ المثليين و الشواذ جنسيا و الذين يتحدثون عن الجنس بشكل فاحش.
------------------
وايضا طرحنا عده اقتراحات ولاقت اقبال عند علاء والمدونين زى الدعايه والدعم الفنى للموقع والتصويت السرى للاعضاء ونظام الاجتماع وشكل الموقع والابواب اللى اتفقنا منها بابا اسمه دليل المدونين ... اتفقنا ايضا على الهيكل التنظيمى للمدونة هيبقى عندنا لجنه التغطيات والتصميم والمشرفين
-----------
كانت هناك سلبيات اود ان اعرضها بين ايديكم
- مصطفى الحسينى ... كل شويه يعارض يابن الناس اسمع للاخر يقوم مقاطع علاء ... بس ديموقراطيه عشان ماحدش يقوللك اللى احنا عايزنه مشيناه ... كان فيه باردوه مقاطعه من اخ كده يعقد يقاطع ويقاطع علاء فى حاجت عبيطه ... يعنى كنا بنتكلم عن مسأله الشواذ تلاقيه طالع زى البتاع كده وقايل خلو بالكم الشاذين جنسيا دول بيعملوا حزب دلوقتى .... يعنى ايه ياعم عايزهم يجوا .... يااه كنت مخنوق منه بشكل ومرة يطلع يقوللك ويتكلم فى حكايه الناس اللى بتشتم وتسب الدين ده كان يطلع يقوللك طب لو انا شفت واحد سب الاسلام وهو مسيحى ومعانا فى المدونه خانه اشتمه بـه واشتم اللى خلفوه .... كان هبل لغايه هبل .... احنا متفقين اللى هيدخل معانا لا يشتم ولا يسب الدين ....
- السلبيه التانيه ان المكان مجهول ... دى سلبيه بحالها ...
- زى ما قال اخويا امام الجيل ان احان مش حطينا وقت زمنى لعمل المدونة ولا كده واجلو كل حاجة لعمل المدونة .... فا المفروض كان يحطوا سقف زمنى للانتهاء من الموقع واحنا مستنين اهوه مش عارف بقى نستنى سنه ولا اتنين
- ان فيه ناس مشيت بادرى اوى وناس جات متأخر ومش كان ينفع كده ...
------------
باردوه كان فيه ايجابيات وكتير كمان
- انى اتعرفت على شويه مدونين الحقيه كنت اتمنى انى اتعرف عليهم وحصللى الشرف وقابلتهم ...
- الشاى اللى انا شربته كان جميل اوى
هههههههههه ...شويه حاجات حلوة كده
-----------------
يلا بقى نطلع ونشوف الصور اللى انا صورتها ... بس تم حذف صور الاخوات من الصور لطلبهم ذللك ... نشوف الصور ... ونحيط علمكم ان الصور خاصه بمدونة لسه عايش نرجو ذكر المصدر






هناك 33 تعليقًا:

المواطن المطحون يقول...

جزاك الله خير ايا عم عمرو
بس علي فكره ارجو اعداه نشر الصور بعد اعده تظبيطها لان اسمي المواطن المطحون وليس المواطن الزهقان
بس علي العموم جزاك الله خيرا

سارة بندارى يقول...

تغطية أكثر من رائعة


جزيت خيرا عمرو سلامة


صحفى متميز باذن الله

جميل والله

محمود الششتاوي يقول...

مجهود رائع يا اخ عمرو ومعلش بقى المركز بتاعنا ضيق حبتين بس اهه أحسن من مفيش انت عارف بقى التجميد وتوابعه ربنا يفك عنا الحظر والتجميد
على فكرة انا صاحب مدونة حنظلة
حــنــظــلــة
http://7anzala.wordpress.com

علاء يقول...

جميل يا عمور
ربنا يبارك فيك و يحفظك يا حبيبي

غير معرف يقول...

ما شاء الله
شغل جميل اوي يا عمور
ربنا يجعله في ميزان حسناتكم
ويوفقكم يارب و تقوم المدون خانه بيكم على خير
سلااام
عبدالرحمن عياش
غريب

عصفور المدينة يقول...

إيه الحلاوة دي يا عمرو ده انت رايق أوي انت صورت الصور دي امتى
لو شفتك تاني حاخطفك
بس انا ماحضرتش الراجل اللي ضايقك أوي ده كنت اتفاهمت معاه
مين هو؟

امام الجيل يقول...

عموووووووووور
ايه ده كنت بتصور من غير ما اعرف طيب هعديها المرة دى
ربنا يكرمك تغطية رائعة جدا وجميلة
والصور مميزة جبتنا كلنا يا مفترى
خير ان شاء الله

عمرو سلامة يقول...

لأخويا المواطن الزهقان ...
جزانا واياكم يا حبيبى ... وانا اسف انى كتبت غلط لكن مش هاعرف اعيدها تانى لأنى تعبت فيها اوى وانا باظبطها ... اعذرنى يا عم محمد ... انا اسف ...

عمرو سلامة يقول...

لأختى المحترمه ... سارة بندارى اللى شرفتنا فى المؤتمر ... جزانا واياكم يا فندم ... وان شاء الله صحفى .. وشكرا جزيلا على الزيارة

عمرو سلامة يقول...

ياااااااااااه احنا والله ما اضايقنا من ضيق المركز يا اخ محمود .... ده احنا مبسوطين انكم استضافتونا ... مش عارفين نقولكم ايه ...شكرا ولا جزاكم الله خيرا .... احنا ممتنين لكم بكل الشكر ... ويارب فك عنكم الحظر والتجميد .... شرفت مدونتى يا اخويا العزيز

عمرو سلامة يقول...

شكرا يا علاء يا اخويا على ردك اللى بسطنى جدا .... ربنا يحميك ويصونك انت ... ويخليك لينا يا قائدنا ... شرفت مدونتى يا هندسه

عمرو سلامة يقول...

يااااه عبد الرحمن عايش هنا بحاله ... مش مصدق ... وبيعلق فى مدونتى كمان ... الحقيقة انا طاير من الفرح ... شكرا يا عبد الرحمن على تعليقك ويارب يقوم المدون خانه بسلام زى ما انت قولت .... شكرا على رك اللى شرفنى وشكرا على تشريفك ليا

عمرو سلامة يقول...

هههههههههه صورتها يا عصفور وانت مش شايفنى ... امال ايه هو احنا بنلعب يا عصفور مصر مش المدينه .... وبالنسبه للراجل اللى ضايقنى هابقى اقوللك عليه بعدين .... بينى وبينك يعنى ... شرفت مدونتى يا استاذى الفاضل ....

عمرو سلامة يقول...

امال ايه يا امامنا ... انا كان نفسى اتصور معاك ... بس خفت لأحسن تقوللى لأ ... صورتك باه وانت بتكلم مصطفى الحسينى .... شفت بأه ... هههههه ...عديها المرة دى بأه معلش .... اوعى تزعل ؟؟؟ .... ماشى يا امامنا شرفتنى بردك واسعدتنى بزيارتك ....

امام الجيل يقول...

ربنا يكرمك ازعل ايه بس وايه اقولك لا دى ايه يا بنى انت فاكرنى مين بس
ربنا يعزك
كنت هقولك انت ليه اتاخرت ومنزلتش بوست عن المدون خانة بس لقيتك عامل بوست وكل الناس بتنقل منك كمان
شكلك بوست يا عمووووور

جمعاوى روش طحن يقول...

عم عمرو

صحافة ..صحافة ..يعنى


الله ينور

Monzer يقول...

أهم اتفاق
ان المدونين كلهم اتفقوا
ان المقر الى كنا قاعدين فيه
ماتعرفش الداخلية ولا أمن الدولة توصله :)) مش يوصله مدونين

سعدت بالتعرف عليكم كلكم
وصور ما شاء الله جامدة

بن توفيق يقول...

ربنا يكرمك يا عمووووور على التغطية الجميلة دى

بس انت ليه مش حاطط اسم مدونتى فوقي

ولا انا عشان مشيت بدرى .. مش لحقنا نتكلم مع بعض


على الهعموم انا فرحان انى شفتك .. اه متعرفتش عليك قوى
بس مسيره يجى اليوم اللة نتعرف قوى ان شاء الله

عمرو سلامة يقول...

يا امامنا انا لما بانزل بوست ... بانزل واحد يكسر الدنيا .... مش بنلعب احنا .... اصل انا بينى وبينك حاولت الفت نظر الناس لحاجة اسمها المدون خانه فنشرت الصور وكده ... فاهمنى طبعا .... يارب الناس كلها تكون اتلفت نظرها لحاجة بنعملها جديد اسمها المدون خانه .... وشكرا يا امامنا يا اعز امام ... يا امام التدوين كله ... على ردك الغاااالى ده ...

عمرو سلامة يقول...

صحافه ياعم ... انا على قدى يا عم جمعاوى ما تكبرنيش اوى كده الله يخليك ... انا على قد حالى وحياتك .... ربنا يباركلى فيك ويعزك يارب .... وشكرا على ردك يا اخوياااا .... وشكرا عل ىالمرور اللى شرفنى ..

عمرو سلامة يقول...

ياااااااااااه منذر بحاله بيعلق عندى ده ايه الهنا اللى انا فيه ده ... منذر يا جماعه ده الريس بتاعى فى المدون خانه ... فوق عينى وراسى ....
شكرا يا منذر على ردك اللى فرحنى والله ... انا ما كنتش متخيل ناك هتيجى بنفسك وترد عندى ... ربنا يخليك يارب

Monzer يقول...

ما هو لاما بتتريق
لاما بتتريق يعنى :)))

ربنا يبارك فيك يا عموووووووووور
والله انت عسل

عمرو المصري يقول...

السلام عليكم ورحمة الله

لم يمن الله علي بالحضور
كنت مشغول في مهمة حرب جديدة
لارض الحرب
ووفقت بفضل ربنا

وان كنت شايف انكم ما شاء الله مكفيين نفسكم بنفسكم ومش ناقصاني اساسا عشان تلاقوا واحد زيي كده قاعد وسطيكوا تضايقوه يقوم مفجر نفسه وسطيكوا


انا بهزر طبعا


ربنا يكرمك
تغطية ممتازة
اسف علي انقطاعي عن المدونة المدة السابقة

منتظرك هناك
في مملكة الاستشهاديين

في
ارض الحرب

ابو مفراح يقول...

جميل اخى تغطيه جميله
نقبل الله الخطى و الفر من المسافرين
و تقبل الله الفكرة و نمت و ظهرت فى سبيله ان شاء الله
ابو مفراح

اسلام رفاعى يقول...

جزاكم الله خيرا ياعمرو على التغطية دىوربنايوفقكم فى المدون خانة

إخوانية مصرية يقول...

تغطية اكثر من رائعة
احمدك يارب
اخيرا لقيت حد غطي المؤتمر
الحمد لله
عقبال بقي ما الموقع يتعمل
بس بجد التغطية متميزة جداااا

عمرو سلامة يقول...

ربنا يبارك فيك يا منذر .... انا ياعم لا باتريق ولا حاجة .... والله الكلام طالع من القلب علااطول .... ربنا يخليك لينا يا منذرنا...

عمرو سلامة يقول...

ههههههههههههههه ماشى ياعم عمرو المصرى ... الحمد لله انك وفقت فى مهمه الحرب ... دى أهم حاجة ... غير كده بأه انسى .... ده انت مبهدل الدنيا بعملياتك مرة فى فلسطين ومرة فى العراق ومرة فى افغانستان ... يعنى انا مش عارف اقوللك ايه ... ربنا يسهلك وينصرك على هؤلاء المعادين الكفرة .. هههههههههه...
----------
ومنتظرين مهماتك الحربيه الجديده ... وشكرا على ردك اللى شرفنى كتييير اوى اوى

المواطن المطحون يقول...

علي فكره الصور متعدله عندي وكلها تمام

امام الجيل يقول...

عمووووووووور
ليك تاج عندى تعال واستلمه
سلام

اسلام رفاعى يقول...

عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى
ارجوك انشرها

فاروتا المصرى يقول...

ربنا يكرمك
وياريت نعملوا مؤتمر فى اسكندريه عندنا علشان نحضروا احنا كمان

غير معرف يقول...

التحليق خارج السرب

هام

أرجو من الاخوة الافاضل الانتصار للحجاب وتفعيل المشاركة الجماعية في التصدي للتدخل الصليبي ضد معتقداتنا وفي شئوننا

هنا علي هذا الرابط

تعدي سافل يحتاج الي مجهود وردود حتي يعلمو أنه ليس من اليسير التسافل علي معتقداتنا

من هنا تأتي الجرأة علي الاسلام وعلي الرسول منن الخارج

من بين ظهرانينا


اليكم الرابط

https://www.blogger.com/comment.g?blogID=8118285876871204718&postID=5983297636189102833

رجاء من الاخوة التفاعل وتفعيل التصدي في المدونات الاسلامية

وجزاكم الله خيرا