منع افطار والدى ... بالصور

عرفوا ان هناك افطارا فى قاعة تبارك ... فاتو يهرولون ويمنعون ويتخبطون ويتحايلون ويهددون ويتصلون وووو ...

كان افطارا سنويا دائما يقام منذ خمس سنوات برعاية ابى (المهندس محمود سلامة ) ولم نجد ابدا اى اعاقات طوال هذه السنوات الخمس... ولكن فى هذه السنه عزموا على ان يوقفوا الافطار بكل قوه ... خاصة ان هذا الافطار من اكبر افطارات المركز من حيث عدد المفطرين ...

وهو ليس تجمع للاخوان ولا لاى فئه من الفئات السياسيه بل هو افطارا عاما تعود عليه اهل المركز من اطباء ومهندسين وعمال وفلاحين وتجار ورجال اعمال ...

فى الساعه الواحده ظهرا فوجئنا ان الفراشه جائت لتلم فراشتها من كراسى ومنضدات لها بكل عنف .. وعندما سالناهم عن الاسباب قالوا .. سناتى لكم بما هو اجدد منه ولكننا كنا موافقين على هذه الفرشه ... ولم نجد منهم اى اجابات منطقيه لما يفعلوه ... ذهبنا الى صاحب الفراشه فقال لنا قالولى مش تروح للمهندس محمود والا يتقطع عيشك .. ذهبنا الى اى فراشات اخرى ولكننا وجدنا منهم رفضا قاطعا ان ياتوا معنا ...

وبعد قليل وجدنا ما لا يسرنا ... وجدنا امامنا مامور المركز ورئيس المباحث والمخبرين ... تعصب ابى امامهم وقال هو انا مش عارف اعمل افطار فى بيتى ... ايه احنا عايشين فين فرد عليه مامور المركز عايشين فى مصر يا بيه .. ورد عليه رئيس المباحث انت بتتكلم كده قدامنا ازاى ... واخذ مامور المركز فى تهدئه ابى .. وقال له مش ناوى تضيفنا فى مكان ( كل هذه المشادات كانت فى القاعه اسفل بيتنا فى الدور الثانى ) ففضلهم ابى الى البيت فى الدور الثامن ... وجلسوا والمخبرين معهم وعملوا تحقيق وورقه وقلم وسين وجيم ... وابرز ما كان فى التحقيق سال رئيس المباحث ابى .. مين اللى جاى رد عليه بابا . انا مهندس وكل اللى جاى مهندسين ودكاتره ورجال اعمال ... واجيب اللى انا عايز اجيبه ...

تهاونوا كثيرا وتحايلوا كثيرا على ابى فى ان ينقل الافطار من القاعه الى البيت حتى لا تسبب لهم المشاكل من قبل امن الدوله المتمثل فى مرشد امن الدوله بالمركز احمد عابدين ..

ودخلت انا عليهم بنرفزه معتاده وقلت بصوت عالى هو انت عملت ايه عشان يمنعوا الفطار يا بابا .. واخذ ابى فى تهدئة ثورتى واخذوا هم فى الابتسامة الصفراء المعتاده منهم ...

اجلسوا لنا المخبرين اسفل البيت ليتابعوا الحركه مين اللى جاى يفطر ومين اللى طالع ومين اللى نازل ... كانوا يعطوا تقارير اوليه عبر الموبايل لرئيسهم ... وكاننا نخطط لحرب ضدهم او كمركز لتجارة المخدرات ...

تساهلنا معهم منعا للمشاكل خاصة ان كل الحاضرين للافطار ليسوا اخوانا ... وفعلنا ما يريدون ونقلنا الافطار فى بيتنا .. وفعلنا ما يريدون منا

حتى انهم جاؤوا قبل المغرب بدقائق معدوده ليطمئنوا ان الافطار سيتم فى البيت وليس فى القاعه ... وتحايلنا عليهم فى ان يفطروا عندنا ولكنهم ابوا واعتذروا لابى عنا بدر منهم وقالو له معلش يا باش مهندس مش بايدينا والله ... الغريب انهم فطروا عند واحد من الجيران فى الدور السادس ههههه .. عشان يطمنوا ان الفطار مش هيتعمل فى القاعه .. شوف الخوووف والرعب والجبن

وفى خضم كل هذه الاحداث اتى لنا صاحب القاعه يقول انا اسف انا من الصبح يا باش مهندس فى امن الدوله والله .. اعذرنى الامر مش بايدى .. وتخلى الجميع عنا بامر من امن الدوله ...

وكان جيراننا يحسبنون واحدهم قال : عالم وسخه هو احنا بنعمل ايه يعنى ينصلى المغرب وبنفطر وبنمشى ولا حد بيقول فينا خطبه ولا حتى بنخطط لحاجه هما عايزين ايه .. مش عايزينا نفطر سوا ليه ؟!!!

حسبنا الله ونعم الوكيل ..فى احمد عابدين وفى جهاز امن الدوله كله البوكس امام القاعه ...

مامور المركز يعاين المنطقه .. وكيفية السيطره عليها

مامور المركز ... يقبل بابا .. مش عارف انا بيبوسوا ليه ما يكنش عايز خمسين جنيه ...

باقول الحاج بتبوسوا ليه بيقولوا هو يابنى الىل جه وباسنى ... ما السر وراء هذه البوسه

تم نقل حفل الافطار الى الدور الثامن

القاعه بعد ان كانت ممتلئه بالكراسى والمنضدات .. فضت من قبل المخبرين وقوات الامن
القاعه فاضيه
بعد ان انتها المحققون من التحقيق ..
رئيس المباحث بيدى الاوامر بالتمام
يدورون حول البيت لمعرفة اى شئ جديدالاكل .. فى البيت وليس فى القاعه

جمال بيه ... فى بلدى

اتى السيد جمال مبارك بصفته ابن البطة البيضاء ورئيس امانه السياسات بالحزب الواطى ... وبس
اتى فين بأه ... اتى الى مركز ديرب نجم هو ووزراء ابوه اللى هما وزير التمنية المحليه ووزير الصحه ووزير التضامن .. اتوا الى الوحده المحليه "العصايد" عشان يضحكوا على نفسهم اه والله يضحكوا على نفسهم ويضحكوا على الشعب وعلى اهل البلد ... اتوا عشان يفتحوا الوحده الصحيه المفتوحه قبل كده تلات مرات من قبل تلات وزراء ومحافظ ... اتوا عشان افتكروا ان هما عملوا حاجة فى برنامج الانتخابى للريس مبارك ... اتوا بربطة معلم بعد ان رصفوا الطريق وشالوا المطبات اه والله بعد لما كنت رايح بلدنا بلاقى خمس مطبات قبل ما اوصل البلد دلوقتى ولا مطب وايه سفلتوا الطريق من اول وجديد وركبوا اعمده نوور جديده فى البلد .. ودهنوا الشجر ودهنوا المدرسه اللى قعدت 15 سنه هتقع دهنوها ... وجابوا عربيتين اسعاف فى الوحده الصحيه بعد لما مش كانت موجوده على اساس انها مجهزه ... زودوا حصة الدقيق فى قرية شوبك اكراش وهيا احدى قرى الوحدة المحليه المسماه بالعصايد .. وكان فيها فرن واحد بدل 8 شكاير خلوهم عشرين شيكاره ... والسماد بتاع الفلاح بامانه هيصوا الفلاح بعد لما كان بيروح يشترى السماد من السوق السودا اصبح موجود وبكثرة فى الادارة الزراعيه فى البلد ... وزعوا على كل بيت غنى او فقير شنط رمضان مهداه من الحزب اللى حاكم البلد بقاله 30 سنه ...
كان المحافظ بينزل مرتين المركز يطمن على احوال الرصف والتشجير واعمده الانارة ودهان المنشات بالبلده ... ياخى واقسم بالله مرتين فى اليوم وكل لما ينزل يقول لرئيس مجلس المدينه الوضع مش ينفع ... نزلوا يلموا الزباله من الشارع ... عشان ابن البطه البيضا جاى ...
زهقونا فى عيشتنا يوم ما نزل سيادة ابن الريس البلد قفلوها منعوا الجميع من الدخول او الخروج ... بدا يوم نزول سيادة الرئيس ... برش الشوارع بالمياه .. ووضع الحواجز المروريه ولبس رجال المرور البدله اللى على الحبل ... وبداوا يشوفوا شغلهم ويسحبوا الرخص ويدوا المخالفات ...
نزل بطيارة هليكوبتر فى استاد الشرقيه ...وجاء فى موكب واصطف سيارات تقدر بحوالى 25 سيارة ... وكان البلد ملك ابوه .. باى حق ياتى فى هليكوبتر وباى حق ياتى فى سيارات وحراسات وامن ووو ...
انا لا عرف مسؤول فى مصر اسمه جمال مبارك ...
باى حق اتى ليفتتح المشروع هل اعطاه ابوه توكيلا بالنيابه عنه ليفتتح المشروع ... اهل يوجد فى الدستور نص يقول انه مسموح لعائلة الرئيس ان تستخدم سلطاته فى اى مكان ذهبت ...
اذن من اين لابن الرئيس بطائرة هليوكبتر وحراسات خاصه وووو ...
طيب مادام ان ابن الرئيس واقع فرض علينا خلونى اكلم ابن الريس باعتباره الريس ..
سيادة الرئيس جمال مبارك .. اتعرف ان منافقيك كثر ... اتعرف ان اللى كانوا قاعدين حواليك واخدين خمسين جنيه كل نفر .. اتعرف انهم جايين فى ميكروباصات مخصوصه ... اتعرف ان اسئلتهم متمليه ومحفوظه ... اتعرف ان هناك ميكروباصات اتت من الغربيه مخصوص لتصفق لك ولحاشيتك ... لماذا لم تدخل صحفي المعارضه الى داخل القعده اللى كنت قاعد فيها ... وادخلت صحف الجرائد الرسميه فقط ...
يا ترى انت عارف ده كله ولا لأ ... عارف ان كلامك مجرد كلام وضحك على الدقون ..
عارف ان الامن فضى بيوت الناس بجوار الساحه اللى كنت قاعد فيها وذلك لدواعى امنيه ... تعرف ان الامن منع اى سيارات تدخل البلد طول ما سيادتك موجود فيها ... عاااااااااااارف يا جمااال ولا لأ
وانت يا محافظ الشرقيه انسيت انه فى يوم تنصيبك محافظا للشرقيه سالك الرئيس مبارك انت محافظ ايه يا عبدالمجيد قولتله اللى انت تؤمر بيه ياريس .. هههه
سيادة الرئيس جمال مبارك .. كل الذين يقابلوك يقابلوك بكل ابتسامه وود واحترام وعندما يديرون وجوههم يشتمونك باقظع الالفاظ وذلك لانهم منافقين مش بيحبوك بجد يا جمال لا انت ولا ابوك ..

وعلى فكره اللى طلع وحضنك ده ... اللى كان لابس جلابيه فلاحى سودا ده هو ومراته كل واحد فيهم يا سيادة الرئيس جمال .. واخد ميتين جنيه ...

والست اللى كانت بتحلب اللبن وحواليها عيالها دى .. انا نفسى اعرف النصبه دى عاموهالك ازاى يا انكل جمال ... يعنى انت مافكرتش ان فيه حد ممكن يحلب بهيمه فى وسط المساكن ... على فكره دى نصبلهالك عشان مش تدخل جوا البلد ويقولوا انك راعى الفقراء وبتاع الستات اللى بتحلب لبن .. الست دى واخده 200 جنيه يا اونكل ..

انشر لكم بعض مانشيتات الصحف القوميه الذى حضر رؤساء تحريرها ..

لكى تحكموا على انفسكم ... من اللى كداب ومنافق

صور تبين لكم كدب ونفاق هؤلاء
المحلات مغلقه ... لمرور ابن البطه البيضا من امامها
الرصف ترش
المحلات مغلقه
شايفين .. المدرسه لسه مدهونه ..
دداهنين الحيطان ... وعلوا السور شويه عشان يدارو العشش
لسه بيركبوا الاعمده
شوفوا .. مداريين العشش ازاى عشان جمال بيه مش يشوفها ... نحيط علمكم ان الصورة كانت موجوده بالدستور
مغطيين العشش
يركبون اعمده الاناره قبل وصول جمال بيه بساعه
العامل بيوصل الاسلاك
انطلاق الناس الى شوارع العصايد بعد الحظر الامنى ... شايفين الصوان الازرق اللى هناااااك ده ... هو ده فيه جمال
المدرسه كان فيها مؤتمر صحفى منغلق على رؤساء التحرير الصحف القوميه ... شوفوا الحضور كان قليل ازاى قدام المدرسه

نحيط علمكم ان هذه المدرسه اصلا ابتدائى ... ولكنهم دهنوها وشالوا اليافطه وحولوها ثانوى صناعى

جمال طاهر .. اخرس لا يتكلم ... مش كان من ضمن الناس المتظبطته اللى هيقدموا طلبات لجمال ... فا قام رافع طلبه قدام الكاميرا وقال انا عايز ابنى ومش عارف
----
جريدة البديل :

فرض حظر التجول وغلق المحال وإخلاء منازل خلال زيارة جمال مبارك قرية العصايد في الشرقية
06/09/2008
مواطن يفاجئ أمين السياسات: المستشفي اللي سيادتك افتتحتها مبنية من 1984 والمدرسة الثانوي كانت أصلا مدرسة ابتدائي دهنوها وغيروا اليافطة

أجهزة الأمن حظر التجول علي قرية العصايد التابعة لمركز ديرب نجم في محافظة الشرقية مساء أمس الأول، خلال افتتاح جمال مبارك، أمين سياسات الحزب الوطني، مشروع تطوير الوحدة المحلية هناك.

وأجبرت الأجهزة مواطني القرية علي إغلاق محالهم لإتمام الزيارة التي تأجلت مرتين لدواع أمنية.

وقال الأهالي: "إن أجهزة الأمن تسلمت القرية منذ أسبوعين، وأخلت خلالها المنازل المجاورة لمكان تواجد نجل الرئيس، في منطقة المدرسة الثانوية الأزهرية". وسأل الأهالي: ماذا لو جاء الرئيس مبارك نفسه؟!".

وفي يوم الزيارة فرضت أجهزة الأمن حظر التجول علي الأهالي وحذرتهم من مغادرة منازلهم "بحجة عدم إثارة الفوضي". وافتتح جمال مبارك مستشفي الأسرة في قرية شوبك إكراش، بتكلفة تبلغ مليوني جنيه بعد تبرع الأهالي بالأرض المخصصة له، بالإضافة إلي افتتاح المركز الاجتماعي في إكراش ومحطة المياه بالعصايد ومستشفي العصايد ومدرسة ثانوي.

وما أن التقي أهالي قرية إكراش جمال مبارك حتي قال له أحمد سليمان: "المستشفي اللي افتتحتها سيادتك مبنية في سنة 1984، وسبق افتتاحها في 1989 والمدرسة الثانوي أصلها مدرسة ابتدائي دهنوها وغيروا اليافطة"

----

اخوان اون لاين .. اتصلوا بيا وكان التقرير الاتى منى لصحفى اخوان اون لاين احمد عبدالفتاح:

وسط إجراءاتٍ أمنيةٍ مشددة لم تشهدها محافظة الشرقية من قبل، هبطت في تمام الثانية من ظهر اليوم بإستاد الزقازيق طائرة عمودية (هليكوبتر) تقل جمال مبارك أمين لجنة السياسات بالحزب الوطني الديمقراطي، الذي توجَّه فور هبوط الطائرة إلى قرية شوبك كراش بمركز ديرب نجم وسط موكبٍ من السيارات شمل أكثر من 25 سيارةً؛ وذلك لافتتاح الوحدة الصحية بالقرية.
ومنذ ساعات الصباح الأولى فرضت أجهزة الأمن بالمحافظة حظر تجول بكل الطرق التي كان من المقرر أن يمر بها الموكب، وتم إغلاق كافة المحلات المحاذية للطريق، أما على جانبي الطريق فاصطف المئات من الموظفين الذين أحضرهم الحزب الوطني بسيارات أجرة من محافظة الغربية ومدينة الزقازيق مقابل 50 جنيهًا للفرد من أجل تقديم التحية ورفع لافتات التحية لنجل الرئيس.
أهالي ديرب نجم من جهتهم أكدوا دهشتهم من الإجراءات التي صاحبت زيارة جمال مبارك، والتي بدأت منذ أكثر من أسبوعين وأشرف عليها محافظ الشرقية بنفسه، حتى وصل الأمر بالمحافظ إلى زيارة مركز ديرب نجم مرتين يوميًّا للتأكد من التجهيزات للزيارة، والتي تمثَّلت في رصف جميع شوارع المركز وتنظيفها ودهان الأشجار ووضع أعمدة إنارة جديدة.
أحد سكان قرية شوبك كراش قال : "الغريب في الأمر أن الوحدة المحلية التي افتتحها جمال مبارك تم افتتاحها مرتين قبل ذلك؛ مرة عن طريق المحافظ ومرة عن طريق وزير الري، لكن هذه المرة الأمر اختلف وتم شراء سيارتي إسعاف للوحدة بالرغم من أن مستشفى المركز لا يوجد به سيارة إسعاف واحدة".
أحد الفلاحين قال لنا: "كل شيء تغيَّر بسبب زيارة نجل الرئيس؛ فالشوارع تم رصفها ورشها، والمخبز الوحيد بالقرية تمت زيادة حصته من الدقيق من ثمانية أجولة في اليوم إلى عشرين جوالاً، وتم توزيع شنطة رمضان على كل بيوت القرية، ولأول مرة تم توفير الأسمدة بالأسعار القانونية في الإدارة الزراعية في القرية، فإن كان الأمر كذلك فنحن نطالب جمال مبارك بزيارة القرية كل يوم".

----

لدينا فيديوهات .. لدخول ميكروباصات من محافظه الغربيه الى قريه العصايد معبئه بالناس .. ولدينا صور للانحباس المرور بسبب زيادة ابن الريس ..ولكننا نكتفى بذلك وننشر الفيديوهات وقت اخر ...

وكانت هذه تغطيتنا لزيارة ابن الريس نتنمنى ان نكون قد وضحنا لكم جزءا من الحقيقه المغيبه عنكم ...

ماذا حدث بابوكبير ؟

ذهبنا لنتقصى الحقيقه من ارض الواقع .. وننقل لكم ما حدث من ظلم وهمجيه ووحشيه وعنجهيه امن من المفترض انه يساعد على حفظ الامن والامان للوطن والمواطن ولكنه يحافظ على امن الرئيس وحاشيته من الاهتزاز من على الكرسى او حتى التفكير فى من يهزه ...
فى كل بلاد العالم ومن المعروف انه يحافظ على الامن والهدوء للمواطن ولكنه فى بلادنا اصبح الامر مختلف تماما فقد اصبحت ميزانيه مصر كلها موجهه للامن السياسى وليس للامن الجنائى .. اصبحت مصر دولة بوليسيه فقد استخدموا ظابط الامن كالكلب البوليسى عندما يكشر عن انيابه لمواطن قال الله وقال الرسول وقال الحريه وقال الاسلام وقال الاخلاق وقال الحياء وقال التكافل .. فالكلب البوليسى لا يريد ذلك بل يريدك ان تكون اسير سيجارة او ذليل شهواتك او فى حالك وجمب الحيط .. لكن تتطالب بحقك لكن تطالب برغيف عيش او 100 جنيه زياده او حتى تصلى فى جامع وتقول رايك .. ساعتها يشم الكلب البوليسى رائحتك وينقض عليك كما فعل مع الاخوان فى ابو كبير ...
كانت حفله .. نعم حفله للخريجين من الكليات .. وهو حفل اعتاد عليه اهالى ابو كبير من الاخوان المسلمين لتهنئتهم بالتخرج وتشجيع شباب ابو كبير على استكمال مشوار العمل وبناء الوطن و النهوض بالامه .. ولكن الامن او الكلب السياسى رفض مثل هذه الافعال التى من نظره جريمه فى حق الوطن ... واعد العده لمقاومه الحفل واحضر الميكروباصات المعبئه بالمخبرين واحضر عربات الامن المركزى والجنود الذين يحملون الرشاش الالى ولواءات وعمداء وووو ... وكل هذا من اجل حفله صغيره لتكريم الخريجى ومطالبة الشباب بان ينهض بالوطن !!!
عجبى لك يا وطن ... عجبى لك يا سيادة الرئيس .. فا انت تطالب بالديموقراطيه دائما وتنادى بحريه الراى فى خطاباتك .. ولكنه يحدث عكس كلامك فاننا كشعب مصر اعتدنا انك عندما تنادى بحريه فانه يعنى انك تنادى باعتقال كل نفس سولت له بان ينطق بكلمه ... وعندما تطلب بــ 30 % من الكادر فانه يعنى انك ستسلبهم منه وقت اخر كما فعلت ورفعت اسعار البنزين والجاز ...
اسمح لى ان اقول لك ان سياستك فاشله تمام الفشل بالنهوض بالوطن اسمح لى ان اقول لك ان حاشيتك ومنافقيك كثروا فى عهدك واصبحوا حراميه البلد على عينك يا تاجر ....
اسمح لى ان اقول لك سيادة الرئيس اننا شعب سلبى خانع توسم فيك الخير ولكنه لم يجد الخير فيك ابدا ابدا لا فى حزبك ولا فى ابنك ولا حتى فى نوابك الذين جاؤوا الى مجلس الشعب بالتزوير ...

الدكتور سيد عبدالحميد المعتقل
تحدث الينا محمد السيد عبدالحميد ابن الدكتور سيد عبدالحميد (عضو مجلس الشعب السابق ) والمعتقل فى احداث ابو كبير الهمجيه مع عشرين معتقلا حيث حكى نجل الدكتور قصة دخول الكلاب البيت وانتهاك الحرمه وسرقه البيوت : دخلوا البيت بقوه لم اكن اتخيلها نهائيا اتوا بسبع مكروباصات واربع بوكسات وست عربيات امن مركزى ... تخيل معى يا استاذ عمرو ان كل ميكروباص من هذه الميكروباصات يحمل 14 راكبا وكل عربيه امن مركزى تحمل 50 جندى وكل بوكس يحمل 10 ركاب ... تخيل معى حجم القوة وتمعن ... واردف قائلا : اخذوا ابى والشباب الذين كانوا معه من صالة الاستقبال فى الدور الارضى وعاثوا وصالوا فى البيت كانه ملعب وصعدوا الى فى الدور الثالث واطرقوا الباب طرقة واحده ولكنى لم اعبث بطراقاتهم الغشيمه وخلعوا الباب وفوجئت بهم امامى يحوطون الشقه من كل ناحيه ويسالونى من انا ؟ .. جاوبتهم انى نجل الدكتور سيد وجدت الظابط يأمرنى بأن البس لاتى معهم فنزلت لالبس ووجهت كلامى للظابط قائلا انا هانزل بس ياريت ماحدش يفتش الشقه الا لما اكون معاهم ..جاوبنى بالقبول ونزلت لابدل ملابسى وعندما نزلت فوجئت بنفس الظابط يقول لى تعالى استلم الدهب .. فعرفت انهم صعدوا وانا بالاسفل ... ولم يلتزم الظابط بالاتفاق .. وصعدت بسرعه معهم لاستلم ذهب امى واستلمته وكان سليما مائة بالمائه ولم يسرق منه اى شئ وخباته .. وواربت باب الغرفه .. لأنهم كانوا قد خلعوه ... وذهبت معه ارى ما ذا يفعل .. فرايته يفتش فى مكتبى وياخذ الكتب الطبيه الخاصه بكليتى وقلت له هذه كتبى فى كلية الطب جاوبنى بالسكوت ... اخذ موبايل من النوع هامر ذكرته بأن هذا الموبايل جديدا ولا يوجد عليه اى اسم ولا يوجد به شريحه .. صمت امامى ايضا وبينما وانا احدثه على الموبايل وجدت الموبايل قد وصل ايدى المخبرين "يزقلوه لبعض" واخذوا كتب التربيه الرياضيه الخاصه باخى عبداللطيف الطالب بكليه التربيه الرياضيه ... ايضا اخذوا بضاعة محل اكسسوارات كنا فى الطريق لافتتاحه تقدر البضاعه بـ 7 الاف جنيه .. اخذوا شاشة من نوع ال سى دى جديده تقدر بـ الفين ونصف الف جنيه ... واخذوا كمبيوتر وساوندات .. صالوا وجالوا فى الشقه ولم اقدر على ان اتفوه لانى كلما تفوهت بكلمه اجد البنادق وجهت الى راسى .. كانى مجرم ... وبعد التفتيش سالنى عن بطاقتى .. اخرجت له المحفظه لاخرج منها البطاقه ولكنى وجدت المحفظه تاخذ من يدى وسالته ان بها كارنيهات الجامعه ووو .. اخذ منها الاموال واعطهالى ... وعندما شاهد كارنيه الجامعه وبطاقتى .. قالى انت طالب بجامعة الزقازيق جاوبته بالايجاب .. وفجاه وجدته بتصل بجامعة الزقازيق .. وفى التليفون قال : عندكم طالب اسمه محمد سيد عبدالحميد فى كلية طب فا بحثوا ولقوه اه عندنا يا باشا ... طيب هو لو نشاطات عايزينه يعنى .. قالوا لأ .. اعطانى البطاقه والمحفظه وقال لى الزم هنا (اقعد هنا ) فا لم اسمع الكلام بل نزلت الى الريسيبشين تحت لانظر ماذا فعلوا بغرفة الاستقبال بالدور الارضى .. وجدت ما لم يسرنى بل تحول حفل تخريج الطلبه الى حفل امن الدولة بانتصار المهمه .. وجدت اللواءات والعمداء والظباط وامناء الشرطه والمخبرين يجلسون على الكنب ويفترشون الصاله ... وكل يجرى باتصالاته ويتكلمون مع بعضهم البعض بينما انا اسمع صوت ابى فى سيارة الترحيلات مكبل اليدين وهو يقول الله اكبر ولله الحمد ... وفجاه وجدت مخبر يحذرنى بالصعود الى الشقه العلويه .. وصعدت واستمروا حوالى الساعتين بالاسفل جالسين فقط بعد ان ادوا مهتهم وسرقوا ما سرقوا وفعلوا ما فعلوا ... جلسوا فى استضافتنا ساعتين ... وهيا لم تحدث على مدى التاريخ الاعتقالات ان يجلس ظباط امن الدولة لمدة الساعتين فى البيت بعد اداء المهمه ... طبعا لا تنسى استاذ عمرو انهم كانوا محاصرين البيت من شارع التحرير فى التفرع المؤدى الى البيت ودخلوا من الشارع الخلفى للبيت ... وتجمع الاهالى حول البيت .. وحدثت احتكاكات بين قوات الامن والاهالى ... وادت هذه الاحتكاكات ان هو بأه عامل زى " المجنون " يضرب بقنابل ونار وكل من يقابله .. ولكن الاهالى صمدوا امام كل هذه الوحشيه وقاوموا القوات بالطوب .. ذكرنى ذلك مقاومة الاهالى الانجليز ... كانوا يقاومون وكانهم يقاومون المحتل ... حتى جلى المحتل من الارض وانسحب بعد ان كسرت سياراته ... وهذا كله حبا فى الدكتور سيد عبدالحميد (عضو مجلس الشعب السابق ) اول من ادخل المياه النظيفه الى ابو كبير بعد معاناه من مياه ملوثه ... وواصل محمد السيد قائلا بعد ان ارتشف رشفه من عصير جوافه كان امامنا .. وقال .. ان الحمله جاءت الى البلده ليلا وواصلت حصارها لدرجة ان هناك محال كانت مفتوحه اجبرتها وبقوه على الغلق وامروا بحظر التجوال بالمنطقه ... وذهبوا الى بيت عمى واخذوا عمى جمال وايضا اخذوا عمى سمير وابنه محمود ذات الخامسة عشر عاما ... وفى خضم تلك الاعتقالات الليله ذهبوا الى بيتنا ليلا ولم يكتفوا بما فعلوه امس بالبيت .. ولم يكن احد بالبيت .. ودخلوا البيت ليلا فى الساعه الثانيه والنصف واحس بهم الجيران المجاورين الى البيت وراوهم وهم يدخلوا ولم يجلسوا فى البيت سوى عشر دقائق ولكنهم انجزوا داخل البيت مهمه كبيرة اتعلم ما هي ... سرقوا ذهب امى واختى بعد ان كنت اخفيته عنهم فى المرة الاولى ... جاءوا مخصوص ليلا الى بيتنا ليسرقوا الذهب .. لا ذلك ولا اكثر .. استعجب هل هم هؤلاء فعلا حراس وطن !!!!
سالته لماذا كل هذا ؟ قال هذا رد فعل غايه نسعى لها وطريق واضح مسير فيها
ووجه رساله الى ابيه فى المعتقل وقال احنا وراك على الطريق اللى انت ماشى فيه ...
وفى رساله ارسلها الى وزير الداخليه ورفاقه قال نجل الدكتور سيد عبدالحميد ... اذا انفقت ربع ما تنفقه على الامن السياسى للامن الجنائى فى مصر لجنبت مصر من كثير من الكوارث واخرها حريق مجلس الشورى
وعندما انتهيت من الحوار جاء على بالى سؤال كان محرج للغايه ...
سالته انته هربان ؟
جاوبنى وبكل وضوح قال :
لأ انا مش هربان لأنه لو هناك امر ضبط واحضار من النيابه باحضارى لذهبت ... انما يستخدم قانون الطوارئ لاغراض سياسيه وتصفيه حسابات لن اعطيه الفرصه لذلك ...
.. انتهى كلامنا مع نجل الدكتور سيد عبدالحميد المعتقل فى احداث ابوكبير وشقيق احمد سيد عبدالحميد المطلوب من النيابه بضبط واحضار ..
وعندما طلبنا منه ان نصور البيت من الداخل وهو مقلوب راسا عن عقب ... قال لنا انه نفسه لا يستطيع الذهاب الى بيته وذلك لان المخبرين موجودين هناك بكثرة وينتظرون اى من اصحاب البيت الى الذهاب الى هناك ... وعندما تحايلت عليه فى ان اخذ منه مفتاح البيت وان اجازف انا وحدى للذهاب الى بيتهم قال لى ... مش هاقدر اوديك للنار باديا ..

ويكمل الاستاذ عبدالحميد بندارى القيادى بجماعة الاخوان المسلمين بمركز ابو كبير قال : عندما اتوا لاعتقال اخى الاستاذ سيد بندارى وابنه محمد سيد بندارى القاطنين بالدور الارضى من البيت ... اتوا ومعهم قوه ضخمه وقوات خاصه وكسروا باب البيت وعندما احسست ان هناك احدا بالاسفل نزلت بالفانله الداخليه ووجدتهم كسروا البوابه وامامى على السلم وعندما واجهت رئيس القوه وقولتله بتكسر الباب ليه .. جاوبنى يالشتيمه وقالى انت مين ؟ جاوبته بانى عبدالحميد بندارى اخرج ورقه من جيبه وقالى مش عايزينك ... وذهب بالقوه بتاعته الى بيت اخى سيد بالدور الارضى خلع باب الشقه فى وحشيه وقسوه وشدوا اخويا من على السرير قالهم هاجيب النضارة بس ... قالوله مافيش نضارات ... وشالوا ابن اخى النائم من على السرير وانهارت امه امامهم واخذت تبكى بدموع تقول لهم فى صوت عالى الا ده الا ده حتى ان صاحب القوه رد عليها يابنت الــ .. اسكتى
رحت اواجهه للمره الثانيه واقوله فيه ادب وذوق وحرمة البيت وستر المواطن جاوبنى بكل وقاحه وبالفاظ لا يقولها الا زباله المجتمع وساقطيه ... واخذتنى الحماسه وبصوت عالى وامامه قلت " يا ظلمه يا مفتريين ربنا هينتقم منكم "
وذهبت لاصلى فى المسجد الفجر ... وبعد الصلاه خطبت فى الناس وتحدثت فيهم وذكرتهم باننا بلد لا تحترم الانسان المواطن ... وانه من المفترض ان يكون لنا موقف ... نظام فشل فى كل حاجة ونجح فى انتهاك حرمات البيوت والشتايم القذرة ...
ووجدت الناس كلها تتعاطف وتدعى عليهم "ربنا ينتقم منهم "
ويواصل الاستاذ عبدالحميد بندارى قوله قائلا ... انه هناك حركة امن غير عاديه ... يوجد استعراض للقوه من قبل الجمعه ( ثالث ايام الحمله ) حتى صلاة العصر ومخبرين منتشرين فى الشوارع
وفى رساله وجهها القيادى الاخوانى بابوكبير الى النظام قال البقاء ليس للاقوى ولكن البقاء للاصلح كذلك يضرب الله الحق بالباطل فاما الزبد فيذهب جفاء واما ما ينفع الناس فيمكث فى الارض
وانتم يا اصحاب هذا النظام الفاشل والقوة الامنية الغاشمه لست لديكم الا الزبد ...
اما دعوة الاخوان فتحمل الاخلاق والقيم والعفة والطهارة ونحن على يقين تام من أن نصر الله قادم قادم .. وان هذا الظلم وهذا الطغيان لابدل له من نهايه وقريبا قريبا ..
ويقولون متى هو قل عسى أن يكون قريباً ...
ويجب على هذا النظام ان يدرس التاريخ جيدا فكم حاولت قوى البطش والاجرام من قبلكم ان يعيقوا ويخمدواويحجبوا دعوة الاخوان وان يمنعوا رجالها فهل افلحت محاولاتهم .. بل على العكس لم تاتى كل هذه المحاولات ولم تثمر الا بلقاء وصمود وثبات رجالات دعوة الاخوان ..
ولم تفلح محاولاتكم فى النيل من هذه الدعوة المباركة او من يفكر فى وقف امتدادها لأنها دعوة ربانيه فيد الله ترعاها من فوق سماواته
فارجوا من هذا النظام الباطش أن يعلموا جيدا وان يعوا الدرس جيدا وان يعودوا الى رشدهم ويراجعوا حساباتهم وان يصطلحوا مع شعوبهم لأن الشعوب هيا الباقيه ولن تنفعهم امريكا ولا دول الغرب حيث تقع الواقعه وما برويز مشرف عنا ببعيد فقد تخلوا عنه كما تخلوا عن غيرهم من قبل ...
واقول للدكتور سيد عبدالحميد انت صاحب حق وغايه ورساله وطالما تحدثت معنا فى معانى الصمود ... ولاخوانه المعتقلين معه اقول ان الدعوه لها ثمن والاصلاح والنعيم يستحق اكثر واكثر واكثر وهذه هي سنة الدعوات .
وهنا انتهى كلام الدكتور عبدالحميد بندارى ... وبقى ان اقول ان الاستاذ عبدالحميد مطلوب لدى النيابه ضبط واحضار ... وحتى الان لم تاتى قوات الامن لتعتقله ...
اترك لكم التعليق بعد ان استعرضت لكم الحدث

بعد احداث ابو كبير .. نحاور اصغر معتقل فى السجون المصريه (خاص لسه عايش)

لسه عايش تحاور "اصغر معتقل فى السجون المصريه" بعد خروجه بساعات قليله كنا اول من ينفرد بالحوار

محمد سيد بندارى ذات الـ 12 عاما يحكى بعد احداث ابو كبير :

- شالونى من السرير وانا نايم وجرونى فى الشارع بالفانله الدخليه وسمعت امى بتصوت كله الا محمد
- وكيل النيابه بيسالنى ايه رايك فى النظام ؟ وانا مش عارف نظام ايه فا قالى اللى هو يعنى الحكومة .. قولتله الحكومة بايظه ومافيش نظام اصلا
- وكيل النيابه قعد يلف ويدور حواليا عشان يعرف منى مين اللى زقل طوب وانا احلفله انى كنتى بالعب كوره
- غرفة الاحداث كانت ضلمة اوى .. ورحت للعسكرى اقوله هات لمبه قالى روح يلا بكره نجيبلك كهربائى ..
- عيطت لما شوفت امى
- انا راجل فى تانيه اعدادى مش طفل زى ما انتوا قولتوا عليا فى مواقع النت والجرايد
- حسبنا الله ونعم الوكيل لكل واحد فى المركز

رفض ان يقال عليه طفل فى بداية الحديث معه وقال قولوا عليا بطل ... محمد السيد بندارى البطل الذى يملك من العمر 13 عاما والذى مكث فى غرفة مظلمه ذات شباك حديدى صغير داخل سجن ابو كبير قرابة الـ 28ساعه والذى قضى اغلبها نوم على البلاط او التحقيق فى النيابه او تجرع واحساس بالالم لانه يريد ابيه وامه معه ..
عندما ذهبت لمحمد توقعت انه سيبكى عندما ابدا فى الحديث معه ولكن معنوياته كانت مرتفعه جدا ومن الغريب انه كان يحدثنى بمبدا عادى لأنه توقع هذا الامر خاصة ان ابوه راجل " محترم والناس كلها بتحبه "
نحاور اصغر معتقل فى سجون مصر كلها الان واقرا معى ولا تستعجب ما يقال فانك اذا اردت تعرف سبب اعتقاله فا استعجب !!!

محمد .. انت فى سنه كام ؟
انا رايح تانيه اعدادى .. وراجل اهوه مش طفل زى ما بتقولوا عليا فى مواقع النت والجرايد
قولى بأه اعتقلوك ازاى ؟
جم قبل الفجر كده ولقيت واحد بيشلنى وبيقولى يلا.. شالونى وانا نايم ومش فايق وسمعت صوت لامى وهيا بتقول " مش ممكن يحصل ابنى لأ" لدرجة ان هما كسروا باب البيت كمان وانا مش سمعته وخلعوا باب الشقه بتاعتنا وباردوه مش سمعته كنت نايم بأه ... وبعد كده كملت نوم وهما شايلنى ومسكنى من الفانله زى الحراميه وقعدوا يجرونى فى الشارع لحد لما وصلنا للعربيات البوكس والميركوباصات اللى كانوا محاصرين الحته وركبت فى البوكس وانا مش فايق اصلا ودنيتنى نايم لحد لما وصلت المركز لقيت واحد بيقولى اسمك قولتله اسمى .. كنت لسه صاحى ساعتها بأه من النوم كده قولتله اسمى وبعدين قالى تاريخ ميلادك كام قولتله .. وبعدين فكونى من الكلابش الحديد ودخلونى غرفة الاحداث كانت ضلمة اوى ومافيهاش الا شباك صغير حديد وكان فيه واحد نايم كده فا صحى اول ما دخلت .. واول ما دخلت وقومت واتوضيت وقولتله يجى يتوضى معايا ونصلى الفجر مع بعض الراجل وافق وصليت الفجر معاه وكملت نومى على البلاط وكل شويه اصحى اساله انت صاحى يقولى اه وهو يسالنى انت صاحى اقوله اه كنا بنطمن بعض .. وعلى الظهر كده لقيت واحد بيقول محمد سيد فا المخبر قال انت محمد قولتله اه انا محمد .. رحت فى عربيه ترحيلات كده وشوفت بابا وقالى مش تخاف يا محمد ورحت النيابه و المحامين جابولى اكل وكلت وانا فى النيابه بايد واحده لأن الظابط مش راضى يفك الكلابش باقوله فكه يقولى انا جايلى اوامر .. وكلت بايد واحده ودخلت لوكيل النيابه تالت واحد والمخبر ودانى وكيل النيابه قاله هو ده محمد السيد قاله ياباشا ايوة قاله ده جاى فى ايه .. قاله ده معاهم بارضه ضحك وكيل النيابه ضحك باستخفاف لصغر سنى وفك الكلابش وقالى اقعد يا محمد ... وقعدت بدا باه يسالنى ويقولى
اسمك ايه ؟ .. جاوبته
كنت بتزقل طوب يا محمد على القوة اللى كانت موجوده ؟ لأ انا كنت بالعب كورة والله يا عمو .. وما شفتش قوه ولا بتاع انا سمعت من الناس
وفضل وكيل النيابه يزن ورا دماغى عشان اقوله مين اللى كان بيزقل وانا اصلا كنت بالعب كورة ومش شفت حد بيزقل ...
وسالنى وقالى ... ايه رايك فى النظام ؟
قولتله سعادتك النظام من ناحية ايه ( محمد لم يعرف معنى النظام اللى هو الحكومة واثارت هذه الجمله استغرابا عند محمد )
رد وكيل النيابه النظام اللى هو الحكومة يعنى ...
محمد قاله النظام بايظ ومافيش نظام والدليل على كده القرار بتاع العيش ده
ايه رايك يا محمد فى قانون المرور ؟
جاوبت : حلو عشان السواق يلتزم ..
سالنى ايه رايك فى سياسة التعليم فى البلد ؟
جاوبت : حلو .. اقوله وحش يعنى
قالى بتعرف تمضى ولا هتبصم قولتله امضى ...
وطلعت وفضلت قاعد فى النيابه لحد المغرب وروحت فى عربيه الترحيلات للمركز والاوضه الضلمة التانى ورحت للعسكرى قبل ما يحبسنى عايز لمبه راح جاب لمبه وطلعت اللمبه مسمار والدوايه قلاووظ .. ومش نفعت المهم زعقلى العسكرى وقالى نام يلا وبكره نجيبلك كهربائى ... ورحت نايم من الساعه عشره لحد تانى يوم الصبح وطلعت على الجمعه كده ...
عايز اقولك حاجة بس .. ان مامور المركز والعساكر كانوا متعاطفين معايا جدا وكانوا بيصبرونى لما بيلاقونى زعلان كانوا بيقولولى باذن الله تاخد براءه او اخلاء سبيل
محمد ... عيطت وانت جوا الحجز ؟
عيطت مرتين المرة الاولى وانا داخل فضلت اعيطت وقولت عايز بابا
والمرة التانيه لما شوفت امى وانا فى النيابه جريت عليها وخدتها بالحضن ومش كنت عايز اسيبها ...
اخبار محمود ايه اللى كان معاك ؟
محمود (بطل يملك من العمر 16 عاما ايضا محجوز ) كان صايم وهو اللى قالى مش تخاف بس هو جه بات معايا الليله الاخرانيه بس وربنا معاه الصراحه بعد لما اخد اربع ايام ... ده الدنيا هناك ضلمه اوى
بابا .. حسيت انه كان عايز يقولك حاجة فى اخر مره شوفته فيها ؟
بابا عارف انه سايب راجل فى البيت وانا دلوقتى شايل مسؤوليه امى واخواتى والبيت ..
ايها البطل .. الناس كانوا شايفينك ازاى بعد لما طلعت مجرم يعنى ولا ايه ؟
لأ الكل كان مستغرب والناس كانت تسالنى ايه اللى حصلك يا محمد فى ايه .. وكل لما واحد يقابلنى يقولى فى ايه خير .. لكن الكل هنا فى الشارع خدنى بالحضن وحبونى وحبيتهم اوى ..
تقول ايه لبابا وبابا فى المعتقل دلوقتى ؟
ربنا يصبرك – باذن الله تخرج – حسبنا الله ونعم الوكيل لكل واحد فى المركز

لسه عايش..

لسة عايش

رغم الفساد والظلم والسجان

لسة عايش

رغم السرقة والتزوير والنهب

والقدر اللى اتكتب ع الشعب

لسة عايش

ربع قرن وفي البلاد الأمن طايش

ولسة عايش

لسة عايش وبكلم نفسى كل يوم

عقلى طار منى من كتر ما شال من الهموم

وعينى ماليها الدمع

ولا شافت في ليلة نوم

لسة عايش على قد حالى

بحارب عشان أجيب رغيف العيش

ولا عمره بيسد جوع

وبشرب من مية الحنفية

وجوايا كبدي مخلوع

وأتعالج في مستشفى الحكومة

ولا عمرها ريحت موجوع على قد حالى وعايز أعيش بالحلال

لكن حرام

كله عليه

تليفون وكهربا للنور ومية

هتجنن!!!

كله حرامية؟؟؟؟!!!

لكن

لسة عايش

الله يهديك يللى في بالي

ضيعت البلد فين

ولا قلت عادي

أهل البلد نايمين؟؟

هو صحيح نايميين؟؟

ولا صاحيين ؟

ولا صاحيين وعاملين نايميين ؟

مش عارف !؟

حكاية طالت وعقدت ولازم يتكتبلها نهاية

كانت غلطة كبيرة

يوم ما ابتدت م البداية

كتير غيري عاشوا الحكاية

لكن ماستحملوهاش

منهم ودعوها

واللى عاش عاش

ومكتوبلى إني أكون

لسة عايش

وحصلت على اول شهادة لى فى الصحافه

مؤسسه "ديجيتال دريمز" الصحفيه .. تتقدم للاستاذ عمرو محمود سلامه بشهادة تميز وتقديراً لجهوده المميزه فى دوره صحفى المستقبل فنون واساليب "الخبر - التحقيق - الحوار "

كانت الفرحه تملانى من كل جوانبى عندما سمعت الاستاذ محمد مصطفى "رئيس قسم التحقيقات فى جريده اخبار اليوم " ينطق بهذه الكلمات امام المستمعين الكرام وينادى علي لاستلم شهادة التميز فى الصحافه ...

كانت هذه اول شهاده تقديريه لى فى الصحافه بعد ان عاهدت ربى ان اسير فى مشوار الصحافه والاعلام لاحقق مالا حققه غيرى فى هذا الطريق الذى احبه واشتاق اليه ...واتمنى ربى العزيز الكريم ان ييسر لى هذا الطريق ويجعله لى زخرا للاسلام والمسلمين ومن خلاله اكون قادرا على خدمة الاسلام والمسلمين ...

ربى وفقنى .. ومن عليا بالتوفيق واسال ان يرزقنى الاخلاص والنيه الخالصه لوجهه الكريم ...

واحترق المكان الذى يذل الشعب ؟؟

- ليست هذه مصر التى عرفناها وليست هذه مصر التى نتمناها ... غصة كبيرة نشعر بها ونحن نرى أهم مؤسسات الدولة تحترق مع إخفاق واضح فى السيطرة على النيران ... إذا كان هناك فشل فى منع أسباب الحريق فكيف نقبل بهذا الإخفاق فى إنقاذ ما يمكن إنقاذه من برلمان يحترق؟! ... والله شىء يدعو للخجل ... أين إجراءات الأمن والسلامة؟! ... وأين أنظمة الإنذار ومكافحة الحريق؟! ... وأين إحتياطات حالة الطوارىء ونحن نعيش دائماً فى ظل قانون الطوارىء؟! ... أطول فترة طوارىء فى التاريخ يجب أن تجعلنا دائماً على أتم إستعداد وجهوزية , ولكن يبدو أن الطوارىء لها عندنا معنى مختلف لا يكترث بهموم الناس ولا بالممتلكات العامة!!! ... وإذا كانت مبانى أهم مؤسسات الدولة بلا إجراءات أمن وسلامة فهل نتوقع أن نجدها فيما دونها من مؤسسات ؟! ... فى الحقيقة أن الفشل فى منع إندلاع الحريق فى مبنى مجلس الشورى والإخفاق فى السيطرة عليه بالسرعة المطلوبة يشير إلى مستوى التردى الذى وصلنا إليه فى ظل نظام يفتقد إلى "الشورى" ... فبعد اليوم لا يجب لهؤلاء "الممثلين" أن يستمروا فى إدعاء أى إنجاز بعدما إقتربت النيران من كراسيهم التى يجلسون عليها فى مؤسسة لها أهميتها الخاصة ... أتمنى أن لا نفقد وثائق ومستندات وملفات مهمة فى هذا الحريق ... ويجب أن يكون هناك تحقيق جاد لا يخفق فى تحديد الفاعل ... فهذا الحريق لا بد له من فاعل ... هذا حريق فى مبنى البرلمان وليس حريق غابات ... لا يجب التذرع بحجج ساذجة مثل "ماس كهربائى" أو "عقب سيجارة" ... ولا يجب أن يُعزى سبب الحريق الى الإهمال وكأن الإهمال لدينا عذراً مبرراً ... هناك فاعل وراء هذا الحريق ربما يكون جهة داخلية أو خارجية , وفى حالة التأكد من عدم تلف وثائق أصلية وملفات مهمة فإن هذا يمكن أن يقلل من إحتمال أن يكون الفاعل جهة داخلية ... لا نريد أن يكون لدينا فترة برلمانية طويلة بلا ملفات ونكتشف فى النهاية أننا كنا أمام ممثلين فى تمثيلية طويلة لا ينهزم الشر فى نهايتها ... نيران حريق البرلمان قد خمدت بعدما أتت على بعض محتوياته وملفاته وتسببت فى خسارة كبيرة ... لكن نيران الغضب فى صدور المصريين لم تخمد منذ زمن طويل غابت فيه الشورى الحقيقية وطغى فيه فساد الحكم والتهم الأخضر واليابس ولا يريد أن يترك البلاد إلا وهى خاوية على عروشها ... لكن لا يجب أن نفقد الأمل فأرضنا وإن بدت جرداء لكنها خصبة ودائما تنبت من جديد ... ليس هذا كل ما يمكن قوله ....

- صرح مصدر مسئول فى شئون الفلافل والفول ان المجرم ايمن نور واعضاء الجماعة المحظورة هم السبب فى الحريق وعلية فان الحكومة تطلب مد قانون الطوارىء لمدة 90 عاما اخرى نظرا للاوضاع واسناد عملية اعادة البناء لمبنى الشعب والشورى للمقاول رجل الاعمال هشام مصطفى بمبلغ 5 مليارات سوف يتم جمعها من الشعب من المخالفات والضرايب الجديدة

-جابوا الجيش وطيارات القوات الجوية والكهرباء ومرفق المياة ورجال الدفاع المدنى واللواءات وكان الاداء قريب من الصفر - النار فى الدور التالت وتنزل على الدور التانى ثم الاول - لا احد يهتم - هى كانت بلد ابوهم امال ايه عز يجى يتفرج على النار من بعيد ويهرب زى القطه ..بكرة النار تاكلك انت وصفوت وشرور يا عز - الدولة اكتر من 6 ساعات عربيات مطافى تخرج وتدخل والنار بتزيد براحتها لغاية ما لقتش حاجة تحرقها - وامنيات الناس ان تمتد الى مجلس الشعب المجاور وياريت يكون الاعضاء والحكومة داخلة يولعوا بجاز وسخ مع بعض

اداء الدولة منهار ورئيس دولة بيحشر اسمة فى كل حاجة كانة بيعمل دعاية لنفسة وسط المصيبة ومذيع قناة النيل يذيع كان الحرب العالمية التالتة هناك عند مجلس الشورى بطريقة دراماتيكية وطيارة جايبة كوزين مية بترميهم من بعيد بعدم احترافية ومن ارتفاع عالى وضغط المياة فى الخراطيم ضعيف جدا صورة مثالية لاداء دولة منهارة وكان ناقص يستعينوا بمستثمر رئيسى يطفى لهم الحريقة فهم قرفوا الناس بحكاية المستثمر الرئيسى وياريت وزير المالية او الاستثنمار يفكر يبيع جهاز الدفاع المدنى وبتوع المطافى لخواجة اسرائيلى لتحسين ادائة مهزلة يا بلد

- ليس لنا نحن الشعب المصري المسكين إلا أن نقول حسبنا الله ونعم الوكيل وليعلم أهل البرلمان المصري والحزب الحاكم أن الله يمهل ولا يهمل سبحانه وتعالى فهذه آية من آيات الله وتحذير فقد أتت النار على المبني بالكامل بما فيها من قوانين ظالمة للشعب المصري والحكومات التي لا يهمها إلا إذلال الشعب تحت وطئة العيش لينعموا هم في مارينا وما شابهها.

وأفوض أمري إلى الله إن الله بصير بالعباد

فيديو .. صورة وجوده عاليه .. وغير منقول من اى وكالات اعلاميه او حتى قنوات فضائيه ومصور من اعلى ابراج امام المجلس

صور من وكالات انباء للحريق